کولکتہ،9؍اپریل (ایس او یوز؍یواین آئی) وزیر اعلیٰ ممتا بنرجی نے لاک ڈاؤن کے خاتمے سے متعلق کہا ہے کہ وزیرا عظم نریندر مودی نے آل پارٹی میٹنگ میں لاک ڈاؤن کی مدت میں اضافہ کا اشارہ دیا ہے -
انہوں نے کہا کہ وزیر اعظم نریندر مودی کی آل پارٹی میٹنگ میں ترنمو ل کانگریس کی نمائندگی ممبر پارلیمنٹ سدیپ بندو پادھیائے نے کیا-کورونا سے نمٹنے کیلئے ملک بھر میں 21 روزہ لاک ڈاؤن جاری ہے - لاک ڈاؤن کے دوران تمام سرکاری اور نجی ٹرانسپورٹ سروس بند ہیں - اسکول، کالج، متعدد سرکاری نجی دفا تر بھی بند ہیں - تاہم، کچھ ہنگامی خدمات لاک ڈاؤن سے باہر ہیں - لاک ڈاؤن کے علاوہ کوروناوائرس پر قابو پانے کا کوئی دوسرا راستہ نہیں ہے - معاشرتی فاصلے سے ہی وائرس سے نجات پانا ممکن ہے -
وزیرا عظم نریندر مودی نے آج ویڈیو کانفرنسنگ کے ذریعہ آل پارٹی میٹنگ میں ملک کی موجودہ صورت حال پر تبادلہ خیال کیا-میٹنگ میں وزیرا عظم مودی نے لاک ڈاؤن کی مدت میں اضافے کا اشارہ دیا ہے -تاہم وزیرا عظم نے کہا کہ لاک ڈاؤن میں اضافے کا فیصلہ وزرائے اعلیٰ کے ساتھ بات چیت کرنے کے بعد ہی کیا جائے گا-
اس درمیان متعدد ریاستوں نے لاک ڈاؤن میں اضافہ کرنے کی اپیل کی ہے - اس کے علاوہ متعدد ماہرین نے بھی لاک ڈاؤن میں اضافہ کا مشورہ دیا ہے -ماہرین کے مطابق اگر لاک ڈاؤن ختم کردیا گیا تو ملک میں پہلے سے کہیں زیادہ کورونا وائرس کے پھیلنے کا اندیشہ ہوجائے گا-
مرکزی حکومت کے ذریعہ تشکیل ماہرین کی کمیٹی اس پر غور کررہی ہے وزیرا علیٰ ممتا بنرجی نے اس سے قبل لاک ڈاؤن میں معمولی چھوٹ دینے کا اشارہ دیا تھا مگرآج انہوں نے وزیرا عظم مودی کی آل پارٹی میٹنگ کا حوالہ دیتے ہوئے کہا کہ لاک ڈاؤن کی مدت میں اضافہ ہوسکتا ہے -
انہوں نے کہا کہ ہمیں عوام کی پریشانیوں کا خیال ہے اور لاک ڈاؤن کی قیمت سرکار بھی بڑے پیمانے پر چکارہی ہے مگر عوام کی صحت کا بھی ہمیں ہی خیال رکھنا ہے -کل وزیرا علیٰ ممتا بنرجی نے پھول اور غیر منظم سیکٹر کو کھولنے کا اشارہ دیا تھا اور کہا تھا کہ معاشرتی فاصلے کو بہر صورت برقرار رکھا جائے گا-