ٹمکورو : مٹھ کے چیف سوامی کو فیس بک فرینڈ خاتون نے لگایا 48 لاکھ روپے کا چونا !

Source: S.O. News Service | Published on 8th June 2023, 7:12 PM | ریاستی خبریں |

ٹمکورو، 8 / جون (ایس او نیوز) بینگلورو دیہی ضلع میں نیلمنگلا تعلقہ میں واقع کمبالو سمستھان مٹھ کے چیف سوامی چنّا ویرا شیوا اچاریہ کی طرف سے دابسپیٹے پولیس اسٹیشن میں درج کروائی گئی ایک شکایت کے مطابق فیس بک پر ان کے ساتھ دوستی بنانے والی ایک خاتون نے انہیں 48  لاکھ روپوں کا چونا لگایا ہے ۔ 
    
شکایت میں کہا گیا ہے کہ 2020 میں ورشا نامی ایک طالبہ کے نام سے جعلی فیس بک آئی ڈی بنا کر منجولا نامی خاتون نے ان سے دوستی کر لی ۔ فون پر چیاٹنگ ہوتی رہی ۔ پہلے تو ورشا نے سوامی کو یقین دلایا کہ وہ منگلورو کی رہنے والی ہے اور اس کے والدین حیات نہیں ہیں ۔ اس کے نام پر 10 ایکڑ زمین وصیت کے ذریعہ چھوڑی ہے اور وہ یہ زمین بہت ہی کم قیمت پر مٹھ کو فروخت کرنے کا ارادہ رکھتی ہے ۔ پھر ورشا نے اپنی تعلیم جاری رکھنے کے لئے کئی مرتبہ رقم طلب کی اور سوامی نے ورشا کی ہدایت کے مطابق منجولا نامی خاتون کے اکاونٹ میں کُل 10 لاکھ روپے جمع کروائے ۔ 
    
پھر گزشتہ سال اکتوبر میں منجولا نے فون کرکے سوامی کو بتایا کہ زمین کے مسئلہ پر رشتہ داروں کے ساتھ ورشا کا جھگڑا ہوا ہے اور اس کے سر پر گہری چوٹ کی وجہ سے متھی کیرے کے اسپتال میں آئی سی یو میں داخل ہے ۔ اس لئے اس کے علاج کے لئے رقم کی ضرورت ہے ۔ ورشا کے علاج کے بہانے سے منجولا نے چنا ویرا شیوا اچاریہ سوامی سے 37 لاکھ روپے وصول کیے ۔ اس دوران سوامی نے اپنے کچھ شناسا کو متھی کیرے اسپتال میں خبر گیری کے بھیجا تو پتہ چلا کہ اس اسپتال میں ورشا نامی کوئی مریضہ داخل ہی نہیں ہوئی ۔ 
    
اپنے ساتھ ہوئی دھوکہ دہی کو محسوس کرنے کے بعد سوامی نے منجولا پر دباو بنانا شروع کیا کہ وہ رقم واپس لوٹائے ۔ لیکن منجولا نے اصرار کرنے لگی کہ ورشا کے علاج کے لئے اس نے  55 لاکھ  روپوں کا قرضہ لیا ہے اس لئے سوامی کو یہ 55 لاکھ روپے بھی ادا کرنے ہونگے ورنہ وہ خود کشی کرے اور اپنے ڈیتھ نوٹ میں سوامی کو اس کا ذمہ دار بنائے گی ۔ 
    
سوامی نے اپنی شکایت میں مزید بتایا ہے کہ 23 اپریل 2023 کو شام کے وقت منجولا کے علاوہ اوانیکا، رشمی ، میناکشی، پردیپ نائیک، کاویری اور پریما پر مشتمل ایک گروپ نے مٹھ میں پہنچ کر سوامی سے 55 لاکھ روپے طلب کیے ۔ ان کے ساتھ بدکلامی کی ۔ زبردستی ایک معافی نامہ والا سوامی کا فون پر ویڈیو بنایا اور 50 ہزار روپے چھین کر ویڈیو وائرل کرنے کی دھمکی دیتے ہوئے چلے گئے ۔ 

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔