کرناٹک میں کورونا وائرس کے 16 ؍ نئے معاملے، متاثرین کی تعداد 144 ہوگئی ۔ ریاست میں کورونا سے چوتھی موت

Source: S.O. News Service | Published on 6th April 2020, 12:57 AM | ریاستی خبریں |

بنگلورو،5؍اپریل (ایس او نیوز) کرناٹک میں ہفتہ کے روز کورونا وائرس کے 16 نئے متاثرین کی نشاندہی کے ساتھ ریاست میں اب تک اس مہلک وائرس سے متاثر ہونے والوں کی تعداد 144 تک پہنچ گئی۔ یہ بات ریاستی وزیر تعلیم سریش کمار نے بتائی جن کو کورونا وائرس کے متعلق ہیلتھ بلیٹن جاری کرنے کی ذمہ داری دی گئی ہے۔

ایک اخباری کانفرنس سے خظاب کرتے ہوئے انہوں نے کہا کہ ریاست میں کورونا وائرس کے سبب چوتھی موت کا واقعہ بھی سامنے آیا ہے۔ مرنے والے 75 سالہ شخص کا تعلق باگلکوٹ سے ہے۔ انہوں نے کہا کہ ہفتہ کے روز کورونا کے جو معاملے سامنے آئے ان میں بنگلورو کا ایک 21 سالہ نوجوان، ایک 57 سالہ شخص، ایک 43 سالہ شخص ایک 78 سالہ شخص، کیرالہ کے کوچی سے بنگلورو آنے والا یک 60 سالہ شخص جس نے جرمنی اور دوبئی کا سفر کیا تھا شامل ہیں۔

میسورومیں نظام الدین تبلیغی اجتماع میں شرکت کے لئے دہلی جا کر وہاں سے لوٹنے والے مزید 5 ؍افراد کو کورانا وائرس کے تصدیق ہوئی ہے۔ ان میں سے ایک 38 سالہ فرد، اس کا 19 سالہ ساتھی، 39 سالہ ساتھی اور 54 سالہ ساتھی میں بھی کورونا کی تصدیق ہوئی ہے۔اس کے علاوہ ایک 40 سالہ شخص اور 34 سالہ شخص بھی کورونا وائرس میں مبتلا پائے گئے ہیں۔بلاری کے ہوسپیٹ سے تعلق رکھنے والے ایک 47 سالہ خاتون میں کورونا وائرس کی تصدیق ہوئی ہے۔

دکشن کنڑا ضلع میں ایک 43 سالہ اور ایک 52 سالہ شخص میں کورونا وائرس کی تصدیق ہوئی ہے جس کے بارے میں کہا جارہا ہے کہ یہ دونوں بھی دہلی کے اجتماع میں شریک تھے۔

ریاست کے مختلف اضلاع میں کورونا سے متاثر ہونے والوں کی تعداد اس طرح ہے: بنگلوو۔55، میسورو۔28، چکبالاپور۔7، دکشن کنڑا۔ 12، اترکنڑا۔8، کلبرگی۔5، داونگیرے۔ 3، اُڈپی۔3، بلاری۔ 5، بیدر۔10، ٹمکورو۔1، کوڈگو۔1، دھارواڑ۔1، باگلکوٹ۔1، بیلگاوی۔3، بنگلورو رول۔1 جملہ معاملات۔144 ہیں۔

ایک نظر اس پر بھی

کیا کرناٹکا میں یکم جون سے مسجد، گرجا گھر اور مندروں کو کھولنے کی دی جائے گی اجازت ؟

کورونا وائرس کے انفیکشن کو پھیلنے سے روکنے کے لئے ملک میں لاک ڈاؤن لاگو ہے۔لاک ڈاؤن 4.0 میں حکومت کی جانب سے بہت سی مراعات دی گئی ہیں، تاہم مندر، مسجد کو لے کر پابندیاں جاری ہیں لیکن حکومت نے لاک ڈاؤن میں رعایت کو لے کر ریاستوں کو بھی فیصلہ لینے کا حق دیا تھا۔دریں اثنا کرناٹک ...

حاملہ خاتون کی رپورٹ  کورونا پوزیٹو آنے پر  ہوسکوٹے کے ایک گائوں میں4 ہزار لیٹر دودھ نالی میں بہادینے کی واردات

کرناٹک کے ہوسکوٹے کے قریب چکّا کوریٹی گاؤں کے دودھ تیار کرنے والے کسانوں کو مجبوراً 4ہزار لیٹر دودھ نالی میں بہا دینا پڑا کیونکہ گاؤں میں کورونا کا مریض ہونے کی وجہ سے فیڈریشن نے دودھ لینے سے انکار کردیا۔

کرناٹک میں مجموعی طورپر100افراد میں کورونا کی تصدیق؛ تعداد بڑھ کر ہوگئی 2282

آج منگل کو کرناٹک میں مجموعی طورپر100افراد میں کورونا کی تصدیق ہوئی ہے‘ جبکہ 17افراد کورونا کو شکست دے کر اپنے گھر واپس چلے گئے ہیں۔ آج سو لوگوں کی رپورٹ پوزیٹو آنے کے ساتھ ہی ریاست میں مریضوں کی جملہ تعداد بڑھ کر 2282 ہوگئی ہے جن  میں سے722افراد علاج کے بعد صحت مند ہوکر اسپتال سے ...

بھٹکل سمیت ساحلی کرناٹکا میں زبردست گرمی ؛ 26مئی سے اگلے تین دنوں تک کرناٹکا میں زبردست بارش کے امکانات

بحرہ عرب اور خلیج بنگال میں طوفانی ہواؤں سے پیدا ہونے والے دباؤ کے نتیجے میں ریاست کے جنوبی اندرونی علاقوں اور ساحلی پٹی پر 26مئی سے اگلے تین دنوں تک زبردست بارش ہونے کا محکمہ موسمیات نے امکان جتایا ہے۔

کورونا اَپ ڈیٹ:اڈپی ضلع کے تین پولیس اسٹیشنوں کو کیا گیا سیل ڈاؤن۔کارکلا،ہلیال اور برہماور میں پولیس افسران اور اہلکارآئے کووِڈ 19کی زد میں 

اڈپی ضلع میں کووِڈ وباء کا قہر کا کچھ زیادہ ہی بڑھتا ہوا محسوس ہورہا ہے۔ اب تک ممبئی اور خلیج سے واپس لوٹنے والوں میں مرض پائے جانے کی وجہ سے یہاں مریضوں کا گراف بڑھتا جارہا تھا۔ لیکن اب ایسا لگتا ہے کہ پولیس افسران اور اہلکار بھی اس کی زد میں آ گئے ہیں۔

بنگلورو میں کل بروز پیر 25؍ مئی کو عید الفطرمنائی جائے گی

مرکزی رو ئیت ہلال کمیٹی کر نا ٹک کے رکن مولانا محمد مقصود عمران رشادی نے یہ اطلاع دی ہے کہ آج مؤرخہ29 رمضان المبارک 1441ھ م 23مئی 2020 ؁ ء بروز ہفتہ مرکزی رؤیت ہلال کمیٹی کرناٹک،بنگلورو کا ماہانہ اجلاس زیر صدارت حضرت مولانا صغیر احمد خان صاحب رشادی کنوینر مرکزی رو ئیت ہلال کمیٹی امیر ...