بھدراوتی،یکم اپریل (ایس او نیوز؍پریس ریلیز) میونسپل کونسل انتخابات میں ویلفیر پارٹی آف انڈیا(ڈبلیو پی آئی ) کی جانب سے شہر کے 35 وارڈوں میں سے 11 وارڈوں پر امیدوار میدان میں اتریںگے۔

اس سلسلے میں ڈبلیو پی آئی کے دفتر میں منعقدہ خصوصی نشست میں پارٹی کے ریاستی صدر اڈوکیٹ طاہر حسین کی صدارت میں اہم نشست کا اہتمام کیا گیا تھا۔ جن وارڈوں میں امیدواروں کی مقابلہ آرائی ہوگی وہ 3،5،7،8،9،11،17،18،21، 24،33ہیں۔

اس سلسلے میںپارٹی کے ریاستی صدر اڈوکیٹ میں بات کرتے ہوئے کہا کہ پارٹی سیاسی اقدار پر خدمات انجام دےرہی ہے۔کئی میونسپل کونسل ، ٹائون پنچایت،گرام پنچایت میں ہمارے اراکین ہیں، آنے والے ضلع پنچایت انتخابات اورتعلقہ پنچایت انتخابات میں بھی ہماری جانب سے نمائندگی ہوگی۔ آج سماج کو اقدارپر مبنی سیاست کی ضرورت ہے۔ عوام اچھے سیاستدانوں کی تائید کریں۔

اس موقع پر ریاستی میڈیا سکریٹری جاگردار، ضلعی صدر مزمل انور، ضلعی جنرل سکریٹری ذیشان، بھدراوتی تعلقہ صدر ابوالخیر اورممکنہ امیدوار وپارٹی کے کارکنان موجودتھے۔