سرسی کو علاحدہ ضلع بنانے کے متعلق اسپیکر کاگیری سے بات چیت کرونگا: ضلع نگراں کارو زیر شیورام ہیبار

Source: S.O. News Service | By Abu Aisha | Published on 26th November 2020, 9:05 PM | ساحلی خبریں | ان خبروں کو پڑھنا مت بھولئے |

کاروار:26؍نومبر(ایس اؤ نیوز)ابھی تک اترکنڑا ضلع سالم و غیر منقسم ہے، جب کبھی ضلع کو تقسیم کرنا ہوگا تو ضلع کے عوامی نمائندوں اور باشعور افراد کے ساتھ صلاح ومشورہ لازمی ہوجاتاہے۔ ودھان سبھا اسپیکر وشویشور ہیگڈے کاگیری نے سرسی ضلع کی ضرورت کے متعلق جو بیان دیا ہے اس سلسلے میں ان سے  گفتگو کرتاہوں، اس کے بعد اپنی طرف سے کوئی رائے پیش کروں گا، یہ بات ضلع اُترکنڑا کے نگراں کار وزیر شیورام ہیبار نے کہی۔

شہر کے ٹیگور بیچ پر باب الداخلہ کی سنگ بنیاد رکھنے کے بعد اخبارنویسوں سے گفتگو کرتے ہوئے موصوف وزیر نے بتایا کہ اسپیکر کاگیری نے سرسی کو علاحدہ ضلع بنانے کی بات کہی ہے لیکن میں نےنہیں سنا۔ اس سلسلےمیں ضلع نگراں کار وزیر ہونے کے ناطے ان سے بات کرتاہوں۔ کاگیری صاحب نے کن وجوہات اور ضروریات کے مطابق سرسی کو الگ سےضلع بنانے کی بات کہی ان سے جانکاری حاصل کرونگا۔ فی الحال تو اترکنڑا ضلع سالم ہے، ضلع کی تقسیم یا نیا ضلع بنانے کے متعلق رکن پارلیمنٹ ، ضلع کے ارکان اسمبلی ، دیگر عوامی نمائندے اور باشعور افراد کے ساتھ بات چیت ، صلاح ومشورہ کرنا ہوتاہے۔ اس کے فائدے اور نقصانات کے متعلق غوروخوض کرنے کے بعد کوئی فیصلہ لیا جائے گا۔ اس موقع پر رکن اسمبلی روپالی نائک، ڈی سی ڈاکٹر ہریش کما ر وغیرہ موجود تھے۔

ایک نظر اس پر بھی

کاروار: سائنس اور انجنئیرنگ میں پی ایچ ڈی کےلئے کرناٹک حکومت کی طرف سے اسکالرشپ

حکومت کرناٹکا کے محکمہ سائنس اور ٹکنالوجی کے ڈی ایس ٹی سائنس اور انجنئیرنگ میں پی ایچ ڈی (تحقیق) کے لئے ڈی ایس ٹی ۔پی ایچ ڈی  اسکالرشپ نامی پروگرام خود مختار ادارے کرناٹکا سائنس اور ٹکنالوجی ترغیب سوسائٹی کے ذریعے نافذ کیا جارہاہے۔

منگلورو میں پولیس فائرنگ کےردعمل میں نوجوانوں نے کیا تھا ہیڈ کانسٹیبل پر حملہ ۔ پولیس کمشنر کا بیان

سٹی پولیس کمشنر این ششی کمار نے ایک پریس کانفرنس کے دوران بتایا کہ گزشتہ سال دسمبر میں چترا ٹاکیز کےقریب پولیس ہیڈ کانسٹیبل پر جو حملہ کیا گیا تھا وہ دراصل شہریت ترمیمی قانون کے خلاف احتجاج کے دوران منگلورو میں پھوٹ پڑنے والے فساد کے بعد پولیس کی فائرنگ سے جو دو ہلاکتیں ہوئی ...

منگلورو: گئو رکھشکوں پر دائر مقدمات واپس لیے جائیں گے۔ وزیر مویشی پالن کی یقین دہانی

وزیر برائے مویشی پالن پربھو چوہان نے ضلع انتظامیہ کےساتھ جائزاتی میٹنگ کےبعد پریس کانفرنس سے خطاب کرتے ہوئے کہا کہ گئو رکھشکوں کے خلاف جو مقدمات درج کیے گئے ہیں، ریاستی حکومت کی طرف سے وہ مقدمات واپس لیے جائیں گے۔

کاروار: صحافی شیشگیری نے کیا سمندر میں 12کلو میٹر تک ڈونگی پر تنہا سفر؛ موبائل پر وقت گذاری کے بجائے کھیل کود اورایڈوینچر اسپورٹس کی طرف توجہ دینے نوجوانوں سے کی اپیل

 کاروار سے دگ وجئے نیوز کی رپورٹنگ کرنے والے بھٹکل سے تعلق رکھنے والے صحافی شیشگیری منڈلی نے کیاک پر بحیرہ عرب میں تقریباً 12کلومیٹر تک تنہا سفر کرتے ہوئے ایڈوینچر اسپورٹس میں اپنی دلچسپی کا کامیاب مظاہرہ کیا۔

بنگلورو انٹرنیشنل ایئرپورٹ پرکسٹم آفسر کی بیگ سے برآمد ہوئے 74 لاکھ روپئے نقد

بنگلور کے کیمپے گوڈا انٹرنیشنل ائرپورٹ پر منگل کی صبح ایک عجیب واقعہ پیش آیا جب سیکوریٹی چیکنگ کے دوران ایک  آف ڈیوٹی کسٹم آفسر نے   اپنا کیبین لگیج کھول کر دکھانے سے انکار کیا، اس کاروائی کےدوران قطار میں کھڑی اس کی اہلیہ  ٹوائلیٹ چلی گئی۔ بعد میں پتہ چلا کہ  متعلقہ کسٹم ...