مغربی بنگال کی وزیراعلیٰ کا اعلان: ا ین آر سی اور این پی آر نافذ نہیں ہونے دیا جائے گا

Source: S.O. News Service | Published on 12th January 2021, 10:52 AM | ملکی خبریں |

کلکتہ،12؍جنوری (ایس او نیوز؍یواین آئی) وزیر اعلیٰ ممتا بنرجی نے آج ایک بار پھر بنگلہ دیش سے آئی رفیوجی کمیونیٹی متوا سماج کو ہندوستانی شہری قرار دیتے ہوئے کہا ہے کہ متوا ہندوستانی شہری پہلے سے ہی ہیں اس لئے انہیں شہریت ترمیمی ایکٹ کی کوئی ضرورت نہیں ہے -ساتھ ہی وزیر اعلیٰ ممتا بنرجی نے ایک بار پھر اس عزم کا اعادہ کیا کہ بنگال میں این آر سی اور این پی آر کو نافذ نہیں ہونے دیا جائے گا -لوک سبھا انتخابات میں متوا سماج کے منھ موڑلینے کی وجہ سے کئی سیٹوں پر نقصان کا سامنا کرنے والی ترنمول کانگریس ایک بار پھر متواسماج کو لبھانے کی کوشش کررہی ہے - 100کے قریب اسمبلی حلقے میں متوا سماج کا اثر ہے -

وزیرا علیٰ ممتا بنرجی آج رانا گھاٹ جہاں متوا سماج کی بڑی آبادی ہے میں خطاب کرتے ہوئے کہا کہ متوا سماج ہندوستانی شہری ہیں اور انہیں حق رائے دہی کا پورا حق ہے -وزیرا علیٰ ممتا بنرجی نے ایک بار پھر کسانوں کی حمایت کرتے ہوئے کہا کہ نریندر مودی اور مرکزی حکومت کسانوں کے مفادات کو نقصان پہنچارہے ہیں -ممتا بنرجی نے کہا کہ میں مرجاؤں گی لیکن بنگال کو فروخت نہیں ہونے دیا جائے گا -لیکن بنگال کو تباہ نہیں ہونے دیا جائے گا -

ممتا بنرجی نے کہا کہ بی جے پی بنگال کی ہڈی کو توڑنے کی کوشش کررہی ہے -بنگال کی کلچر اور ثقافت کو ختم کرنے کی کوشش کی جارہی ہے مگر جب تک میری سانس ہے بنگالی کلچر کو نقصان پہنچنے نہیں دیا جائے گا -ممتا بنرجی نے کہا کہ نئے زرعی بل ایکٹ کے نام پر کسانوں کے حقوق کو چھیننے کی کوشش کی جارہی ہے - کسانوں کی فصلیں بڑی کمپنیوں کے ہاتھ میں دی جارہی ہیں - ہم اس بل کو کسی بھی قیمت پر نافذ نہیں ہونے دیں گے -انہوں نے کہا کہ کیوں کہ بی جے پی کے لوگ جانتے ہیں کہ میں کبھی بھی سرنہیں جھکاؤں گی اور کبھی بھی بی جے پی کے آگے سر تسلیم خم نہیں کروں گی اس لئے مجھے پسند نہیں کرتے -پہلے کورونا وائرس کے نام پر پورے ملک کو بندی بنایاگیا اب پورے ملک کو جیل میں تبدیل کیا جارہا ہے -ممتا بنرجی نے کہا کہ ٹرمپ اور مودی میں کوئی فرق نہیں ہے -

ٹرمپ ہارنے کے بعد بھی اپنی جیت کا اعلان کررہے ہیں اور امریکی جمہوریت کو بدنام کررہے ہیں - مودی بھی ملک کے عوام کی بات کو تسلیم کرنے کو تیار نہیں ہیں -ممتا بنرجی نے کہا کہ جب بھی انتخاب آتا ہے مودی اور بی جے پی کو متوا سماج کی یاد آتی ہے اور انتخابات ختم ہوتے ہی بی جے پی انہیں فراموش کردیتی ہے - آسام میں بی جے پی کی حکومت ہے -شہریت کے نام پر 22 لاکھ افراد اس فہرست سے باہر تھے - 19 لاکھ بنگالی تھے -بنگال میں موجود تمام رفیوجیوں کو ایک زمین لیز پر دی جائے گی- ہم ان کی شہریت نہیں چھیننے دیں گے -

ایک نظر اس پر بھی

آر جے ڈی رہنما شیام رجک کو ملی ترقی، پارٹی نے بنایا قومی جنرل سکریٹری 

بہار حکومت میں سابق وزیر اور آر جے ڈی رہنما شیام رجک کو پارٹی نے ترقی دی ہے۔ شیام رجک جنہیں حال ہی میں آر جے ڈی ریاست کا نائب صدر بنایا گیا تھا ان کو آر جے ڈی ہائی کمان نے پارٹی کے قومی جنرل سکریٹری کے عہدے پر نامزد کیا ہے۔

کسانوں کی ٹریکٹر ریلی پر سپریم کورٹ کا پھر مداخلت سے انکار؛کہا؛ یہ پولیس کے دائرہ اختیار کا معاملہ ہے

26 جنوری کو ہونے والی کسانوں کی  ٹریکٹر ریلی سے متعلق دہلی پولیس کی درخواست پر سپریم کورٹ نے ایک بار پھر کہا  کہ دہلی پولیس کو ریلی سے متعلق فیصلہ لینے کا اختیار ہے۔ سولیسٹر جنرل  نے جب بحث کا آغاز کیا اور 25 جنوری کو کیس کی سماعت کرنے کو کہا تو  چیف جسٹس نے سولیسٹر جنرل کو بتایا ...

دہلی سمیت شمالی ہندوستان میں سردی اور کہرے سے کسی طرح کی راحت کی امید نہیں 

دہلی سمیت پورا شمالی ہندوستان سردی کی زدمیں ہے۔ گزشتہ کچھ دنوں سے لوگوں کو کبھی کہرا اور سرد ی کا سامنا کرنا پڑرہا ہے، لیکن اگر محکمہ موسمیات پر بھروسہ کریں تو یہ حالات 22 جنوری تک برقرار رہیں گے۔