سرسی :4؍دسمبر (ایس اؤ نیوز)اگرکسی کو لیڈران کے خلاف عدم اطمینا ن ہے کوئی شکایت ہے تو وہ ریاستی پارٹی صدر کے ساتھ بات کرے ۔ اس طرح سب کے سامنے ظاہری طورپر بیان بازی اچھی روایت نہیں ہونے کا وزیر برائے بڑی اور متوسط صنعت کاری جگدیش شٹر نے خیال ظاہر کیا۔
وزیراعلیٰ کے خلاف ایچ وشوناتھ کی طرف سے عدم اطمینانی کا اظہار کئے جانے پر پوچھے گئے سوال کا جواب دیتے ہوئے شٹر نے کہاکہ ایسے سب معاملات کے متعلق پارٹی کے اندر بحث کرنے کا موقع حاصل ہے، اگر دل بیزار ہوا ہے تو ریاستی صدر کے پاس بات کرسکتے تھے۔
گرام پنچایت انتخابات کی تیاری کے متعلق انہوں نے بتایا کہ 4ودھان سبھا حلقوں پر مشتمل ایک میٹنگ کا انعقاد کیا جارہاہے، بی جےپی گرام پنچایت انتخابات کے سلسلےمیں بہت ہی سنجیدہ ہے۔ دراصل گرام پنچایت انتخابات لیڈران کے لئے کارکنان میں جذبہ ، سرگرمی پیدا کرنےاور انہیں ترغیب دینے کا بہترین ذریعہ اور موقع ہونے کی بات کہی۔ بی جے پی کے پروگراموں میں لوگ زیادہ تعداد میں شریک ہورہےہیں، ایک سیاسی پارٹی کے لئے اور بھی مضبوط ہونے کا اشارہ ہے، پچھلی بار سے زیادہ مقامات پر جیت حاصل ہونےکا انہوں نے دعویٰ کیا۔
بورڈ اور نگم میں جن لوگوں کو مقام نہیں ملا ہے اس سلسلےمیں سوچ بچارکے لئے وزراء کی میٹنگ منعقد ہونے کی جانکاری دی۔ پریس کانفرنس میں ضلع نگراں کاروزیر شیورام ہیبار نے وشوناتھ کے بیان کے متعلق کہاکہ 17ارکان اسمبلی بھی وشوناتھ کے ساتھ ہیں، لیکن انہیں علی الاعلان بیان نہیں دینا چاہئے تھا، ایک منزل اور مقصد کو لےکر سبھی متحدہ طورپر آگے بڑھ رہے ہیں، جس کو حاصل کیاگیا ہے۔ اس موقع پر اراضی سائنس اور کان کنی کے وزیر سی سی پاٹل موجود تھے۔