ویسٹ انڈیز نے پہلے ٹیسٹ میں میزبان انگلینڈ کو 4 وکٹوں سے شکست دیدی

Source: S.O. News Service | Published on 13th July 2020, 9:27 PM | اسپورٹس |

ساؤتھ ہیمپٹن،13؍جولائی(ایس او نیوز؍ایجنسی) عالمی وبا کورونا کے باعث کئی ماہ بعد شروع ہونے والی پہلی کرکٹ سیریز کے پہلے ٹیسٹ میں مہمان ویسٹ انڈیز نے انگلینڈ کو 4 وکٹوں سے ہرادیا۔

ویسٹ انڈیز کی ٹیم نے چوتھی اننگز میں 200 رنز کا ہدف جرمین بلیک ووڈ کے 95 رنز کی بدولت 6 وکٹوں کے نقصان پر پورا کرلیا۔

اس سے قبل ساؤتھ ہیمپٹن میں کورونا وائرس کی احتیاطوں کے ساتھ میزبان انگلینڈ نے ٹاس جیت کر پہلے بیٹنگ کا فیصلہ کیا جو کہ بہتر ثابت نہیں ہوا اور انگلینڈ کی پوری ٹیم 204 رنز بنا کر آؤٹ ہوگئی۔

کپتان بین اسٹوکس سب سے زیادہ 43 رنز بنا کر نمایاں رہے جب کہ ویسٹ انڈیز کے کپتان جیسن ہولڈر نے پہلی اننگز میں شاندار بولنگ کرتے ہوئے 6 اور گیبریئل نے 4 وکٹیں حاصل کیں۔

ویسٹ انڈیز کی ٹیم نے انگلینڈ کی پہلی اننگز کے جواب میں 318 رنز بناکر آؤٹ ہوگئی تاہم 114 رنز کی قیمتی برتری بھی حاصل کرلی۔

مہمان ٹیم کی جانب سے بریتھ ویٹ نے 65 اور ڈاورچ نے 61 رنز کی اننگز کھیلیں۔

اپنی دوسری اننگز میں بھی انگلینڈ کی ٹیم بڑا اسکور کرنے میں ناکام رہی اور پوری ٹیم 313 رنز بنا کر آؤٹ ہوگئی اور ویسٹ انڈیز کو 200 رنز کا ہدف ملا۔

انگلینڈ کی جانب سےروری برنس اور سیبلی بالترتیب 42 اور 50 رنز بنا کر آؤٹ ہوئے جب کہ زیک کراؤلی نے 76 رنز بنا کر ویسٹ انڈیز کی برتری ختم کرنے میں اہم کردار ادا کیا۔

دوسری اننگز میں ویسٹ انڈیز کی جانب سے گیبرئیل نے سب سے زیادہ 5 وکٹیں حاصل کیں جب کہ روسٹن چیز اور جوزف نے 2،2 کھلاڑیوں کا شکار کیا۔

200 رنز کے ہدف کے تعاقب میں ویسٹ انڈیز کو ابتداء میں مشکلات کا سامنا کرنا پڑا اور اس کے27 رنز پر 3 کھلاڑی پویلین لوٹ گئے۔

اس موقع پر جرمین بلیک ووڈ نے ذمہ دارانہ اننگز کھیلی اور 95 رنز بناکر فتح میں نمایاں کردار ادا کیا اور روسٹن چیز نے 37 اور ڈاورچ نے 20 رنز بنائے جب کہ کپتان جیسن ہولڈر 14 رنز بناکر ناٹ آؤٹ رہے۔

شینن گیبریئل نے میچ میں 9کھلاڑیوں کو آؤٹ کیا جس پر انہیں مین آف دی میچ کا ایوارڈ دیا گیا۔

ویسٹ انڈیز نے ساؤتھ ہیمپٹن ٹیسٹ جیت کر تین میچز کی سیریز میں ایک صفر کی برتری حاصل کرلی ہے۔

ایک نظر اس پر بھی

ہندوستان نے برسبین میں سیریزجیت کر تاریخ رقم کی

نوجوان سلامی بلے باز شبمن گل (91)، چیتیشور پجارا (56) اور باصلاحیت وکٹ کیپر بلے باز رشبھ پنت (ناٹ آؤٹ) کی بہترین بلے بازی کی بدولت ہندوستان نے آسٹریلیا کو برسبن کے گابا میدان میں منگل کے روز کھیلے گئے چوتھے اور آخری کرکٹ ٹیسٹ میچ کے پانچویں دن تین وکٹوں سے شکست دے کر نئی تاریخ ...

سورو گنگولی کی حالت مستحکم ، گورنر اور سی ایم ممتا بنرجی سمیت متعددلیڈران پہونچے

بی سی سی آئی کے صدر سورو گنگولی کی صحت اب مستحکم ہے۔ مغربی بنگال کے گورنر جگدیپ دھنکھڑ اوروزیراعلیٰ ممتا بنرجی سمیت متعدد وزراء اورٹی ایم سی اوربی جے پی کے لیڈران ان کی حالت جاننے کے لیے اسپتال پہنچے۔

آسٹریلیا کو 100 ویں ٹیسٹ میچ میں شکست دے کر ہندستان نے کی برابری

ہندوستان نے اپنے گیند بازوں کی مضبوط کارکردگی کا مظاہرہ کرتے ہوئے دوسرے باکسنگ ڈے ٹیسٹ کے چوتھے روز آسٹریلیا کو آٹھ وکٹوں سے شکست دے کر چار میچوں کی سیریز 1-1 سے برابر کرلی۔ ہندوستان نے آسٹریلیا کو دوسری اننگز میں 200 رنوں پر سمیٹ دیا اور فتح کے لئے ملا 70 رنوں کا ہدف دو وکٹیں گنوا ...

بھٹکل کرکٹ لیگ ٹورنامنٹ کی افتتاحی تقریب : ڈویزن لیول میں کھیلنے کا موقع

19دسمبر 2020بروز سنیچر سے بھٹکل اسپورٹس اکیڈمی بھٹکل اور بھٹکل مسلم یوتھ فیڈریشن کے اشتراک سے  شروع ہونے والے امین سیف اللہ جونئیر کرکٹ لیگ کی افتتاحی تقریب 18دسمبر بروز جمعہ کی شام  تعلقہ اسٹیڈیم (وائی ایم ایس اے گراؤنڈ) میں منعقد ہوئی۔

سری لنکا کرکٹ بورڈ منسوخ کرسکتا ہے جنوبی افریقہ کا دورہ

حال ہی میں میزبان جنوبی افریقہ اور انگلینڈ کے مابین تین میچوں کی ٹی ٹونٹی سیریز اور تین میچوں کی ون ڈے سیریز کھیلی جانی تھی۔ انگلینڈ کی ٹیم جو جنوبی افریقہ کے دورے پر گئی تھی انہوں نے تین میچوں کی ٹی ٹونٹی سیریز کھیلی، لیکن ون ڈے سیریز سے قبل جنوبی افریقہ کرکٹ بورڈ کورونا وائرس ...

آئی سی سی ٹیسٹ کی درجہ بندی: وراٹ کوہلی کو خطرہ دوسرے مقام پرپہنچی ڈبل سنچری لگانے والے کین ولیمسن

نیوزی لینڈ کے کپتان کین ولیمسن انٹرنیشنل کرکٹ کونسل کے ذریعہ پیر کو جاری کی جانے والی تازہ ترین ٹیسٹ رینکنگ میں لمبی چھلانگ لگا ئی ہے۔ ویسٹ انڈیز کے خلاف کھیلے گئے پہلے ٹیسٹ میچ میں ڈبل سنچری بنانے کا فائدہ انہیں ملا اور انہوں نے مشرکہ طورپر دوسرا مقام حاصل کیا۔