وراٹ کوہلی نے جیت کے بعد اپنے گیند بازوں کی جم کر کی تعریف

Source: S.O. News Service | By Shahid Mukhtesar | Published on 31st December 2018, 1:01 PM | اسپورٹس |

ملبورن ،31دسمبر(ایس او نیوز؍آئی این ایس انڈیا) ہندوستانی کپتان وراٹ کوہلی نے تیسرے کرکٹ ٹیسٹ کے پانچویں اور آخری دن آسٹریلیا پر 137 رنز کی فتح کے بعد اپنے گیند بازوں کی جم کر تعریف کی۔جسپریت بمراہ نے دوسری اننگز میں 53 رن پر تین وکٹ جبکہ میچ میں 86 رنز دے کر نو وکٹ حاصل کئے۔ڈیبو ٹیسٹ سیشن میں بمراہ کے نام پر اب 48 وکٹ درج ہیں جو کسی تیز گیند باز کی اپنے پہلے ٹیسٹ سیشن میں بہترین کارکردگی ہے۔بمراہ کا محمد سمیع (71 رن پر دو وکٹ) اور ایشانت شرما (40 رن پر دو وکٹ) نے اچھا ساتھ نبھایا۔ان تیز گیند بازوں نے گزشتہ ایک سال میں بیرون ملک ہندوستان کی جیت میں اہم کردار ادا کیا ہے۔ان تینوں نے مل کر ایک کیلنڈر سال میں غیر ملکی سرزمین پر 134 وکٹ (بمراہ 48، ، سمیع 46 اورایشانت 40 ) حاصل کئے۔اس تینوں نے میلکم مارشل، مائیکل ہولڈنگ اور یول گارنر کی ویسٹ انڈیز کی تکڑی کا 34 سال پرانا ریکارڈ توڑا جنہوں نے 1984 میں غیر ملکی دوروں پر 130 وکٹ حاصل کئے تھے۔کوہلی نے ہندوستان کے چار میچوں کی سیریز میں 2-1کی برتری بنانے کے بعد تیز گیند بازوں کی تعریف کرتے ہوئے کہاکہ ہمیں پتہ تھا کہ آسٹریلیا کو پریشانی ہو گی (ہدف کا تعاقب کرنے میں) لیکن ہمارے گیند بازوں کی تعریف کرنی ہوگی ۔

ایک نظر اس پر بھی

دو تین سالوں تک اسی صلاحیت کے ساتھ کھیل سکتا ہوں: وراٹ کوہلی

ہندوستانی کرکٹ ٹیم کے کپتان وراٹ کوہلی کا خیال ہے کہ مصروف شیڈول کے درمیان باقاعدہ آرام کرنے سے انہیں بین الاقوامی کرکٹ کے تمام فارمیٹس کے علاوہ آئی پی ایل کھیلنے میں بھی مدد ملی ہے اور وہ اگلے دو تین سال تک اسی صلاحیت کے ساتھ کھیل سکتے ہیں۔

پاکستان کے آل راؤنڈرشاہد آفریدی کے گھر پانچویں بیٹی کی پیدائش

پاکستان کے آل راؤنڈر شاہد آفریدی کے یہاں پانچویں بیٹی کی پیدائش ہوئی ہے۔ شاہد آفریدی نے سوشل میدیا پر اپنی بیٹیوں کی تصویر شیئر کرتے ہوئے لکھا ہے کہ میں یہ خوشخبری اپنے چاہنے والوں کے ساتھ شیئر کر رہا ہوں۔