مانپڑے کی موت کی وجہ ہم ہیں تو،کوروناسے ہوئی سوالاکھ اموات کا ذمہ دارکون؟ سدارامیا

Source: S.O. News Service | Published on 28th October 2020, 9:48 PM | ریاستی خبریں |

بنگلورو،28؍اکتوبر(ایس او نیوز) سابق وزیراعلیٰ سدارامیانے بی جے پی پرطنزکرتے ہوئے کہا کہ کوروناوائرس کی وجہ سے ملک بھرمیں سوالاکھ سے زائدعوام ہلاک ہوئے ہیں،ا س کا سبب مرکزی حکومت ہے۔

کسان قائدماروتی مانپڑے کی موت کی وجہ میں اورڈی کے شیوکمارہونے کاالزام مرکزی وزیراسداننداگوڈانے لگایاہے۔اگریہ الزام ہے تو پھرکوروناوائرس سے ملک بھرمیں سوالاکھ سے زیادہ افرادفوت ہوئے ہیں،کیاان تمام اموات کی ذمہ داری سداننداگوڈااورمرکزی حکومت لے گی؟۔ مرکزی حکومت کوکوروناکے خلاف جدجہد کرناتھا،لیکن مرکزی حکومت نے کوروناکے خلاف برسرپیکارہونے کے مواقع ضائع کرتے ہوئے عوام مخالف قوانین جاری کرنے میں وقت گزارا۔عوام اورکسان مخالف قانون جاری کرنے کی وجہ سے مانپڑے سمیت بہت سارے جہدکارانتقال کرگئے۔ان اموات کی ذمہ دار راست طورپر مرکزی حکومت ہے۔منی رتناکایہ کہنا جھوٹ اوردغابازی ہے کہ ان کے حلقہ کوترقیاتی فنڈجاری نہ کئے جانے کی وجہ سے وہ کانگریس پارٹی سے الگ ہوگئے۔میرے دوراقتدارمیں آرآرنگرحلقہ کے لیے 2,000 کروڑروپئے سے زائدامدادی رقم جاری کی گئی۔آج اس حلقہ میں جوکچھ ترقیاتی کام ہوئے ہیں وہ سب ہماری حکومت کی جانب سے جاری کئے گئے امدادی فنڈکا نتیجہ ہے۔

انہوں نے الزام عائدکرتے ہوئے کہا کہ کے آرپیٹ میں ووٹ کے بدلے نوٹ کاتجربہ آرآرنگراورسرامیں بھی کرنے کی کوشش کی جارہی ہے۔اس قسم کی لالچی کوشش سے دونوں حلقوں میں جیتنے کا حساب وکتاب بی جے پی لگارہی ہے لیکن یہاں کے عوام بی جے پی کے اس لالچ میں نہ آتے ہوئے بی جے پی امیدواوں کوسبق سکھائیں گے۔

ایک نظر اس پر بھی

اوقاف کے ساتھ کھلواڑ کرنے والوں کے خلاف سخت کارروائی کی جائے:تنویر سیٹھ

وقف کی املاک اللہ کی امانت ہے۔اس کو نہ فروخت کیا جاسکتا ہے اور نہ ہی گروی رکھنے کی گنجائش ہے۔البتہ اوقافی املاک سے ہونے والی آمدنی کا استعمال ملت کی فلاح و بہبودی کے لئے کیا جاسکتا ہے۔لیکن اس کے برعکس لوگ وقف کی املاک بینکوں میں گروی رکھ کر کروڑو ں روپئے قرضہ لے رہے ہیں۔ یہ قرضہ ...

قدآور کانگریس قائد، احمد پٹیل کو ریاستی کانگریسیوں کا خراج عقیدت

کانگریس کے قدآور قائد مسٹر احمد پٹیل کی رحلت پر آج کے پی سی سی دفتر میں کے پی سی سی صدر ڈی کے شیوکمار کی صدارت میں ایک تعزیتی اجلاس منعقد ہوا جس میں احمد پٹیل کی تصویر پر پھول چڑھا کر انہیں زبردست خراج عقیدت پیش کی گئی۔

کابینہ میں توسیع کا مسئلہ بی جے پی میں شدید اختلاف کا سبب، پرانے بی جے پی ممبران اور پارٹی بدلنے والوں میں اقتدار کے لئے رسہ کشی

ایسے مرحلے میں جبکہ وزیر اعلیٰ بی ایس ایڈی یورپا کی طرف سے ریاستی کابینہ میں توسیع کرنے کے لئے بی جے پی اعلیٰ کمان کی سطح پر کی گئی کوشش ناکام نظر آ رہی ہے بی جے پی میں وزارت کے دعویداروں کی بے چینی میں بھی اضافہ ہو تا جا رہا ہے اور اقتدار کا حصہ بننے کے لئے بے تاب کانگریس چھوڑ کر ...

جے ڈی ایس رکن کی حیثیت سے ہی میعاد مکمل کروں گا: جی ٹی دیوے گوڑا

یہاں میسورو تعلقہ کے ادبور میں مختلف ترقیاتی کاموں کی سنگ بنیاد تقریب میں شرکت کرنے کے بعد نامہ نگاروں سے بات کرتے ہوئے میسور کے حلقہ چامنڈیشوری کے جنتا دل (یس) رکن اسمبلی جی ٹی دیوے گوڑا جنہوں نے کئی ماہ سے جنتا دل (ایس) سے دوری بنائے رکھی ہے،

کرناٹک میں گردابی طوفان ”نیوار“سے متعلق ریڈ الرٹ

گردابی طوفان ”نیوار“کے بدھ کے روز تمل ناڈو اور پڈوچیری سے گزرنے کے پیش کرناٹک میں ریڈ الرٹ جاری کیا گیا ہے۔وزیر اعلیٰ بی ایس ایڈی یورپا نے آج یہاں میڈیا سے بات چیت میں کہا کہ متعلقہ عہدیداروں کو کسی بھی صورتحال کے لئے تیار رہنے کو کہا گیا ہے۔

انکولہ ہوائی اڈہ پروجیکٹ: مقامی عوام کے ساتھ میٹنگ میں پروجیکٹ پرسخت  اعتراض؛ میٹنگ کا کیابائیکاٹ 

انکولہ میں مجوزہ شہری ہوائی اڈے کی تعمیر کے سلسلے میں درپیش تحویل اراضی اور دیگر مسائل پر مقامی عوام کے ساتھ گفتگو کرنے اور ان کا احوال سننے کےلئے  ایڈیشنل ڈپٹی کمشنرایچ کے کرشن مورتی نے بیلے کیری میں  ایک میٹنگ منعقد کی۔