بھٹکل:14؍فروری(ایس اؤ نیوز)تعلقہ میں قومی شاہراہ فورلین کا تعمیر اتی کام قریب 70فی صد مکمل ہواہے اور  ابھی سے ٹول فیس وصول کیا جارہا ہے،  کام مکمل کئے بغیر ہی اس طرح ٹول ناکہ  پر فیس وصول کرنا بالکل غلط ہے اور اس سے  عوام کو سخت پریشانیوں  کا سامنا کرنا پر رہا ہے اس بات کا  الزام عائد کرتےہوئے ناگریک ویدیکے بھٹکل کے ممبران نے بھٹکل اسسٹنٹ کمشنر کو میمورنڈم سونپا۔

میمورنڈم میں بتایا گیا ہے کہ قومی شاہراہ کی توسیع کا  تعمیراتی  کام شروع ہونے کی وجہ سے پچھلے سال بارش کے موسم میں بھٹکل کے منکولی سمیت کئی علاقوں میں بارش کا پانی گھروں میں گھس گیا تھا جس  سے مکینوں کو بہت زیادہ  تکلیفات کا سامنا کرنا پڑا اُس وقت متاثرہ علاقوں میں کیا حالات تھے، اُس سے  افسران بخوبی واقف ہیں۔ اور اب شاہراہ کے ادھورے کاموں کی وجہ سے روزانہ حادثات سے لوگوں کا  زخمی ہونا، اور ہلاک ہونا جاری ہے۔ بھٹکل تعلقہ میں ابھی تک شاہراہ کا تعمیری کام مکمل  نہیں ہواہے، ایسے میں ٹول فیس وصول کرنےسے عوام پر زیادہ بوجھ پڑ رہا ہے، میمورنڈم میں اس بات کا مطالبہ کیا گیا ہے کہ فوری طور پر   شرور سرحد پر واقع ٹول پلازہ پر وصول کی جارہی فیس کو  روکا جائے، ناگریک ویدیکے نے منتبہ کیا ہے کہ اگر ٹول ناکہ پر فیس لینا بند نہیں ہوا تو پھر  سخت احتجاج کیا جائے گا۔ اس موقع پر ناگریک ویدیکے کے اعزازی صدر دتاتریا نائک، دیاویا نائک ، پاسکل گومس ، ایرا نائک وغیرہ موجود تھے۔ بھٹکل اسسٹنٹ کمشنر ساجد مُلا نے میمورنڈم وصول کیا۔