ایچ وشواناتھ کا بی جے پی چھوڑ کر کانگریس میں واپسی کا اعلان

Source: S.O. News Service | Published on 28th January 2023, 10:53 PM | ریاستی خبریں |

میسورو،28؍جنوری (ایس او نیوز؍ایجنسی) کرناٹک بی جے پی کے ایم ایل سی اور پارٹی کے سینئر لیڈر ایچ وشواناتھ نے آج توثیق کی کہ وہ حکمراں بی جے پی کو چھوڑ کر کانگریس میں شامل ہورہے ہیں۔

کرناٹک کانگریس کے صدر ڈی کے شیوکمار اور ریاستی انچاج رندیپ سنگھ سرجے والا سے ملاقات کے بعد صحافیوں سے بات کرتے ہوئے انہوں نے کہا کہ وہ ریاستی انتخابات سے قبل یا  بعد میں کانگریس میں شمولیت اختیار کریں گے۔

 انہوں نے یہ بھی کہا کہ قائد اپوزیشن سدارامیا کے ساتھ ان کا کوئی اختلاف رائے نہیں ہے۔ شخصی طور پر ہمارے تعلقات ہمیشہ اچھے رہے۔ ہم نے قانون کی تعلیم ساتھ میں حاصل کی اور دوست ہیں۔ میں 40برسوں تک کانگریس پارٹی میں تھا۔ مجھے کسی چیز کی پرواہ نہیں۔

میں نے کانگریس پارٹی کو ہمیشہ ماں کی طرح دیکھا۔ میں آئندہ اسمبلی انتخابات میں مقابلہ نہیں کروں گا۔ میری اولاد بھی انتخابات کا سامنا نہیں کرے گی۔“ انہوں نے کہا کہ میں جے ڈی ایس پارٹی میں تھا اور وہ ایک خاندان کی پارٹی ہے۔مخلو ط حکومت میں سابق چیف منسٹر کماراسوامی کے سات ارکان خاندان کابینہ میں تھے۔

 بعد ازاں بی جے پی اقتدار میں آئی مگر بی جے پی حکومت میں بھی نظم و نسق اچھا نہیں رہا۔ ریاست میں یدی یورپا کی بدعنوانی آج تک جاری رہے۔“ ان تمام وجوہات کی بناء پر میں کانگریس کی حمایت کررہا ہوں۔ عوام نواز حکومت بے حد ضروری ہے۔

 کانگریس پارٹی میں شامل ہونے سے بڑھ کر میں پارٹی کی حمایت کرتا ہوں۔ وشواناتھ نے یہ بات کہی جو جے ڈی ایس کے صدر رہ چکے ہیں اور بی جے پی میں شامل ہوگئے تھے۔ وہ ریاست میں حکمراں بی جے پی کے آپریشن کنول کے دوران بغاوت میں پیش پیش رہے۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔