وقف بورڈ کے امور میں ریاستی حکومت کی راست مداخلت، ضلع وقف مشاورتی کمیٹیوں کیلئے ڈپٹی کمشنر س چیرمین مقرر

Source: S.O. News Service | Published on 21st December 2021, 11:05 AM | ریاستی خبریں |

بنگلورو،21؍دسمبر (ایس او نیوز؍رضوان اللہ خان) ریاستی حکومت نے کرناٹک کے وقف امور میں راست مداخلت کرتے ہوئے وقف بورڈ کو یہ ہدایت دی ہے کہ تمام اضلاع کی وقف مشاورتی کمیٹی کے لئے اضلاع کے ڈپٹی کمشنروں کو فوری طور پر چیرمین مقرر کردیا جائے۔ 10؍دسمبر کو اس سلسلے میں محکمہ اقلیتی بہبود کی طرف سے جاری ایک حکمنامے میں وقف بورڈ کو وقف ایکٹ1995کی دفعہ 97کے تحت یہ ہدایت دی ہے کہ تمام اضلاع کے ڈپٹی کمشنروں کو ضلع وقف مشاورتی کمیٹیوں کا چیرمین مقرر کیا جائے اور فی الوقت وقف بورڈ کی طرف سے جن افراد کو چیرمین بنایا گیا ہے اس اقدام کے ساتھ وہ از خود وقف مشاورتی کمیٹیوں کے نائب چیرمین کہلائیں گے۔ ریاستی حکومت کی طرف سے جاری حکمنامے میں کہاگیا ہے کہ اوقافی املاک کے تحفظ، غیر قانونی قبضہ جات کے خاتمے اور وقف سروے کی جلد از جلد تکمیل کے لئے ڈپٹی کمشنروں کا وقف مشاروتی کمیٹیوں کے لئے چیرمین مقرر کرنا ضروری ہے جب کہ وقف کے ماہرین کا یہ استدلال ہے کہ اس حکم کے ذریعہ ریاستی حکومت وقف بورڈ کے امور میں بے جا مداخلت کررہی ہے۔ وقف بورڈ جو کہ مرکزی وقف ایکٹ کے تحت ایک خود مختار ادارہ ہے اس کے روز مرہ امور میں حکومت کو راست مداخلت کا اختیار بالکل نہیں ہے۔ ہفتہ کے روز ریاستی وقف بورڈ کی میٹنگ میں بھی حکومت کی طرف سے جاری یہ فرمان زیر بحث آیا۔ بتایاجاتا ہے کہ اس معاملے میں وقف بورڈ نے محکمہئ اقلیتی بہبود کے سکریٹری منی ونن سے رجوع کرکے اضلاع کے ڈپٹی کمشنروں کو وقف کمیٹیوں کا چیرمین مقرر کرنے کے فیصلے پر وضاحت طلب کرنے اور حکومت کے اس اقدام کو وقف بورڈ کے امور میں مداخلت قرار دیتے ہوئے بورڈ کے فیصلے سے انہیں آگاہ کرنے کا ارادہ کیا ہے۔ ریاستی وقف بورڈ کے چیرمین شافع سعدی نے جہاں حکومت کے اس فیصلے پر تنقید کرنے سے گریز کیا وہیں اس معاملے میں انہوں نے وزیر قانون جے سی مادھو سوامی اور وزیر اوقاف ششی کلاجولے سے رجوع کرنے کا یقین دلاتے ہوئے کہاکہ حکومت نے کس نقطہئ نظر سے یہ حکم جاری کیا ہے اس سلسلے میں محکمہ کے سکریٹری سے بات چیت کے بعد بورڈ اپنا اگلا لائحہ عمل طے کرے گا۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔