یو اے ای میں شدید دھند سے پروازوں کا شیڈول بری طرح متاثر

Source: S.O. News Service | By Shahid Mukhtesar | Published on 24th December 2017, 4:58 PM | خلیجی خبریں |

ابوظبی، 24؍ دسمبر (ایجنسی )متحدہ عرب امارات میں دھند کے باعث پی آئی اے سمیت متعدد فضائی کمپنیوں کی پروازیں شدید متاثر ہو رہی ہیں۔ قومی فضائی کمپنی کے ترجمان کے مطابق پی آئی اے کی انتظامیہ نے دبئی اور ابو ظہبی کے لیے پروازیں کو شیڈول دوبارہ تیار کیا ہے۔

واضح رہے کہ اسلام آباد سے دبئی جانے والی پی کے 261 نو گھنٹے تاخیر سے روانہ ہوئی جبکہ ابو ظبی سے پشاور آنے والی پی کے 218 بھی نو گھنٹے لیٹ ہوئی۔

علاوہ ازیں اسلام آباد ، پشاور اور لاہور سے دبئی حانے والی پروازیں بھی متعدد گھنٹے تاخیر کا شکار ہو گئیں ہیں.

درایں اثنا سعودی ایئر لائن نے بھی دبئی جانے اور وہاں سے آنے اپنے مسافروں کو انتباہ جاری کیا ہے کہ امارات میں موسم کی غیر یقینی صورت حال کے باعث بعض پروازیں متاثر ہو سکتی ہیں۔ ٹویٹر پر سعودی ایئرلائن کے اکاؤنٹ میں بتایا گیا ہے "کہ ہم اپنے مہمانوں کو مطلع کرنا چاہتے ہیں کہ دبئی میں غیر یقینی موسم کے باعث بعض پروازیں متاثر ہو سکتی ہیں جس کے لئے ہم پیشگی معذرت چاہتے ہیں۔"

ایک نظر اس پر بھی

مقام ابراہیم کے بارے میں حیرت انگیز معلومات

مکہ مکرمہ کی مسجد حرام کے صحن مقدس میں واقع ایک جگہ کو'مقام ابراہیم' سے موسوم کیا جاتا ہے۔ فرزندان توحید کے لیے مقام ابراہیم اجنبی مقام نہیں، مگر اس کی جزئیات کے بارے میں کم لوگ ہی جانتے ہیں۔