بنگلورو،27؍جون(ایس او نیوز) بروہت بنگلور مہا نگر پالیکے(بی بی ایم پی) کے انتخابات کے قریب ریاستی حکومت نے 198وارڈز کی ازسر نو حد بندی کر تے ہو ئے نوٹی فیکشن جاری کیا ہے-

اطلاع کے مطابق گزشتہ 2011کی مردم شماری کے مطابق منسپل کارپوریشن ایکٹ1976کی دفعہ(2) (7) (A) کے تحت از سر نو حد بندی کی گئی ہے جس کے تحت اکثر وارڈز کا نمبر تبدیل ہوا ہے جبکہ چند وارڈز کے نام بدل دیئے گئے ہیں - بی بی ایم پی کا قیام 2007میں ہوا اور اس وقت آبادی کے حساب سے 198وارڈز تشکیل دیئے گئے تھے،بعدمیں 2011کی مردم شماری کا آغاز ہوا تھا-

بتا یا جا تا ہے کہ گزشتہ مارچ میں وارڈ سطح پر از سر نو حد بندی کر تے ہو ئے مسودہ جاری کر کے15دن تک تکرار عرضی کے لئے وقت دیا گیا تھا، جس کے تحت دائر تکرار عرضیوں،صلاح مشورہ پر عمل کر تے ہوئے2011کی مردم شماری کے تحت بی بی ایم پی کے 198وارڈز کی از سر نو حد بندی کر کے نو ٹی فیکشن جاری کیا گیا ہے-

بی بی ایم پی کارپوریٹروں کی معیاد ستمبر کو مکمل ہورہی ہے اور آئندہ انتخابات از سر نو حد بندی کے تحت ہوں گے، بی بی ایم پی میں جہاں حکمران جماعت بی جے پی ہے وہیں ریاست میں بھی بی جے پی بر سر اقتدار ہے-اسلئے بی بی ایم پی انتخابات میں بی جے پی کو ہی فائدہ ہونے کے امکانات ہیں -

محکمہ شہری ترقیات کے جنرل سکریٹری راکیش سنگھ نے بتا یا کہ چہارشنبہ کی شام کو ہی بی بی ایم پی وارڈز کی از سر نو حدبندی کر کے نو ٹیفیکشن جاری کیا گیا ہے اور جلد ہی عوام کو اسکی نقل حاصل ہو گی-