کورٹ کی پھٹکا رکے بعد الیکشن کمیشن کا بڑا فیصلہ یوگی پر3؍او مایاوتی پر2؍دن کی پابندی

Source: S.O. News Service | By Shahid Mukhtesar | Published on 16th April 2019, 9:02 PM | ملکی خبریں |

نئی دہلی،16؍اپریل (ایس او نیوز؍ایجنسی) لوک سبھا انتخابات میں اپنی پارٹیوں کی جیت کو یقینی بنانے کے لیے تمام پارٹیاں پوری طاقت صرف کررہی ہے، مگر اس دوران یوگی آدتیہ ناتھ اور مایاوتی پر الیکشن کمیشن کی مار پڑی ہے ۔الیکشن کمیشن نے یوپی کے وزیر اعلیٰ یوگی آدتیہ ناتھ اور بی ایس پی سربراہ مایاوتی کو ریلی اور روڈ شو کرنے سے روک دیا ہے۔الیکشن کمیشن نے یوگی آدتیہ ناتھ کو 72 گھنٹے اور مایاوتی کو 48 گھنٹے کے لئے ریلی اور روڈ شو کرنے پر پابندی لگا دی ہے۔الیکشن کمیشن کی یہ پابندی 16 اپریل کی صبح 6 بجے سے نافذ ہوگی۔ بتایا جا رہا ہے کہ الیکشن کمیشن نے یوگی آدتیہ ناتھ اور مایاوتی کو ان کی تقریروں میں قابل اعتراض بیانات کے ذریعے ضابطہ اخلاق کی خلاف ورزی کرنے کے لئے ایسی پابندی لگائی ہے۔ الیکشن کمیشن نے ان دونوں کو ضابطہ اخلاق کی خلاف ورزی میں قصوروار پایا ہے۔بتا دیں کہ الیکشن کمیشن کی یہ بڑی کارروائی ایسے وقت میں ہوئی ہے جب سپریم کورٹ نے ایک دن پہلے ہی پوچھا تھا کہ نفرت پھیلانے والی تقریروں کو لے کر الیکشن کمیشن نے ابھی تک کیا کارروائی کی ہے۔اس سے پہلے سپریم کورٹ نے انتخابی مہم کے دوران بی ایس پی سربراہ مایاوتی اور اتر پردیش کے وزیر اعلیٰ یوگی آدتیہ ناتھ کی مبینہ طور پر نفرت پھیلانے والی تقریروں کا پیر کو نوٹس لیا اور الیکشن کمیشن سے جاننا چاہا کہ اس نے ان کے خلاف ابھی تک کیا کارروائی کی ہے۔چیف جسٹس رنجن گوگوئی کی قیادت والی بنچ نے انتخابی مہم کے دوران ذات اور مذہب کو بنیاد بنا کر نفرت پھیلانے والے والی تقریروں سے نمٹنے کیلئے کمیشن کے پاس محدود حق ہونے کے بیان سے اتفاق کرتے ہوئے الیکشن کمیشن کے ایک نمائندے کو منگل کو طلب کیا ہے۔بنچ نے الیکشن کمیشن کے اس بیان کا ذکر کیا کہ وہ ذات اور مذہب کی بنیاد پر نفرت پھیلانے والی تقریر کیلئے نوٹس جاری کر سکتا ہے، اس کے بعد مشاورت دے سکتا ہے بالآخر ایسے لیڈر کے خلاف مثالی ضابطہ اخلاق کی خلاف ورزی کے الزام میں شکایت درج کرا سکتا ہے۔الیکشن کمیشن نے اتوار کو سہارنپور کے دیوبند میں منعقد مہاگٹھ بندھن کی انتخابی ریلی میں بی ایس پی سربراہ مایاوتی کی طرف سے ’مسلم‘ لفظ کا استعمال کئے جانے پر ضلع انتظامیہ سے رپورٹ طلب کی تھی۔ریاست کے چیف الیکشن افسر وینکٹیشور لو نے بتایا کہ انہوں نے مایاوتی کے اپنی تقریر میں مسلم کا لفظ استعمال کرتے ہوئے ووٹ کی اپیل کئے جانے پر ضلع انتظامیہ سے رپورٹ طلب کی ہے۔انہوں نے بتایا کہ مایاوتی کے اس بیان پر کئی شکایات ملی تھیں، جن کے بعد کمیشن نے یہ قدم اٹھایا ہے۔دیوبند میں ایس پی۔بی ایس پی۔آر ایل ڈی مہا گٹھ بندھن کی پہلی انتخابی ریلی میں مایاوتی نے مسلم ووٹروں کا اعلان کرتے ہوئے کہا تھا کہ بی جے پی کو کانگریس نہیں ہرا سکتی۔اسے صرف مہاگٹھ بندھن شکست دے سکتا ہے اس لیے مسلم ووٹر کانگریس کو ووٹ دے کر اسے ضائع کرنے کے بجائے مہاگٹھ بندھن امیدواروں کے حق میں ایک طرفہ ووٹنگ کریں۔ 

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...