بنگلورو،21؍اکتوبر(ایس او نیوز) بروہت بنگلورو مہا نگر پا لیکے(بی بی ایم پی) اڈمنسٹریٹر گورو گپتا نے کہا کہ چھو ٹے مسائل کے حل کے مقصد سے بی بی ایم پی کے ہر ایک وارڈ میں بوتھ سطح پر رضا کا روں کو نامزد کیا جا ئے گا۔

بی بی ایم پی حدود میں اسٹریٹ لائٹس نصب کر نے کے مقصد سے اٹھا ئے گئے اقدامات کے متعلق جا ئزہ اجلاس میں شرکت کر تے ہو ئے گوروگپتا نے بتا یا کہ ہر ایک وارڈ میں بوتھ سطح پر رضا کاروں کو نامز د کر کے ان کے ذریعہ ہر دن سڑک کے گڈھے،کوڑا کرکٹ نکاسی، اسٹریٹ لائٹس کے متعلق موصول شدہ شکایتوں کو حل کیا جا سکتا ہے، اس سلسلہ میں فوری قدم اٹھانے افسران کو ہدایت دی۔

تمام وارڈوں میں اسٹریٹ لائٹس کی نگرانی کے معا ملہ میں سست رفتاری پر ناراضگی کا اظہار کرتے ہو ئے اڈمنسٹریٹر نے کہا کہ کئی بر سوں سے ایک ہی کنٹراکٹر کو اسٹریٹ لائٹس کی نگرانی کی ذمہ داری سونپی گئی ہے،جس کی وجہ اسٹریٹ لائٹس کی نگرا نی کے معا ملہ میں بے توجہی اور لا پروائی دکھا ئی دے رہی ہے۔

افسران اس کی مکمل جانچ کئے بغیر ہی ہر ماہ بل کی ادا ئیگی کر رہے ہیں۔ جن علا قوں میں اسٹریٹ لائٹس کی نگرا نی ٹھیک طرح سے نہیں ہو پا رہی ہے وہاں کا جائزہ لے کر کنٹراکٹر پر جرما نہ عائد کر یں۔ انہوں بتا یا کہ شہر کی اہم سڑکوں پر اسٹریٹ لائٹس کی ٹھیک طر ح سے نگرانی نہیں ہو رہی ہے۔اہم سڑکوں پر ٹنڈر شیور اور وائٹ ٹیپنگ پراجیکٹوں کے تحت کام ہو رہے ہیں،یہاں پر بھی اسٹریٹ لائٹس کی نگرانی ٹھیک طرح سے نہیں ہو پا رہی ہے۔

انہوں نے کہا کہ مذکورہ تعمیری کام مکمل ہو نے کے بعد اسٹریٹ لائٹس کی نگرانی محکمہ توانا ئی کی جانب سے ہی کر نے محکمہ توا نا ئی کے افسران کو ہدایت دی۔اس سے قبل بی بی ایم پی کمشنر منجو ناتھ پر ساد نے کہا کہ گلو بل ٹنڈر میں تقریباً4.85لاکھ اسٹریٹ لائٹس تبدیل کر نے کا منصوبہ ہے۔

انہوں نے بتا یا کہ30ماہ میں جملہ5مرحلوں میں مذکورہ پراجیکٹ پر کام کیا جا ئے گا۔کمشنر نے بتا یا کہ فی الوقت پہلے مرحلہ میں ایک لاکھ اسٹریٹ لائٹس نصب کر نے کے مقصد سے سروے کا کام مکمل کر لیا گیا ہے۔اپریل2021تک یہ کام مکمل کر لیا جا ئے گا۔

انہوں نے بتا یا کہ اسی طرح بی بی ایم پی شعبہئ توانائی میں افسران کی کمی محسوس کی جا رہی ہے،198وارڈوں میں اسٹریٹ لائٹس کی نگرانی کے لئے وارڈ سطح پر اسسٹنٹ انجینئر کی ایک ٹیم تشکیل دی جا ئے گی۔ اجلاس میں اسپیشل کمشنر(پلائنگ) منوج جین،چیف انجینئر ایم آر وینکٹیش،چیف انجینئر(ایسٹ) پرا بھاکر اورآ ٹھوں زونس کے بی بی ایم پی شعبہ توانا ئی کے ایگزی کیٹیو انجینئرس حاضر رہے۔