بھٹکل میں ٹریفک قانون کی خلاف ورزی پر پولس کی کاروائی؛ ایک ہی دن میں 430 معاملات درج

Source: S.O. News Service | By I.G. Bhatkali | Published on 26th June 2019, 12:41 AM | ساحلی خبریں | ان خبروں کو پڑھنا مت بھولئے |

بھٹکل 25/جون (ایس او نیوز) بھٹکل میں  ٹریفک قانون کی خلاف ورزی کرتے ہوئے ڈرائیونگ کرنے پر  بھٹکل پولس نے  آج منگل کو ایک ہی دن 430 معاملات درج کئے ہیں۔

بھٹکل ڈی وائی ایس پی ویلنٹائن ڈیسوزا اور سرکل پولس انسپکٹر کے ایل گنیش کی قیادت میں  ٹاون پی ایس آئی کوسومادھارا اور دیگر اہلکاروں نے  صبح آٹھ بجے   ہی شمس الدین سرکل پر کھڑے ہوکر  سواریوں کو روک کر  کاغذات کی جانچ شروع کردی۔

صبح اسکول اور کالج جانے والے کئی طلبا  جن کی عمر ڈرائیونگ لائسنس حاصل کرنے کی بھی نہیں ہے، کافی تعداد میں  پولس کے گھیرے میں نظر آئے جن کے پاس ڈرائیونگ لائسنس اور گاڑی کے کاغذات پوچھے جارہے تھے ۔ اس موقع پر پولس کے ایک اہلکار نے بتایا کہ  چھوٹے چھوٹے بچے  بغیر لائسنس نیشنل ہائی وے پر گاڑیاں چلاتے ہوئے  پکڑے گئے  ہیں اور ایسا لگتا ہے کہ  اُن کے والدین  کا بچوں پرکوئی کنٹرول نہیں ہے۔

ساحل آن لائن سے گفتگو کرتے ہوئے سرکل پولس انسپکٹر گنیش نے بتایا کہ  آج ایک ہی دن  ٹریفک رول کو توڑنے کے  430 معاملات درج کئے گئے ہیں اور قریب پچاس ہزار روپئے جرمانہ وصول کیا گیا ہے۔ ان کے مطابق زیادہ تر بائک اور اسکوٹر کے ذریعے  ٹریفک رول توڑنے کے معاملات درج ہوئے ہیں اس کے علاوہ  آٹو رکشہ پر  زائد اسکولی بچوں کو بٹھا کر لے جانے پربھی معاملات درج کئے گئے ہیں جبکہ ٹمپو پر اور دیگر اسکولی بچوں کو لے جانے والی سواریوں   کی بھی جانچ کی گئی ہے۔

 شمس الدین سرکل پر  سواریوں کی جانچ کرتے ہوئے   نمائندہ ھٰذا نے دیکھا تھا، مگر پولس نے بتایا کہ شمس الدین سرکل کے ساتھ ساتھ  جالی کراس روڈ، پی ایل ڈی بینک کے باہر اور آنند آشرم کانوینٹ اسکول کے  قریب بھی پولس ٹیم  موجود تھی اور وہاں بھی سواریوں کو روک کر لائسنس اور کاغذات کی جانچ کی جارہی تھی۔

سرکل پولس انسپکٹر گنیش کے مطابق اسکولی بچوں کے تحفظ کے پیش نظر  آج سواریوں کی جانچ  شروع کی گئی تھی، جس کے ذریعے عوام میں بیداری پیدا کرنا بھی مقصد تھا کہ وہ ٹریفک رول کے مطابق گاڑیاں چلائیں۔ انہوں نے کہا کہ جان  سب سے انمول چیز ہے جس کی حفاظت  کرنا ہر ایک کی ذمہ داری ہے،  انہوں نے والدین پر زور دیا کہ وہ  اپنے بچوں پر نظر رکھیں اور بغیر لائسنس اُن کے ہاتھ میں گاڑیاں نہ چھوڑیں۔ انہوں نے متنبہ کیا کہ  کم عمر بچے ڈرائیونگ کرتے ہوئے  پکڑے جانے کی صورت میں  اُن کے والدین پر ہی معاملات درج کئے جائیں گے۔

ایک نظر اس پر بھی

کاروار میں رابطہ ملت کی جانب سے برادران وطن میں سیرت ﷺکتابچے کی تقسیم : محبت و یگانگت کا پیغام

قرآن ، بائیبل اور بھگوت گیتا سمیت کوئی بھی مذہبی کتاب نفرت کی تعلیم نہیں دیتی ، ہر ایک مذہب انسانوں سے پیار و محبت کی تعلیم دیتی ہیں۔ کاروار کےسماجی کارکن ،جن شکتی ویدیکے کے صدر مادھونایک نے ان خیالات کا اظہار کیا۔

بھٹکل شرالی کی دختر انجمن ڈاکٹر انیسہ شیخ کو ملی ڈینٹل شعبہ میں اعلیٰ ترین کامیابی : جملہ مضامین کے علاوہ مینگلور کالج کی بہترین طالبہ کے ایوارڈ سے بھی نوازا گیا

دختر ِ انجمن  کاگولڈ میڈل اور رابطہ گولڈ میڈل ایوارڈ سے سرفراز  بھٹکل  کی  ڈاکٹر انیسہ شیخ طبی میدان میں بھی بہترین کارکردگی کا مظاہرہ پیش کرتے ہوئے اے جے اسپتال مینگلورو میں بھی  امتیازی نمبرات سے کامیاب  ہونے کا سلسلہ جاری رکھا ہے اور کالج کی بہترین طالبہ کا ایوارڈ حاصل ...

بھٹکل فاریسٹ افسران کے خلاف کارروائی کا مطالبہ لےکر اتی کرم داروں کی طرف سے میمورنڈم

بھٹکل زونل فاریسٹ افسران اور ان کے ماتحت عملہ کی طرف  سے  فاریسٹ اتی کرم داروں کو لگاتار ہراساں کیاجارہاہے، متعلقہ افسران کے خلاف قانونی کارروائی کامطالبہ لےکر ضلع ارینیا حقو ہوراٹ ویدیکے کی جانب سے پیر کو سرسی کے چیف فاریسٹ آفیسر کو میمورنڈم دیاگیا ۔

منڈگوڈ میں میلادالنبی کے بینرس نکالنے پر افسران اور مسلم لیڈران کے درمیان زبانی جھڑپ: کچھ دیر کے لئے حالات کشیدہ

یلاپور ودھان سبھاحلقہ کے ضمنی انتخابات کے متعلق آج سے ہی یعنی بروز پیر 11نومبر ضابطہ اخلاق جاری ہونےکی وجہ سے مقامی افسران نے جب عید میلاد النبی ؐ کے متعلق شہر بھر میں لگائے گئے مبارکبادی کے کٹ آؤٹ کو نکالنے آگے بڑھے تو مقامی مسلمان ذمہ داران نے فلکس کو نہ نکالنے کی بات کرتے ...

بھٹکل شرالی کی دختر انجمن ڈاکٹر انیسہ شیخ کو ملی ڈینٹل شعبہ میں اعلیٰ ترین کامیابی : جملہ مضامین کے علاوہ مینگلور کالج کی بہترین طالبہ کے ایوارڈ سے بھی نوازا گیا

دختر ِ انجمن  کاگولڈ میڈل اور رابطہ گولڈ میڈل ایوارڈ سے سرفراز  بھٹکل  کی  ڈاکٹر انیسہ شیخ طبی میدان میں بھی بہترین کارکردگی کا مظاہرہ پیش کرتے ہوئے اے جے اسپتال مینگلورو میں بھی  امتیازی نمبرات سے کامیاب  ہونے کا سلسلہ جاری رکھا ہے اور کالج کی بہترین طالبہ کا ایوارڈ حاصل ...

بنگلہ دیش: دو ٹرینوں میں تصادم  16 افراد ہلاک، 40 زخمی

بنگلہ دیش میں دو ٹرینوں کے تصادم کے نتیجے میں 16 مسافر ہلاک اور 40 زخمی ہو گئے ہیں۔بنگلہ دیشی حکام کے مطابق حادثے کی شکار مسافر ٹرینیں دارالحکومت ڈھاکہ سے 100 کلو میٹر دوری پر براہمن باریا کے مقام پر منگل کی علی الصباح تین بجے آپس میں ٹکرائیں۔متاثرہ ٹرینیں چٹاگانگ اور ڈھاکہ جارہی ...