بھٹکل انجینرنگ کالج کے شاندار نتائج؛ تین شعبوں میں ملی صد فیصد کامیابی؛ 122 طلبہ امتیازی نمبرات سے کامیاب
بھٹکل 23 اکتوبر (ایس او نیوز) بھٹکل انجمن انجینرنگ کالج کے فائنل سمسٹر میں طلبہ نے بہترین پرفارمینس پیش کرتے ہوئے شاندار کامیابی درج کرتے ہوئے کالج کا نام روشن کردیا ہے۔
کالج کی شاندار کامیابی کا اندازہ اس بات سے لگایا جاسکتا ہے کہ ویسویسوریا ٹیکنالوجیکل یونیورسٹی سے ملحق انجمن انجینرنگ کالج بھٹکل کے جملہ 149 طلبہ میں سے 122 طلبہ امتیازی نمبرات یعنی ڈسٹنکشن لے کر کامیاب ہوئے ہیں، 18 طلبہ فرسٹ کلا س سے اور دو سکینڈ کلاس سے کامیاب ہوئے ہیں۔
انجمن انجینرنگ کالج جسے اب انجمن انسٹی ٹیوٹ آف ٹیکنالوجی اینڈ مینجمنٹ کا نام دیا گیا ہے۔ اس بار کالج کے تین ڈپارٹمنٹ الیکٹرانکس اینڈ کمیونیکشن، الیکٹریکل اینڈ الیکٹرونیکس اور انفارمیشن سائنس میں طلبہ نے صد فیصد کامیابی حاصل کی ہے جبکہ کمپوٹر سائنس میں کامیابی کا اوسط 97.2 فیصد، میکانیکل انجینرنگ میں 96 فیصد اور سیول انجینرنگ میں کامیابی کا اوسط 89 فیصد ریکارڈ کیا گیا ہے۔
سیول انجینرنگ کی طالبہ اسنیہا پانڈو نائیک نے700 میں 658 مارکس کے ساتھ پوری کالج میں ٹاپ کیا ہے، اس کو 9.65 SGPA مارکس ملے ہیں۔
کمپوٹرسائنس میں نشاد جعفر نے 635 مارکس، الیکٹرونکس اینڈ کمیونیکشن میں یوگیتا پرمیشور بھنڈاری نے 625 مارکس، الیکٹریکل اینڈ الیکٹرانکس میں وشال پیٹر نے 624 مارکس، میکانیکل انجینرنگ میں رویسٹن ایم لوئیس نے 622 مارکس اور انفارمیشن سائنس اینڈ انجینرنگ میں ساجدہ ایچ ایم قاسم نے 559 مارکس کے ساتھ انجینرنگ کے الگ الگ شعبوں میں ٹاپ پر ہیں۔
انجمن انجینرنگ کالج کے اس شاندار نتائج پر انجمن انتظامیہ سمیت کالج پرنسپال اور دیگر اسٹاف نے تمام طلبہ کو مبارکباد پیش کی ہے۔