بھٹکل تینگنگونڈی کے ماہی گیروں کو ایک ایک لاکھ روپیہ معاوضہ فراہم کرنے کا مطالبہ لے کر ویلفئیر پارٹی نے تحصیلدار کو دیا میمورنڈم

Source: S.O. News Service | By I.G. Bhatkali | Published on 8th August 2022, 5:24 PM | ساحلی خبریں |

بھٹکل 8/اگست (ایس او نیوز) گذشتہ ہفتہ بھٹکل میں ہوئی  زبردست بارش میں جہاں کئی  مکانوں ، دکانوں  اور کھیتوں وغیرہ کو نقصان پہنچا وہیں ماہی گیروں کی کشتیاں اور مچھلیوں کا شکار کرنے والی بوٹوں کو بھی نقصان پہنچا ہے، کئی ماہی گیروں کی کشتیاں سمندر میں بہہ کر لاپتہ بھی ہوئی ہیں  تو بعض  کی کشتیاں سمندر میں تیرتی ہوئی دوسرے اضلاع میں بھی کافی خراب حالت میں ملنے کی اطلاعات ہیں۔ 

2 اگست کی بارش میں بھٹکل تینگنگونڈی کے ماہی گیروں کی  بھی کشتیوں کو کافی نقصان پہنچا ہے اور کئی ایک کشتیاں مکمل طور پر تباہ ہوگئی ہیں۔ اس ضمن میں ویلفئیر پارٹی آف انڈیا کی طرف سے آج پیر کو  بھٹکل تحصیلدار  کو ایک میمورنڈم پیش کیا گیا جس میں  ایسے تمام ماہی گیروں کو  ایک ایک لاکھ روپیہ معاوضہ فراہم کرنے کا مطالبہ کیا گیا ہے۔

میمورنڈم میں بتایا گیا ہے کہ  موسلادھار بارش کے باعث تینگنگونڈی میں    ماہی گیروں کی بڑی تعداد میں کشتیاں مکمل طور پر تباہ ہو گئی ہیں، حکومت کی جانب سے سروے بھی  کیا جاچکا ہے لیکن  ماہی گیروں کو ابھی تک کوئی معاوضہ یا راحت نہیں دی گئی ہے۔ میمورنڈم کے مطابق تینگنگونڈی کے ماہی گیروں  کی نو کشتیاں مکمل طور پر تباہ ہوگئی ہیں اور دیگر کئی ایک ماہی گیروں کو کشتیوں کو بہت زیادہ نقصان پہنچا ہے جس کے نتیجے میں   ماہی گیروں کا خاندان شدید مشکلات کا سامنا کررہے ہیں ۔ میمورنڈم میں  تعلقہ انتظامیہ پر زور دیا گیا ہے کہ  وہ فوری طور پر ہر ماہی گیر کی کشتی کو ایک ایک  لاکھ روپیہ  معاوضہ ادا کرے اور ان کے مسائل کو حل کرنے کی طرف توجہ دیں۔

اس موقع پر ویلفیئر پارٹی آف انڈیا، اُترکنڑا کے جنرل سکریٹری آصف شیخ، خزانچی عبدالجبار اسدی، دیگر ذمہ داران فاروق شیخ، ظہور لاٹ وغیرہ موجود تھے۔

ایک نظر اس پر بھی

بھٹکل: ایس پی کے تبادلے کی افواہوں کو ڈسٹرکٹ انچارج منسڑ نے دی مزید ہوا، کہا؛ افسران کے تبادلے کوئی نئی بات نہیں!

ایماندار افسر کے طورپر مشہور اترکنڑا ضلع ایس پی ڈاکٹر سمن پنیکر کے تبادلے کی افواہوں کو ہوا دیتےہوئے ضلع نگراں کار وزیر پجاری نے کہاکہ افسران کے تبادلے کوئی نئی بات تو نہیں ہے۔

بھٹکل: معاوضہ تقسیم میں تفریق پر رکن اسمبلی کا سخت اعتراض : وزیر شری نواس پجاری نے افسران کو کی فوری کارروائی کی تاکید

گذشتہ ماہ 2اگست کو برسی موسلا دھاربارش سےنقصان اٹھانے والےمتاثرین میں امداد تقسیم کےدوران تفریق کی گئی ہے اور غریبوں کو امداد فراہم کرنےمیں افسران پس و پیش کئے جانے پر رکن اسمبلی سنیل نائک نے سخت اعتراض جتایا ۔

ہلیال:  آوارہ کتوں کو پکڑنے کا معاملہ - چیف آفیسر کے خلاف کیس درج 

آوارہ کتوں کو پکڑ کر جنگل میں چھوڑنا ہلیال ٹی ایم سی کے چیف آفیسر پرشورام شیندے کو مہنگا پڑا کیوںکہ اس کارروائی کو ظالمانہ انداز میں انجام دئے جانے کا الزام لگاَتے ہوئے چیف آفیسر کے خلاف پولیس میں معاملہ درج کیا گیا ہے ۔