چکبالاپور،10؍ جنوری (ایس او نیوز) شہر بنگلوروا و رریاست میں بڑھ رہے کورونا کے معاملات پر قابو پانے کے سلسلہ میں حکومت نے جو ویک ینڈ کرفیو نافذ کرنے کا اعلان کیا ہے، یہاں اس کا ملا جلا ردعمل رہا۔ صبح سے ہی چند سرکاری بسیں راستوں پر اتریں، جس سے لوگ ایک جگہ سے دوسری جگہ آنے جانے لگے۔ ضروری اشیاء جیسے ترکاری، راشن، دوائیاں، اسپتال،ہوٹلس اورپھل و پھول کی دکانیں کھلی رہیں۔ لوگوں کی بھاگ دوڑ شہر بھر میں جاری رہی۔ شہر کے سرکلوں پر پولیس اہلکاروں نے غیر ضروری گھومنے پھرنے والوں پر جرمانہ بھی عائد کیا۔

ضلع ا یس پی متھن کمار نے بتایا کہ ویک اینڈ کرفیو کی خلاف ورزی کرنے والوں کے خلاف کارروائی کی جارہی ہے۔ ضلع بھر میں 24چک پوسٹ کا قیام عمل میں لایاگیا ہے۔ ضلع کے ہر ایک شہراور تعلقہ میں پولیس کا گشت جاری ہے۔ویک وینڈ کرفیو میں کھلی رہنے والی دکانوں کے مالکوں کوچاہئے کہ وہ سبھی کورونا احتیاطی تدابیر پر عمل کرنے کی جانب توجہ دیں۔