ہوناور میں غیر آباد کنویں، تالاب ، ہر گرما میں شہریوں کیلئے مسائل
ہوناور ، 24؍ مارچ (ایس ا ونیوز) 20؍ہزار کی آبادی والے ہوناور میں سمندر ، ندیاں ، کھلی جگہیں یہاں کی زندگی کا ایک حصہ ہیں۔ ندی کا ساحل قریب رہنے کے باوجود یہاں پانی کے لئے ہمیشہ ہا ہا کا ر سنی جاتی ہے۔
آبی ذرائع کہے جانے والے کنویں ، تالاب لوگوں کی پیاس بجھائے بغیر تاریخ کا حصہ بن رہے ہیں اس پر عوام کچھ دنوں سے پریشان ہیں۔ ٹاؤن کو پانی کی سربراہی کرنے والا اہم ذریعہ کمٹہ تعلقہ میں واقع ہے۔ وہاں کے دیولی سے اگھناشنی ندی کا پانی لے کر کمٹہ اور ہوناور تعلقہ کے پانی کی ضرورتیں پوری کرنے والے مراکل منصوبے کی کچھ سال پہلے توصیف کی گئی تھی۔ دیکھ بھال اور نظام کی بدانتظامی کے سبب لوگ پینے کے پانی کے ایک اور منصوبے کی جانب نگاہیں لگائے ہوئے ہیں۔ اس منصوبے کے تحت مہیمے گاؤں سے شراوتی کا پانی ٹاؤن کو لانے کا انتظام ہے۔ اس منصوبے کے تحت درمیانی راستے میں آنے والے نو گاؤں کے لئے پانی کی ضرورتیں پوری کرنے کی بھی تجویز ہے۔
ٹندر کا اعلان ہونے کے باوجود اس کی دیکھ ریکھ کرنے والی کمپنی کو کام سونپنے کے ابھی احکامات نہیں ملے ہیں۔ اس منصوبے کی لاگت 122.76 کروڑ روپئے ہے۔ مجوزہ منصوبے کی تعمیل کے تعلق سے محکمہ جنگلات کی منظوری ملی ہے۔ آبی سربراہی بورڈ کو 1.10 کروڑ روپئے ادا کئے گئے ہیں۔ مجوزہ منصوبے کی تکمیل ہوئی تو ٹاؤن کے پانی کی ضرورت پوری ہونے کی توقع کی جاتی ہے۔