کیا غریب اور پسماندہ افراد کو مفت میں لگے گا کووڈ 19 ویکسین کاٹیکہ: کانگریس
نئی دہلی، 17 جنوری (آئی این ایس انڈیا) ہندوستان میں کووڈ 19 ویکسی نیشن مہم شروع ہونے کے ایک دن بعد کانگریس نے اتوار کے روز پوچھا کہ کیا حکومت تمام ہندوستانیوں خاص طور پر پسماندہ اور غریبوں کو مفت ویکسین فراہم کرنے کا ارادہ رکھتی ہے اور کب؟۔
کانگریس کے چیف ترجمان رندیپ سرجے والا نے کہا کہ حکومت کا دعویٰ ہے کہ ویکسی نیشن مہم کے پہلے مرحلے میں تین کروڑ افراد کو کووڈسے بچاؤ کے قطرے پلائے جائیں گے لیکن اس بارے میں ابھی تک کوئی وضاحت نہیں کی گئی ہے کہ آیا ہندوستان کی باقی آبادی کو کووڈ سے بچاؤ کے قطرے پلائے جائیں گے یا نہیں اور یہ مفت میں لگے گا؟۔ انہوں نے کہاکہ کیا حکومت کو یہ نہیں معلوم کہ 81.35 کروڑ افراد فوڈ سیکیورٹی ایکٹ کے تحت سبسڈی والے راشن کے حقدار ہیں؟ کیا یہ ویکسین شیڈول ذات، پسماندہ قبائل، دیگر پسماندہ طبقات، غربت کی سطح سے نیچے زندگی گزارنے والے، غریب اور پسماندہ طبقات کو مفت دی جائے گی؟ اگر ہاں تو قطرے پلانے کا کیا منصوبہ ہے اور کب تک حکومت مفت ویکسینیشن فراہم کرے گی؟۔
سرجے والا نے کہاکہ وزیر اعظم نریندر مودی اور بی جے پی حکومت کو اس کا جواب دینا پڑے گا، مفت کورونا ویکسین کس کو ملے گی؟، کتنے لوگوں کو مفت کورونا ویکسین مل سکے گی؟ مفت ویکسین کہاں ہوگی؟۔کانگریس لیڈر نے کووڈ19، کوویکسین اورکوویشیلڈ کی دو ویکسینوں کی قیمت پر بھی سوال اٹھایا۔ آکسفورڈ آسترا زینیکا کے ذریعہ تیار کردہ اور ہندوستان میں ایس آئی آئی کے ذریعہ تیار کردہ ہندوستان بائیوٹیک اور کوویشیلڈ کے ذریعہ دیواسی طور پر تیار کردہ کوویکسین کو ملک میں ہنگامی طور پر استعمال کے لئے منظور کیا گیا ہے۔
کانگریس کے جنرل سکریٹری نے پوچھا کہ حکومت ہندوستانی بائیوٹیک کو ایک ویکسین کے لئے 95 روپے مزید کیوں دے جو انڈین کونسل آف میڈیکل ریسرچ (آئی سی ایم آر) کے سائنسدانوں کے تجربے اور مہارت سے تیار کی گئی ہے۔ انہوں نے کہاکہ کیا اس طرح کی ویکسین کی لاگت آسٹرا زینیکا سیرم انسٹی ٹیوٹ ویکسین سے کم نہیں ہونی چاہئے؟۔ اوپن مارکیٹ میں کورونا ویکسین کی قیمت ایک ہزار روپیہ کیوں ہے۔