ایل پی جی سلنڈر کی قیمت میں اضافہ اسمرتی ایرانی کی تصویر کے سہارے راہل گاندھی نے بی جے پی پر کسا طنز

Source: S.O. News Service | By INS India | Published on 14th February 2020, 1:45 AM | ملکی خبریں |

نئی دہلی،13فروری (آئی این ایس انڈیا)کانگریس پارٹی کے سابق صدر راہل گاندھی نے رسوئی گیس کی قیمت میں بڑے اضافہ کو لے کر بی جے پی پر نشانہ لگایا ہے۔راہل نے یو پی اے حکومت کے وقت کی ایک تصویر شیئر کی ہے جس میں اسمرتی ایرانی سلنڈر لے کر سڑک پر احتجاجی مظاہرہ کرتے دیکھاجاسکتاہے۔راہل نے لکھاکہ میں بی جے پی کے ان ارکان سے متفق ہوں جو ایل پی جی سلنڈر کی قیمت میں 150 روپے کے بڑی اضافہ کی مخالفت کر رہے ہیں۔ #RollBackHikeکے ذریعے راہل نے بڑھی قیمتیں واپس لینے کا مطالبہ کیا۔غور طلب ہے کہ دہلی اسمبلی انتخابات ختم ہوتے ہی پٹرولیم کمپنیوں نے بدھ کو ملک میں صارفین کو بڑا جھٹکا دیتے ہوئے رسوئی گیس سلنڈر کی قیمت میں بھاری اضافہ کیا ہے۔بغیر سبسڈی کے 14.2 کلو گرام والا سلنڈر ملک کے مختلف حصوں میں 149 روپے تک مہنگا ہو گیا ہے۔ملک کی راجدھانی دہلی میں بغیر سبسڈی والے ایل پی جی سلنڈر کی قیمت 144.50 روپے بڑھ گئی ہے۔اسمرتی ایرانی کی تصویر یکم جولائی 2010 کی ہے،تب وہ بی جے پی کی خاتون مورچہ صدر تھیں۔انہوں نے اس وقت کے مغربی بنگال بی جے پی چیف راہل سنہا کے ساتھ کولکاتہ میں دھرنا دیا تھا۔اسمرتی ایرانی نے ایندھن کی بڑھتی ہوئی قیمتوں کے خلاف پارٹی کارکنوں کے ساتھ مل کر سڑک جام کیا تھا۔اس وقت مرکز میں کانگریس کی قیادت والی یو پی اے 2 حکومت اقتدار میں تھی۔

ایک نظر اس پر بھی

شاہین باغ: مظاہرین اور مذاکرات کاروں کی بات چیت بے نتیجہ،شہریت قانون واپس لینے تک ڈٹے رہنے کا عزم

شاہین باغ میں گزشتہ68 دنوں سے شہریت ترمیمی قانون، این آر سی و این پی آر کے خلاف جاری عالمی شہرت حاصل کر چکے دھرنا و مظاہرہ میں 19فروری کا دن بہت خاص رہا کیونکہ سپریم کورٹ کے ذریعہ مقرر کردہ مذاکرہ کار سنجے ہیگڈے اور سادھنا رام چندرن بات چیت کرنے پہنچے-

آسام: زبیدہ بیگم کے پاس15دستاویزات موجود شہریت ثابت کرنے میں پھر بھی ناکام!

پورے ہندوستان میں این آر سی لگائے جانے اور اس کے اثرات پر بحث جاری ہے- آسام میں این آر سی سے پیدا مشکلات کو سامنے رکھ کر لوگ پورے ملک میں این آر سی لگائے جانے کی مخالفت کر رہے ہیں - آسام میں کئی معاملے سامنے آ چکے ہیں جس میں برسوں سے وہاں رہ رہے لوگوں کو شہریت ثابت کرنے میں مشکل پیش ...

جس طرح سے سی وی سی کی تقرری ہوئی اس طرح تو چپراسی کی بھی تقرری نہیں ہو سکتی: کانگریس

کانگریس نے چیف ویجلنس کمشنر (سی وی سی) اور ویجلنس کمشنر (وی سی ) کی تقرری کو اداروں کو تباہ کرنے کی ایک اور مثال قرار دیتے ہوئے اسے غیر قانونی قرار دیا اور الزام لگایا کہ اس میں طریقہ کار پر عملدرآمد ہی نہیں کروایا گیا ہے۔

تملناڈو میں بس اور کنٹرینر ٹرک کے درمیان بھیانک ٹکر، 20 کی موت 24 زخمی

ضلع تریپور کے اویناشی میں  بس اور کنٹینر ٹرک کے درمیان ہوئی بھیانک ٹکر میں 20 لوگوں کی موت واقع ہوگئی جبکہ 24 لوگ شدید زخمی ہوگئے۔ حادثہ جمعرات کی اولین ساعتوں میں  اس وقت پیش آیا جب تیز رفتار کنٹرینر ٹرک کا ایک پہیہ پھٹ گیا جس کے نتیجے میں ٹرک بے قابو ہوکر تیز رفتاری کے ساتھ  ...