بھٹکل انجمن انجنئیرنگ کالج میں وی ٹی یو کراس کنٹری دوڑ کا مقابلہ : مردوں میں ناگراج اور خواتین میں جیوتی اول
بھٹکل :27؍فروری (ایس او نیوز) انجمن انسٹی ٹیو ٹ آف ٹکنالوجی اینڈ مینجمنٹ بھٹکل اور وشویشوریا ٹکنیکل یونیورسٹی بلگام اور شعبہ فزیکل اینڈ اسپورٹس کے اشتراک سے 27فروری کو وی ٹی یو کے انٹر کالج سنگل زون کےکالج طلبا و طالبات کے درمیان 10کلومیٹر کراس کنٹری ریس چمپئین شپ کا جمعرات کی صبح انجمن اے آئی ٹی ایم بھٹکل کے میدان سے افتتاح ہوا۔ جس میں ایس ای اے کالج آف انجنئیرنگ بنگلورو کے ناگراج سِدّپا مردوں میں اور نِٹّے مہالنگا ادینتیا میموریل انسٹی ٹیوٹ آف ٹکنالوجی (این ایم اے ایم آئی ٹی ) کارکلا نے خواتین میں پہلا مقام حاصل کیاہے۔
10کلومیٹر کے کراس کنٹری دوڑ میں وی ٹی یو سے ملحق قریب 40ٹکنیکل کالجوں کے 200سے زائد طلبا و طالبات نے حصہ لیا۔ کراس کنٹری دوڑ میں نوجوان اتھلیٹس جو ش وخروش سے شریک ہوتے ہوئے اپنی قابلیت اور قوت کا مظاہرہ کیا۔ مقابلے میں شریک کئی طلبا کو میڈلس سے نوازاگیا۔
نِٹّے مہالنگا ادینتیا میموریل انسٹی ٹیوٹ آف ٹکنالوجی (این ایم اے ایم آئی ٹی ) کارکلا نے 60پوائنٹ حاصل کرتے ہوئے مقابلے میں اوور آل چمپئین شپ کا خطاب جیتا۔ مردوں میں موڈبیدری کی آلواس انسٹی ٹیوٹ آف انجنئیرنگ اینڈ ٹکنالوجی کالج کی ٹیم نے 27پوائنٹس کے ساتھ اول نمبر پر رہی تو نِٹّے مہالنگا ادینتیا میموریل انسٹی ٹیوٹ آف ٹکنالوجی (این ایم اے ایم آئی ٹی )38 پوائنٹس کے ساتھ دوسرے نمبر پررہی۔ طالبات کے شعبہ میں نِٹّے مہالنگا ادینتیا میموریل انسٹی ٹیوٹ آف ٹکنالوجی (این ایم اے ایم آئی ٹی )22 کی ٹیم پوائنٹس کے ساتھ پہلا مقام حاصل کیا تو موڈبیدری کی آلواس انسٹی ٹیوٹ آف انجنئیرنگ اینڈ ٹکنالوجی کالج کی ٹیم41پوائنٹس کے ساتھ رنر اپ رہی۔
انفرادی طورپر مرد وں میں ایس ای اے کالج کے ناگراج سدپا اول، آلواس انجنئیرنگ کالج کے سوجن شیکھر دوم اور نٹے میناکشی انسٹی ٹیوٹ آف ٹکنالوجی کے محمد ساحل انِّی گیری نے سوام مقام حاصل کیا تو خواتین میں نِٹّے مہالنگا ادینتیا میموریل انسٹی ٹیوٹ آف ٹکنالوجی (این ایم اے ایم آئی ٹی ) کی جیوتی اول، ایس جی بالیکندری انسٹی ٹیوٹ آف ٹکنالوجی کی پرنالی پی جادھو دوم اور منگلورو کی سہیادری کالج آف انجنئیرنگ کی سوشما نے سوم مقام پایا۔
انجمن حامئی مسلمین بھٹکل کے جنرل سکریٹری اسماعیل صدیق نے کراس کنٹری دوڑ میں شریک طلبا و طالبات کے لئے ہری جھنڈی دکھاتے ہوئے افتتاح کیا۔بھٹکل ڈی وائی ایس پی ولنٹائن ڈیسوزا نے انعامی تقریب میں انعامات کی تقسیم کرنے کے بعد طلبا کو ہمیشہ چاک و چوبند و چست رہنے کی تلقین کی۔ ایڈیشنل جنرل سرسکریٹری محمد اسحق شاہ بندری ، کالج بورڈ سکریٹری ابوبکر قاسمجی ، پرنسپال ڈاکٹر مشتاق احمد بھاوی کٹی ، نائب پرنسپال ایچ ایم فلا چندر ، فزیکل ڈائرکٹر الطاف صاحب وغیرہ موجود تھے۔