ضلع شمالی کینرا میں پیش آ سکتا ہے پینے کے پانی کابحران۔بھٹکل سمیت 11تعلقہ جات کے 423 دیہات نشانے پر

Source: S.O. News Service | By I.G. Bhatkali | Published on 28th January 2019, 2:17 PM | ساحلی خبریں | اسپیشل رپورٹس |

کاروار28؍جنوری (ایس او نیوز) امسال گرمی کے موسم میں ضلع شمالی کینرا میں پینے کے پانی کا شدید بحران پیدا ہونے کے آثار نظر آر ہے ہیں۔ کیونکہ ضلع انتظامیہ نے 11تعلقہ جات میں 423دیہاتوں کی نشاندہی کرلی ہے، جہاں پر پینے کے پانی کی شدید قلت پیدا ہوگئی ہے۔

خیال رہے کہ پچھلے کچھ برسوں سے برسات کم ہونے کی وجہ سے ضلع میں مسلسل قحط سالی کی صورتحال پیدا ہوتی رہی ہے۔ویسے توضلع کے اندر بڑی تعداد میں ندیاں بہتی ہیں ، لیکن مغربی گھاٹ سے بہنے والی ندیوں کے لئے بڑی مقدار میں بارش نہ ہونے سے پانی کی قلت کا سامنا کرناپڑتا ہے۔یہی وجہ ہے کہ ہر سال متاثرہ علاقوں میں مارچ تا مئی مہینے کے دوران سرکاری طور ٹینکروں سے پانی فراہم کرنے کا انتظام کیا جاتا ہے۔معلوم ہوا ہے کہ امسال بھی صورتحال کا جائزہ لینے کے بعد ضلع انتظامیہ نے ابھی سے پانی کی فراہمی کے لئے ٹینکروں کی سہولت اور فنڈ مختص کرنے کی کارروائی مکمل کرلی ہے۔احتیاطی اقدام کے طور پر پانی سپلائی کرنے کے لئے ٹینڈر بھی طلب کرلیے گئے ہیں۔

ایڈیشنل ڈپٹی کمشنر سریش ایٹنال نے بتایا کہ فی الحال کہیں بھی پانی کی قلت پید انہیں ہوئی ہے۔ احتیاطی اقدام کے طور پرضلع پنچایت نے ایسے علاقوں کی نشاندہی کرلی ہے۔ 14thفائنانس کمیشن کے تحت ہر گرام پنچایت کے لئے 3لاکھ روپے پینے کے پانی کی مد میں مختص کیے گئے ہیں۔ ضرورت پڑنے پر ضلع پنچایت کی جانب سے بور ویلس بھی کھودے  جائیں گے۔اگر کسی بھی گرام پنچایت میں پانی کی قلت پیدا ہوتی ہے تو پھر وہاں کے تحصیلدار کو اس کی اطلاع دی جانی چاہیے،یا برا ہ راست ضلع پنچایت کو اس کی خبر کردینی چاہیے۔شکایت موصول ہونے کے 24گھنٹوں کے اندر متعلقہ تحصیلداریا اسسٹنٹ انجینئر یا کوئی اور آفیسر اس مقام پر پہنچ کر مسئلہ کو حل کردے گا۔اور اگر سات دنوں کے اندر مسئلہ حل نہیں ہوا تو پھر ضلع انتظامیہ کی طرف سے نجی بور ویل کرایے پر لی جائے گی اور مسئلے کو مستقل طور پر حل کردیا جائے گا۔

ضلع شمالی کینرا کے تعلقہ جات میں پانی کی قلت کا شکار ہونے لائق گاؤں کی تعداد اس طرح ہے: ۱۔ کاروار (۱۲)، ۲۔ انکولہ (۲۷)، ۳۔ کمٹہ (۱۲)، ۴۔ ہوناور (۲۷)، ۵۔ بھٹکل (۱۰)، ۶۔ سداپور(۵۱)، ۷۔ یلاپور (۴۱)، ۸۔ سرسی (۹۵)، ۹۔ منڈگوڈ (۵۰)، ۱۰۔ ہلیال (۴۴)، ۱۱۔ جوئیڈا (۵۴) اس طرح جملہ 423گاؤں پانی کی قلت کے زد میں آنے کا اندیشہ ہے۔

ایک نظر اس پر بھی

بنٹوال میں ایمبولینس اور ٹرک کا تصادم۔ 1خاتون ہلاک، 4زخمی    

نیرلکٹے کے پاس پیش آنے والے ٹرک اور ایمبولینس کے تصادم میں ایک خاتون موقع پر ہی ہلاک ہوگئے جبکہ ایمبولینس میں موجود مریض سمیت دیگر 4افراد زخمی ہوگئے ہیں، جنہیں علاج کے لئے پتور کے سرکاری اسپتال میں داخل کیا گیا ہے۔

کاروار:اپنی نجی خواہشات کے لئے دوسروں پر الزام عائد نہ کریں : وزیر دیش پانڈے کا ہیبار پرپلٹ وار

اغی گروپ میں شامل یلاپور کے رکن اسمبلی شیورام ہیبار نےاپنے فیس بک پیج پر ضلع نگراں کار وزیر آر وی دیش پانڈے کے خلاف لگائے گئے الزاما ت کا وزیر دیش پانڈے نے بھی فیس بک پر  ہی  کچھ اس طرح جواب دیا ہے۔ ’ہیبار اپنے نجی اور انفرادی فیصلوں اور خواہشات کے لئے خود ذمہ دار ہیں ، اس ...

اڈپی ضلع پولیس نے کروائی گائیں چرانے کے معاملات میں ملوث157 افرادکی پریڈ۔ شہر بدرکرنے اور غنڈہ ایکٹ لاگو کرنے کی دی گئی وارننگ

اڈپی ضلع میں پولیس نے گائیں چرانے کے معاملات میں شامل رہنے والے افراد کو مختلف مقامات پر طلب کرکے ان کی اجتماعی پریڈ کروائی اور انہیں تنبیہ کرتے ہوئے کہا کہ آئندہ اس طرح کی وارداتوں میں اگر وہ ملوث ہونگے تو پھر ان کے خلاف شہر بدر کرنے یا پھر غنڈہ ایکٹ لاگو کرنے جیسے اقدامات کیے ...

کرناٹک : استعفیٰ دینے والوں کی فہرست میں یلاپور رکن اسمبلی ہیبار بھی شامل۔کیاوزارت کے لالچ میں چل پڑے آنند اسنوٹیکر کے راستے پر؟

ریاست کرناٹک  میں جو سیاسی طوفان اٹھ کھڑا ہوا ہے اور اب تک کانگریس، جے ڈی ایس مخلوط حکومت کے تقریباً 13 اراکین اسمبلی اپنا استعفیٰ پیش کرچکے ہیں اس سے مخلوط حکومت پر کڑا وقت آن پڑا ہے اور قوی امکانا ت اسی بات کے دکھائی دے رہے ہیں کہ دونوں پارٹیوں کے سینئر قائدین کی جان توڑ کوشش ...

بھٹکل میں 110 کے وی اسٹیشن کے قیام سے ہی بجلی کا مسئلہ حل ہونے کی توقع؛ کیا ہیسکام کو عوامی تعاون ملے گا ؟

بھٹکل میں رمضان کے آخری دنوں میں بجلی کی کٹوتی سے جو پریشانیاں ہورہی تھی، سمجھا جارہا تھا کہ  عین عید کے  دن  بعض نوجوانوں کے  احتجاج کے بعد  اُس میں کمی واقع ہوگی اور مسئلہ حل ہوجائے گا، مگر  عید الفطر کے بعد بھی  بجلی کی کٹوتی یا انکھ مچولیوں کا سلسلہ ہنوز جاری ہے اور عوام ...

بھٹکل تعلقہ اسپتال میں ضروری سہولتیں تو موجود ہیں مگر خالی عہدوں پر نہیں ہورہا ہے تقرر

جدید قسم کا انٹینسیو کیئر یونٹ (آئی سی یو)، ایمرجنسی علاج کا شعبہ،مریضوں کے لئے عمدہ ’اسپیشل رومس‘ کی سہولت کے ساتھ بھٹکل کے سرکاری اسپتال کو ایک نیا روپ دیا گیا ہے۔لیکن یہاں اگر کوئی چیز نہیں بدلی ہے تو یہاں پر خالی پڑی ہوئی اسامیوں کی بھرتی کا مسئلہ ہے۔ 

آر ایس ایس کی طرح کوئی مسلم تنظیم کیوں نہیں؟ از: ڈاکٹر سید فاضل حسین پرویز

مسٹر نریندر مودی کی تاریخ ساز کامیابی پر بحث جاری ہے۔ کامیابی کا سب کو یقین تھا مگر اتنی بھاری اکثریت سے وہ دوبارہ برسر اقتدار آئیں گے اس کا شاید کسی کو اندازہ نہیں تھا۔ دنیا چڑھتے سورج کی پجاری ہے۔ کل ٹائم میگزین نے ٹائٹل اسٹوری مودی پر دی تھی جس کی سرخی تھی ”India’s Divider in Chief“۔

خود کا حلق سوکھ رہا ہے، مگر دوسروں کو پانی فراہم کرنے میں مصروف ہیں بھٹکل مسلم یوتھ فیڈریشن کے نوجوان؛ ایسے تمام نوجوانوں کو سلام !!

ایک طرف شدت کی گرمی اور دوسری طرف رمضان کا مبارک مہینہ  ۔ حلق سوکھ رہا ہے، دوپہر ہونے تک ہاتھ پیر ڈھیلے پڑجاتے ہیں،    لیکن ان   نوجوانوں کی طرف دیکھئے، جو صبح سے لے کر شام تک مسلسل شہر کے مختلف علاقوں میں پہنچ کر گھر گھر پانی سپلائی کرنے میں لگے ہوئے ہیں۔ انہیں  نہ تھکن کا ...

مودی جی کا پرگیہ سنگھ ٹھاکور سے لاتعلقی ظاہر کرنا ایسا ہی ہے جیسے پاکستان کا دہشت گردی سے ۔۔۔۔ دکن ہیرالڈ میں شائع    ایک فکر انگیز مضمون

 وزیر اعظم نریندرا مودی کا کہنا ہے کہ وہ مہاتما گاندھی کے قاتل ناتھو رام گوڈسے کو دیش بھکت قرار دیتے ہوئے ”باپو کی بے عزتی“ کرنے کے معاملے پر پرگیہ ٹھاکورکو”کبھی بھی معاف نہیں کرسکیں گے۔“امیت شاہ کہتے ہیں کہ پرگیہ ٹھاکور نے جو کچھ کہا ہے(اور یونین اسکلس منسٹر اننت کمار ہیگڈے ...