منگلورو : فٹ پاتھ پر سوئے مزدوروں پر چڑھ گئی بے قابو کار
منگلورو ، 25؍ نومبر (ایس او نیوز) منگلورو جنکشن ریلوے اسٹیشن کے باہر علی الصبح جو حادثہ پیش آیا جس میں ایک بے قابو کار فٹ پاتھ سوئے ہوئے دو مہاجر مزدوروں پر چڑھ گئی اور قریب میں پارک کی گئی دوسری 4 کاروں سے ٹکرا گئی ۔
ذرائع سے ملی اطلاع کے مطابق مزدورں کو معمولی چوٹیں آئیں جس کے بعد انہیں علاج کے لئے پرائیویٹ ہاسپٹل میں داخل کیا گیا ہے۔ ایک مزدور جس کے سر پر چوٹ لگی ہے اس کی حالت ذرا تشویش ناک بتائی جاتی ہے۔ اس ٹکر کی وجہ سے پارک کی گئی دوسری کاروں کو بھی اچھا خاصہ نقصان پہنچان ہے۔
عینی شاہدین کا کہنا ہے کہ اس فٹ پاتھ پر روزانہ پندرہ بیس مزدورسوتے ہیں مگر خوش قسمتی جب حادثہ پیش آیا تو اس وقت وہاں صرف دو ہی مزدور تھے، جو بال بال بچ گئے ۔ ورنہ ایک بڑا المیہ پیش آسکتا تھا ۔
حادثہ کی خبر ملنے پر پولیس نے موقع پر پہنچ کر جائزہ لیا ۔