مغربی بنگال میں تشدد جاری، دو ہلاک 

Source: S.O. News Service | By Shahid Mukhtesar | Published on 11th June 2019, 10:33 PM | ملکی خبریں |

بیرک پور / کولکاتہ11 جون (ایس او نیوز/آئی  این ایس انڈیا) مغربی بنگال کے شمال 24 پرگنہ ضلع میں پیر دیر رات بم سے ہوئے حملے میں دو لوگوں کی موت ہو گئی اور تین زخمی ہو گئے۔ پولیس نے منگل کواس کی اطلاع دی ہے۔ ترنمول کانگریس کا دعوی ہے کہ مارے گئے لوگ اس کے حامی تھے اور یہ حملہ بی جے پی کے کرایہ  کے غنڈوں نے کیا ہے۔ بی جے پی نے اس الزام کو مسترد کیا ہے۔ مرنے والوں کی شناخت محمد مختار اور حلیم کے طور پر کی گئی ہے۔ اس  معاملہ میں تین لوگوں کو گرفتار کیا گیا ہے۔ ترنمول ضلع صدر اور وزیر مملکت جیوتی پریا نے الزام لگایا کہ بی جے پی کے کرایہ کے قاتلوں نے ان لوگوں کو اس لیے نشانہ بنایا کیونکہ انہوں نے لوک سبھا انتخابات میں حکمران ترنمول کو ووٹ دیا تھا۔ بیر ک پور سے بی جے پی کے رہنما ارجن سنگھ نے ان الزامات کو مسترد کر دیا اور کہا کہ یہ واقعہ خاندانی تنازعہ کا معاملہ ہے اور اس کا سیاست سے کوئی تعلق نہیں ہے۔ ایک سینئر پولیس افسر نے بتایا کہ محمد حلیم کی موقع پر ہی جبکہ مختار کی ہسپتال میں موت ہو گئی۔ واقعہ کے بعد بڑی تعداد میں پولیس اورآر اے ایف کے جوانوں کو تعینات کر دیا گیا ہے۔ اے ڈی جی (قانون) گیان ونت سنگھ نے کہا کہ کیس سے متعلق تفصیلی رپورٹ  مرتب کی جارہی ہے۔ 

ایک نظر اس پر بھی