بیجاپور کی اکا مہادیوی ویمنس یونیورسٹی کو بند کرنے حکومت کا منصوبہ، عوام کی سخت مخالفت؛ بند کرنے سے مسلم طالبات کو سب سے زیادہ نقصان ہونے کا خدشہ؛
وجئے پور، 11؍ جنوری ( ایس او نیوز) خواتین کے لئے قائم ریاست کرنا ٹک کی واحد ویمنس یونیورسٹی کو حکومت کی طرف سے بند کرنے کا منصوبہ بنائے جانے کی بات منظر عام پر آنے کے بعد عوام کی طرف سے سخت مخالفت سامنے آرہی ہے اور کئی اداروں نے حکومت کے اس فعل کی سخت مذمت کرتے ہوئے اس یونیورسٹی کو بحال رکھنے کی آواز اُٹھانی شروع کردی ہے۔
ڈاکٹر سجنڈپا کمیٹی برائے علاقائی عدم تناسب کی سفارش پر 3 0 0 2 میں یہاں کرناٹک اسٹیٹ و یمنس یو نیورسٹی کا قیام عمل میں آیا تو یہ یو نیورسٹی کرناٹک اسٹیٹ اکا مہادیوی یونیورسٹی کے نام سے کامیابی کے ساتھ چلائی جاری ہے ۔ شہر کے مضافات میں تو روی روڈ پر 1200 یکڑ زمین پر عظیم الشان عمارت پر مشتمل ایک خوبصورت کمپیس میں مختلف پوسٹ گریجویٹ اور جملہ ایم فل اور پی ایچ ڈی کورس میں سینکڑوں طالبات یہاں زیر تعلیم ہیں یونیورسٹی سے سینکڑوں خواتین اعلیٰ تعلیم حاصل کرکے یہاں سے فارغ ہوچکے ہیں۔
بتایا جاتا ہے کہ مذکور ہ یو نیورسٹی کو ریاست کی پہلی ویمنس یونیورسٹی اور ملک کی ساتویں ویمنس یو نیورسٹی کہلا نے کا شرف حاصل ہے ۔ جس کا قیام خواتین کو خود مختار اور خود کفیل بنانا ہے۔