کیا ہندوستان میں تیل کی قیمتوں میں پھر ہوگا اضافہ؟ سعودی عرب نے بڑھائیں قیمتیں

Source: S.O. News Service | Published on 8th June 2022, 8:47 PM | ملکی خبریں | خلیجی خبریں | عالمی خبریں |

نئی دہلی،8؍جون (ایس او نیوز؍ایجنسی) تیل برآمد کرنے والے دنیا کے سب سے بڑے ملک سعودی عرب نے ایشیائی خریداروں کے لیے خام تیل کی قیمتوں میں توقع سے زیادہ اضافہ کر دیا ہے۔جولائی کے مہینے کے لیے خام تیل کی قیمتوں میں یہ اضافہ گرمیوں میں تیل کی زیادہ مانگ کو مدنظر رکھتے ہوئے کیا گیا ہے۔ سعودی عرب کے اس فیصلے کو ہندوستان کے لیے بھی ایک جھٹکا سمجھا جا رہا ہے۔ واضح رہے ہندوستان سعودی عرب سے بڑی مقدار میں تیل درآمد کرتا ہے۔ اس اضافہ کے بعد یہ توقع کی جا رہی ہے کہ ہندوستان میں ایک مرتبہ پھر تیل کی قیمتوں میں اضافہ دیکھا جا سکتا ہے۔

جولائی میں ایشیائی ممالک کے لیے عرب لائٹ کروڈ آئل کی آفیشل سیلنگ پرائس (او ایس پی) میں جون کے مقابلے میں 2.1 ڈالر فی بیرل اضافہ کیا گیا ہے۔ خام تیل میں اضافہ مارکیٹ کے تجزیہ کاروں کے اندازوں سے زیادہ ہے۔ زیادہ تر تجزیہ کاروں نے خام تیل کی قیمت میں تقریباً 1.5 ڈالر تک اضافے کی پین گوئی کی تھی۔

دنیا کی سب سے بڑی تیل کمپنی سعودی آرامکو نے یہ اضافہ کیا ہے۔ یہ فیصلہ اوپیک پلس ممالک کے درمیان جولائی میں تیل کی پیداوار میں 648,000 بیرل یومیہ اضافے کے معاہدے کے باوجود سامنے آیا ہے۔تاہم اوپیک پلس کے رکن ممالک جیسے روس، انگولا اور نائیجیریا کو تیل کی پیداوار کے ہدف کو پورا کرنا مشکل ہو رہا ہے۔واضح رہےاوپیک + ممالک کو جولائی اور اگست میں تیل کی پیداوار کے اہداف تک پہنچنے میں مشکلات کا سامنا کرنا پڑ سکتا ہے۔

اوپیک پلس ممالک کے گروپ کا اجلاس گزشتہ ہفتے ہوا تھا اور اس اجلاس کے بعد کہا گیا تھا کہ اوپیک ممالک روس کے تیل کی تلافی کے لیے تیل کی پیداوار میں اضافہ کریں گے۔درحقیقت یوکرین پر روس کے حملے کی وجہ سے مغربی ممالک نے روس پر پابندی لگا دی تھی۔

ایک نظر اس پر بھی

دہلی میں پٹرول کے دام 96.72 روپے فی لیٹر پر برقرار

 تیل کی بین الاقوامی قیمتوں میں اتار چڑھاؤ کے درمیان، جمعرات کو گھریلو بازار میں پٹرول اور ڈیزل کی قیمتوں میں کوئی تبدیلی نہیں ہوئی، جس سے ایندھن کی قیمتیں مسلسل 40ویں دن مستحکم رہیں۔

جی ایس ٹی کی مار: پیک شدہ گوشت، پنیر، مچھلی، دہی مہنگی

وزیر خزانہ نرملا سیتا رمن کی صدارت میں منعقدہ جی ایس ٹی کونسل کی دو روزہ میٹنگ میں حکومت نے کئی اہم فیصلے لیے ہیں۔ ان میں جہاں کچھ چیزوں پر ٹیکس عائد کر کے عام آدمی کی جیب پر بوجھ بڑھایا گیا ہے، وہیں کچھ شعبوں کو بڑی راحت بھی دی گئی ہے۔ تاہم، ریاستوں کو معاوضہ اور آن لائن گیمنگ ...

بھارتیہ مزدور سنگھ نے کھولا قطر کے خلاف محاذ، ہندوستانی مہاجر مزدوروں کی حالت پراظہار تشویش

قطر میں ہندوستانی تارکین وطن مزدوروں کی حالت پر تشویش کا اظہار کرتے ہوئے راشٹریہ سویم سیوک سنگھ سے وابستہ بھارتیہ مزدور سنگھ (بی ایم ایس) نے کہا ہے کہ اس معاملے کو قومی اور بین الاقوامی سطح پر اٹھایا جائے گا۔

جعلسازی سے بچنے کیلئے سعودی عرب نے حج ویزاکا آن لائن پورٹل متعارف کرادیا

حج کے سلسلے میں جعل سازی کی خبروں کے درمیان حکومت سعودی عرب نے جعلی ٹریول ایجنسیز کے خلاف کریک ڈاؤن کرنے کے لیے متعدد مغربی ممالک سے خواہشمند عازمین حج کے لیے سرکاری آن لائن پورٹل کے ذریعے ویزا کی درخواست دینا لازمی قرار دیا ہے -

برطانیہ میں زبردست احتجاج اور آن لائن پٹیشن کے بعد حضرت فاطمہؓ پر بننے والی فلم کی نمائش منسوخ

برطانیہ کے مختلف شہروں میں برطانوی مسلمانوں کے احتجاج کے بعد سب سے بڑی سنیما زنجیروں میں سے ایک پلیٹ فارم نے پیغمبر اسلام کی بیٹی سے متعلق فلم کا دعویٰ کرنے والی ایک متنازعہ نئی فلم کی تمام نمائشیں منسوخ کرنے کا اعلان کیا ہے۔

مکہ مکرمہ: حجاج کے لیے 3 ہزار رہائش گاہیں، ہوٹلوں کے 2.5 لاکھ کمرے مختص

مکہ المکرمہ میں عازمین کی رہائش کے لیے مختص کردہ ہاؤسنگ یونٹس کے مالکان کا کہنا ہے کہ رواں سال حج کے سیزن میں رہائشی کمرے کرایہ پر لینے کے لیے زیادہ سے زیادہ عازمین حج رابطہ کر رہے ہیں۔ دوسری طرف ہاؤسنگ ورکس نے عازمین کے استقبال کے لیے تیاریاں شروع کر دی ہیں۔

فلپائن کے اقتدار میں مارکوس کنبہ کی واپسی، فرڈینینڈ مارکوس جونیئر بنے نئے صدر

فلپائن کے اقتدار میں مارکوس کنبہ کی واپسی ہوئی ہے اور اسی کے ساتھ دُتیرتے دور کا خاتمہ ہو گیا ہے۔ فلپائن کے آنجہانی لیڈر فرڈینینڈ مارکوس کے بیٹے فرڈینینڈ مارکوس جونیئر نے آج ملک کے 19ویں صدر کی شکل میں حلف لے لیا، وہ سابق صدر روڈریگو دُتیرتے کی جگہ لیں گے۔ مارکوس جونیئر نے ...

قطر نے امریکا اور ایران کے درمیان بالواسطہ مذاکرات کا خیر مقدم کیا

قطر نے ایران اور امریکہ کے درمیان بالواسطہ بات چیت کے فیصلے کا خیر مقدم کیا ہے۔ قطر کی وزارت خارجہ نے منگل کو یہ اطلاع دی۔وزارت خارجہ نے کہا کہ ان کا ملک مذاکرات کی کامیاب تکمیل کے لیے تمام ضروری سہولیات فراہم کرنے کے لیے تیار ہے۔

برطانوی سوشلائٹ گھسلین میکسویل کو جنسی جرائم کے الزام میں 20 سال قید کی سزا

برطانوی سوشلائٹ گھسلین میکسویل کو سابق امریکی صدر بل کلنٹن کے مشہور فنانسر جیفری ایپسٹین کے ساتھ سیکس ریکیٹ چلانے، بھرتی کرنے، تیار کرنے اور سیکس اسمگلنگ کرنے کا مجرم قرار دیا گیا ہے۔ ان کو 20 سال قید کی سزا سنائی گئی ہے۔ بی بی سی نے بدھ کو اپنی رپورٹ میں یہ معلومات دی۔ ایپسٹین ...