وجیاپورہ، 22؍ نومبر (ایس او نیوز) چند دنوں سے ہورہی بے موسم مسلسل بارش کی وجہ سے عوام کو بہت سی پریشانیوں کا سامنا کرنا پڑرہاہے، کاروبار ٹھپ ہوچکے ہیں،یہاں تقریباً40پُرانے گھروں کی دیواریں گر گئیں اورکئی گھرمنہدم ہوچکے ہیں،گھروں کی چھت سے پانی ٹپکنے کی وجہ سے کئی گھروں کی چھت پر پلاسٹک پیپر بچھایاگیاہے چین کی نیندنہیں کی جارہی ہے خوف کاماحول بناہواہے،کئی سالوں سے سوکھا پڑے چکناہلی تالاب میں پانی کی سطح بڑھ چکی ہے،کئی فصلیں تباہ ہوگئی ہیں، جس کی وجہ سے ٹماٹر اور سبزی کی قیمتوں میں اضافہ ہوچکاہے،راستوں پر پہلے سے ہی پڑے ہوئے کھڈ گہرے ہوچکے ہیں جس کی وجہ سے سواریوں کو سفر کرنے میں دشواریاں پیش آرہی ہیں،موسم کی خرابی کی وجہ سے اسپتالوں میں مریضوں کی بھیڑ میں اضافہ ہوچکاہے۔آج دن بھر موسم میں تبدیلی آنے کے بعد سورج کی روشنی دیکھی گئی جس سے عوام میں خوشی کی لہر نظر آئی۔