جوشہری کورونا کا ٹیکہ لگوا چکے ہیں انہیں لوکل ٹرین میں سفر کی اجازت کیوں نہیں: ہائی کورٹ

Source: S.O. News Service | Published on 3rd August 2021, 12:42 PM | ملکی خبریں | ان خبروں کو پڑھنا مت بھولئے |

ممبئی، 3؍اگست (ایس او نیوز؍ایجنسی) بار کونسل آف مہاراشٹر اینڈ گوا اور ممبئی کے وکلاء کی جانب سے ٹرینوں میں سفر کرنے کی اجازت دینے کی اپیل پرسماعت کے دوران کورٹ نے حکومت سے  سوال  کیا ہے ہے کہ ان  افرادکو جنہوں نے کورونا کے دونوں ٹیکے لگوالئے ہیں،  لوکل ٹرینوں میں سفر کی اجازت کیوں نہیں  ہے؟ اس کے ساتھ ہی  عدالت نے ریاستی حکومت کو  شہریوں کو آمد و رفت کے تعلق سے ایک جامع منصوبہ بنانے کی ہدایت دی تاکہ نقل و حمل کے دیگر ذرائع پر پڑنے والے  اضافی بوجھ کو کم کیاجاسکے ۔ اُدھو سرکار جمعرات تک کورٹ میں اس کا جواب داخل کریگی۔ 

 دوران سماعت بامبے ہائی کورٹ کے چیف جسٹس دیپانکر دتا اور جسٹس گریش کلکرنی نے سینئر سرکاری وکیل آشتوش کھمباکونی سے کہا کہ ’’اگر ویکسین لینے کے بعد بھی شہریوں کو گھر میں  ہی  رہنا پڑے  تو پھر ویکسین کا کیا فائدہ جبکہ شہری  چاہتے ہیںکام کریں اور اپنی ضرورتوں کو پورا کریں۔‘‘ بنچ نے کہا کہ ’’ عدالتیں خود بھی ججوں ، وکلا ء، عدالتی عملہ اور درخواست گزاروں کی موجودگی میں  سماعت  کا فیصلہ کر چکی ہیںاوروکلاء کورٹ میں حاضر ہو کر جرح بھی کرنے لگے ہیں  ؟

چیف جسٹس نے مزید کہا کہ ریلوے بھی اس معاملہ میں تعاون کررہا ہے اور ہمیں بھی مثبت پہل کرنا چاہئے ۔عوام معمولات  زندگی کی طرف لوٹنے کی خواہشمند ہیں ، عدالت صرف وکلاء کے لئے نہیں بلکہ سبھی شہریوں کیلئے دوبارہ ٹرینوں کی سہولت فراہم کرنےکی خواہشمند ہے ۔ 

  ہائی کورٹ کےہدایت اور مشورہ کا جواب دیتے ہوئے ایڈوکیٹ جنرل آشتوش کھمباکونی نے بتایا کہ ’’ اس سلسلہ میں منعقدہ میٹنگ جس میں بار کونسل آف مہاراشٹر اینڈ گواکے نمائندوں کے علاوہ بی ایم سی ، ریاستی اور مرکزی حکومت کے نمائندے بھی موجود تھے ، یہ فیصلہ کیا گیا ہے کہ بار کونسل کے ممبران ٹرینوں میں سفر کرنے کے لئے کونسل کو دونوں ویکسین لینے کا  صداقت نامہ دیں گے جس کے بعد انہیں سفر کیلئے بار کونسل سرٹیفکیٹ جاری کرے گا ۔ اس کے علاوہ جو وکلاء بار کونسل سے رجوع نہیں ہوسکتے وہ بی ایم سی سے رجو ع ہو کر دونوں ویکسین لینے کا ثبوت دے کر سفر کا  اجازت نامہ حاصل کر سکتے ہیں۔‘‘

  وکیل نے مزید کہا کہ ریاستی وزیر داعلیٰ ادھو ٹھاکر ے نے فرنٹ لائن ورکروں کیلئے ہی ٹرین سے سفر کرنے کا اجازت نامہ فراہم کیا ہے ۔ اس وقت وہ ریاست کے مختلف شہر وں میں آنے والے سیلاب زدہ علاقوں کا دورہ کررہے ہیں، ان کے آتے ہی دونوں  ڈوز لینے والے شہریوں کو بھی ٹرین سے سفر کرنے کا اجازت نامہ جاری کرنے سے متعلق فیصلہ کیا جائےگا۔

ایک نظر اس پر بھی

یوگی آدتیہ ناتھ نے گنائے 4.5 سال کے کام، اکھلیش یادو نے بتایا جھوٹ، پرینکا گاندھی نے کہا ’ناکام رہی حکومت‘

اتر پردیش کے وزیر اعلیٰ یوگی آدتیہ ناتھ نے اتوار کے روز اپنی حکومت کا رپورٹ کارڈ جاری کر دیا اور اطلاع دی کہ ان کی حکومت نے گزشتہ 4.5 سالوں میں کیا کیا ترقیاتی کام کئے۔

بھٹکل : بی جے پی حکومت نے ہندووں کے جذبات کو ٹھیس پہنچائی ہے :  منکال وئیدیا

میسورو میں مندر کو مہندم کرنے پر پوری ریاست میں ہندوتوا وادیوں نے  خاص طور پر ایک ہنگامہ کھڑا کررکھا ہے اور بی جے پی حکومت پر تنقید، دھمکی اور احتجاجات کا سلسلہ چل پڑا ہے ۔ اسی پس منظر میں بھٹکل کے سابق ایم ایل اے منکال وئیدیا نے بھی تبصرہ کرتے ہوئے کہا ہے کہ بی جے پی حکومت نے ...

افغانستان: تین زوردار دھماکوں سے دہل گیا جلال آباد، 3 ہلاک، درجنوں زخمی

افغانستان کے جلال آباد میں تین زوردار بم دھماکوں کی خبریں موصول ہو رہی ہیں۔ مقامی میڈیا کے مطابق پی ڈی 13 علاقے میں ایک امپروائزڈ ایکسپلوسیو ڈیوائس (آئی ای ڈی) بلاسٹ ہوا ہے جس کی زد میں آنے سے کم از کم 19 لوگ زخمی ہوئے ہیں۔

بھٹکل سمندر کنارے سے ایک خاتون سمیت دو کی نعشیں برآمد؛ خودکشی کا شبہ

  بھٹکل تعلقہ کے ہاڈین  سمندر کنارےواقع چٹان پر سے دو لوگوں کی نعشیں برآمد ہوئی ہیں جس کے تعلق سے پولس کو شبہ ہے کہ ان دونوں نے خودکشی کی ہوگی۔ مہلوک میں  ایک خاتون ہے۔  نعشوں کو پوسٹ مارٹم کے لئے بھٹکل سرکاری اسپتال منتقل کیا گیا ہے۔

بنگلورومیں دل دہلانے والاواقعہ 9مہینے کے معصوم کوقتل کرکے چارافرادنے خودکشی کرلی

بنگلورومیں ایک انتہائی دل دہلانے والے واقعہ میں 9مہینے کے معصوم بچہ کوموت نیندسلاکر4افراد انتہائی قدم اٹھاتے ہوئے خودکشی  کرگئے۔کہاجارہاہے کہ گھریلوناچاقی اورجھگڑے کی وجہ سے مقامی اخبار کے مدیراوران کے کنبہ نے خودکشی کرلی ہے۔