منگلوروایئرپورٹ بم معاملہ: کمارا سوامی اور بی جے پی کے درمیان جاری ہے زبانی بمباری  

Source: S.O. News Service | Published on 22nd January 2020, 1:18 PM | ساحلی خبریں | ریاستی خبریں |

 منگلورو22/جنوری (ایس او نیوز) ایک طرف منگلورو ایئر پورٹ پر دھماکہ خیز مادہ (آئی ای ڈی) رکھنے والا ملزم آدتیہ راؤنے بنگلورو میں پولیس کے سامنے خودسپردگی کی ہے اور اپنا جرم قبول کرلیا ہے۔ جس کے بعد اسے گرفتار کرکے پوچھ تاچھ کی جارہی ہے۔دوسری طرف اس معاملے پر سابق وزیراعلیٰ وزیراعلیٰ کمارا سوامی اور بی جے پی کے درمیان زبردست زبانی بمباری شروع ہوگئی ہے۔

یاد رہے کہ کمارا سوامی نے اس پورے معاملے کو ہی مشکوک قرار دیتے ہوئے جلدازجلد تحقیقات مکمل کرنے کی مانگ کی تھی اور شبہ ظاہر کیا تھا کہ تحقیقات میں تاخیر سے پولیس اس معاملے کو کوئی اور رنگ دے سکتی ہے۔

کمارا سوامی کے اس موقف سے تلملائی ہوئی بی جے پی کے باضابطہ ٹویٹر ہینڈل پرایک ٹویٹ کے ذریعے کمارا سوامی پر براہ راست حملہ کرتے ہوئے کہا گیا ہے کہ ”انہوں نے سرجیکل اسٹرائک پر شک ظاہر کیا تھا۔انہوں نے چھیڑ چھاڑ سے تیارکی گئی سی ڈی جاری کرتے ہوئے کہا تھاکہ منگلورو میں پر امن احتجاجی مظاہرین تشدد میں ملوث نہیں تھے۔ اب انہوں نے زندہ بم کو ناکارہ بنانے کے سلسلے میں پولیس پر الزام لگایا ہے۔ کیا کمارا سوامی کے لئے خوشامدانہ سیاست کی کوئی حد بھی ہے؟وہ جہادیوں کے لئے کیوں تڑپ رہے ہیں؟“

کمارا سوامی پر بی جے پی کس حد تک بھڑکی ہوئی ہے اس کا اندازہ پارلیمانی امور کے وزیر پرہلاد جوشی کے بیان سے ہوتا ہے جس میں انہوں نے کمارا سوامی کے بیان کو ملک سے غداری کے مترادف قرار دیا ہے۔بنگلورو میں اخبار ی نمائندوں سے بات چیت کرتے ہوئے پرہلاد جوشی نے کہاکہ ہندوستان نے بڑے پیمانے پر دہشت گردی کے خلاف محاذ کھول رکھا ہے اور پوری دنیا کے لئے ایک مثال بن گیا ہے۔ ”ہندوستان پاکستا ن کو تنہا کرنا اوراس کے دہشت گردوں کو تیار کرنے اور انہیں دوسرے ممالک میں بھیجنے کے منصوبوں کو دنیا کے سامنے کھول دینا چاہتا ہے۔ کمارا سوامی جیسے لوگوں کے بیانات ہندوستان کے دشمنوں کے لئے فائدہ مند ثابت ہوسکتے ہیں۔میرا مطالبہ ہے کہ کمارا سوامی اپنی اس کوتاہی کے لئے عوام سے فوراً معافی مانگیں۔“

ادھر کمارا سوامی نے بی جے پی پر حملہ جاری رکھتے ہوئے کہا ہے کہ جب سے بی جے پی نے اقتدار سنبھالا ہے ریاست میں تشدد اور خوف وہراس کا ماحول پیدا ہوگیا ہے۔ایسا لگتا ہے کہ ایئر پورٹ پر بم برآمد ہونا اور پھر اسے ناکارہ بنانا گویا پولیس کی طرف سے کسی مشق (mock drill) کا حصہ تھا۔میں نے دیکھا کہ بم ناکارہ بنانے پر صرف دھواں سا اٹھ رہا تھا۔اس سے سوال پیدا ہوتا ہے کہ کیا حکومت جنوبی کینرا کے عوام کو خوف زدہ کرنا چاہتی ہے۔“ 

خیال رہے کہ مشتبہ دھماکہ خیز مادہ کو ناکار بنانے میں بم اسکواڈ کو کافی وقت لگا تھا اور اس کی وجہ یہ بتائی گئی تھی کہ اسکواڈ کے پاس موجود پرانے کیبل کام نہیں کرپائے تھے اس لئے دوبارہ نئے کیبل منگوا کربم کو ناکارہ بنایا گیا تھا۔

کمارا سوامی نے کہا کہ میرا احساس ہے کہ کچھ تنظیمیں اورادارے فرقہ وارانہ غلط فہمیاں پھیلانے اور تشدد برپا کرنے میں مصروف ہیں، تاکہ ان کے خفیہ ایجنڈے پر عمل کیا جاسکے۔بی جے پی کے صدر سنجیو منٹادو رنے بیان دیا تھا کہ بنگلورو کے نمہانس میں کمارا سوامی کے دماغ کا علاج ہونا چاہیے۔ اس پر ردعمل ظاہر کرتے ہوئے انہوں نے کہا کہ بشمول مودی اور امت شاہ ہر ایک کے دماغ کی جانچ (برین میاپنگ) کی جانی چاہیے۔کمارا سوامی نے منگلورو میں سی اے اے، این پی آر اور این آر سی کے منفی نتائج کے سلسلے میں گھر گھر جاکر عوامی بیداری لانے کی مہم کا آغاز کیا۔

ایک نظر اس پر بھی

مینگلورو: پرکاش راج کا مودی حکومت پرسخت حملہ؛ کہا: چارسوبیسی کرنے والے لوگ اب کی بار400 پارکا نعرہ لگارہے ہیں

جنوبی ہند کے مشہوراداکارپرکاش راج نے مودی حکومت پرسخت تنقید کرتے ہوئے کہا جن لوگوں نے 420 (فراڈ) کا کام کیا ہے، وہ آنے والے لوک سبھا انتخابات میں 400 سیٹیں جیتنے کی بات کررہے ہیں۔ اوراب کی بار400 پار کا نعرہ لگارہے ہیں۔

اتر کنڑا میں انتخابی ضابطہ اخلاق کا نفاذ - چیک پوسٹوں پر تیز ہوئی جانچ پڑتال؛ بورڈس اور ہورڈنگس ہٹائے گئے

لوک سبھا انتخابات کے لئے ضابطہ اخلاق کے نفاذ کے ساتھ ہی اتر کنڑا کے مختلف مقامات پر چیک پوسٹس پر جانچ پڑتال کی کارروائیاں تیز ہوگئی ہیں ۔  اسی کے ساتھ ہی  سڑک کنارے لگائے گئے اشتہاری بینرس اور ہورڈنگس وغیرہ بھی ہٹائے گئے ہیں۔

ڈانڈیلی اغوا معاملہ : 2 کروڑ روپے تاوان طلب کرنے والے ملزمین گرفتار ؛ گرفتار شدگان میں بھٹکل کا شخص بھی شامل

ڈانڈیلی کے ایک شخص کا اغوا کرکے اس کی رہائی کے لئے 2  کروڑ روپے طلب کرنے والے ملزمین کو  ڈانڈیلی پولیس نے گرفتار کر لیا ہے  جن  کی شناخت ڈانڈیلی کے رہنے والے پرشو رام ایلپّا میدار، کالگونڈا تکا رام سر نائک، ہلیال کے رہنے والے ونائیک کمپنّا کرننگ اور  بھٹکل مدینہ کالونی کے رہنے ...

دکشن کنڑا میں انتخابی ضابطہ اخلاق کے تحت قائم ہوئے چیک پوسٹس - نقدی اور بیش قیمت اشیاء لے جانے کے لئے ضروری ہوگا دستاویزی ثبوت 

دکشن کنڑا میں انتخابی ضابطہ اخلاق کے نفاذ کے ساتھ محکمہ پولیس نے حفاظتی بندوبست تیز کر دیا ہے اور عوام سے کہا ہے کہ اگر وہ اپنے ساتھ  نقد رقم یا قیمتی اشیاء لے جاتے ہیں تو انہیں اس سے متعلقہ باضابطہ دستاویزی ثبوت اپنے پاس رکھنا ہوگا اور جانچ کے دوران افسران کے سامنے پیش کرنا ...

بھٹکل میں7/مئی اورپڑوسی اضلاع اُڈپی اور مینگلور میں 26/ اپریل کو ہوگی پولنگ؛ پورے ملک میں سخت انتخابی ضابطہ اخلاق نافذ

الیکشن کمشنر کے اعلان کے مطابق ریاست کرناٹک میں دو مرحلوں میں انتخابات ہوں گے، جس کے تحت بھٹکل سمیت اُترکنڑا،  چکوڈی، بیلگاوی، باگلکوٹ، وجئے پور (ایس سی)، کلبرگی (ایس سی)، رائچور (ایس ٹی)، بیدر، کوپّل، بلاری (ایس ٹی)، ہاویری ، دھارواڑ، داونگیرے اور شموگہ میں 7/مئی کو انتخابات ...

ووٹر لسٹ میں نام داخل کرنے کی مہلت ابھی باقی ہے

چیف الیکٹورل آفیسر کی طرف سے جاری بیان کے مطابق پارلیمانی الیکشن میں ووٹ دینے کے اہل افراد کو اپنا نام ووٹر لسٹ میں شامل کروانے کے لئے ابھی مہلت باقی ہے جس سے فائدہ اٹھایا جا سکتا ہے ۔ 

جے ڈی ایس - بی جے پی 'ہنی مون' کے رنگ میں پڑ گیا بھنگ - دیوے گوڈا ، کمارا سوامی کو بی جے پی نے کیا نظرانداز  

ایسا لگتا ہے کہ اس پارلیمانی الیکشن کےد وران جنتا دل ایس نے بی جے پی کے ساتھ ہاتھ ملا کر جو 'ہنی مون' منانے کا منصوبہ بنایا تھا اس کے رنگ میں بھنگ پڑنا شروع ہوگیا ہے کیونکہ بی جے پی نے ایک طرف ریاست میں انتخابی سرگرمیوں کے کسی بھی مرحلے میں دیوے گوڈا اور کمارا سوامی کو ساتھ میں ...

مینگلورو: پرکاش راج کا مودی حکومت پرسخت حملہ؛ کہا: چارسوبیسی کرنے والے لوگ اب کی بار400 پارکا نعرہ لگارہے ہیں

جنوبی ہند کے مشہوراداکارپرکاش راج نے مودی حکومت پرسخت تنقید کرتے ہوئے کہا جن لوگوں نے 420 (فراڈ) کا کام کیا ہے، وہ آنے والے لوک سبھا انتخابات میں 400 سیٹیں جیتنے کی بات کررہے ہیں۔ اوراب کی بار400 پار کا نعرہ لگارہے ہیں۔

  لوک سبھا انتخابات : کرناٹک میں انتخابی ضابطہ اخلاق نافذ؛ پلیکس اور بینرز ہٹانے کا عمل شروع

  لوک سبھا انتخابات کی تاریخ کے اعلان کے ساتھ ہی ماڈل کوڈ آف کنڈکٹ کے نافذ ہونے کے بعد شہر میں پلیکس اور بینروں کو صاف کردیا گیا۔ ڈسٹرکٹ الیکشن آفیسر کی ہدایت پر الیکشن اور میونسپل عملہ نے شہر میں مشترکہ آپریشن کرتے ہوئے ہر قسم کے پلیکس اور بینرز کو ہٹا دیا۔ ڈسٹرکٹ کمشنر آفس، ...

بنگلورو کا آبی بحران: تالابوں کو نگلتا کنکریٹ کا جنگل!

دیوالی کے بعد کی بارشوں میں کئی فٹ پانی میں ڈوبا ہوا شہر گرمیوں کے شروع ہوتے ہی پانی کی ایک ایک بوند کو ترس رہا ہے۔ اگر چہ یہ بہانہ کیا جائے کہ بارش مسلسل دو سال سے کم ہو رہی ہے اور ریاست کی 256 تحصیلوں میں خشک سالی کا اعلان کیا جا چکا ہے لیکن حقیقت یہ ہے کہ بنگلورو جیسے پانی سے بھرے ...