ونکیا نائیڈو نے ایگزِٹ پول پر اٹھائے سوال، کہا ’20 سال سے ثابت ہو رہا غلط‘

Source: S.O. News Service | By Shahid Mukhtesar | Published on 21st May 2019, 11:57 AM | ملکی خبریں |

نئی دہلی، 21/مئی (ایس او نیوز/ایجنسی) لوک سبھا انتخاب کے نتیجے آنے میں ابھی تین دن باقی ہیں۔ لیکن اس سے پہلے ہی تقریباً سبھی نیوز چینلوں نے نریندر مودی کو دوبارہ وزیر اعظم بنانے کا اعلان کر دیا ہے۔ سبھی نیوز چینلوں نے آخری مرحلہ کی ووٹنگ کے دن جو ایگزٹ پول دکھائے ان میں بی جے پی اور این ڈی اے کو اکثریت ملتی ہوئی نظر آ رہی ہے۔ لیکن سابق بی جے پی لیڈر اور نائب صدر جمہوریہ ونکیا نائیڈو نے اس ایگزٹ پول پر سوالیہ نشان لگائے ہیں۔ ان کا کہنا ہے کہ ایگزٹ پول کے نتیجے صحیح نہیں ہوتے۔

نائب صدر جمہوریہ نے ایگزٹ پول کو مسترد کرتے ہوئے اس کی تاریخ کا حوالہ دیا ہے۔ ونکیا نائیڈو کا کہنا ہے کہ 1999 کے بعد سے جتنے بھی ایگزٹ پول ہوئے ہیں وہ زیادہ تر غلط ہی ثابت ہوئے ہیں۔ ان کا کہنا ہے کہ نتیجہ آنے سے پہلے سبھی امیدوار اپنے آپ کو جیتا ہوا ہی مانتا ہے۔

ونکیا نائیڈو نے آج کے سیاسی لیڈروں پر بھی سوال اٹھائے ہیں۔ انھوں نے کہا کہ آج کے سیاسی دور میں لیڈران اپنی انکساری بھولتے جا رہے ہیں۔ ان کا کہنا ہے کہ لیڈروں کی تقریروں میں کافی زیادہ نفرت نظر آتی ہے۔ ایسا لگتا ہے جیسے وہ ایک دوسرے کے دشمن بن گئے ہیں۔ لیکن ایک لیڈر دوسرے لیڈر کا دشمن نہیں ہوتا ہے، وہ صرف ایک دوسرے کے حریف ہوتے ہیں۔

واضح رہے کہ لوک سبھا انتخاب میں وزیر اعظم کے عہدہ پر بیٹھے لیڈر بھی اخلاقیات کو تار تار کرتے نظر آئے۔ لیڈر الزام لگانے کے چکر میں سبھی حدیں پار کر گئے۔ راجیو گاندھی سے لے کر اندرا گاندھی، جواہر لال نہرو اور مہاتما گاندھی تک کو نہیں چھوڑا گیا۔ سیاسی فائدے کے لیے مہاتما گاندھی پر بھی سوال اٹھائے گئے۔

ایک نظر اس پر بھی

بابری مسجد ملکیت مقدمہ؛ ڈاکٹرراجیودھون کو دھمکی دینے والے پروفیسرنے مانگی غیر مشروط معافی ؛ راجیو دھون نے عدالت کو بتایا؛ 1528میں شرعی طریقہ سے ہوئی تھی مسجد کی تعمیر

بابری مسجد ملکیت مقدمہ میں روزانہ کی بنیاد پر چلنے والی سماعت کاآج27 واں دن تھا جس کے دوران سب سے سینئر ایڈوکیٹ کپل سبل اور ایڈوکیٹ آن ریکارڈ اعجاز مقبول نے جمعیۃ علماء ہند کے وکیل ڈاکٹر راجیو دھون کو چنئی کے پروفیسر شنمگم کی جانب سے بھیجے گئے  دھمکی آمیز خط کے خلاف داخل توہین ...

آسا م میں حاملہ خاتون سمیت تین بہنوں پر تشدد کرنے والے پولیس اہلکاروں کو ڈیوٹی سے برطرف کیا جائے: ویمن انڈیا موؤمنٹ 

ویمن انڈیا موؤمنٹ (WIM)نے آسام کے درانگ ضلع کے پولیس چوکی میں حاملہ خاتون اور اس کی بہنوں کو برہنہ کرکے شدید تشدد کا نشانہ بنانے والے پولیس اہلکاروں کی شدید مذمت کی ہے۔

حضرت عائشہؓ پر وسیم رضوی کی فلم کے بارے میں دہلی اقلیتی کمیشن کا نوٹس اور پروجکٹ پر مزید کام نہ کرنے عبوری حکم

 میڈیا رپورٹوں اور دہلی کے کچھ باشندوں کی شکایت پر دہلی اقلیتی کمیشن نے شری وسیم رضوی کو ایک نوٹس بھیجا ہے۔ اطلاعات کے مطابق شری  رضوی حضور پاک ﷺ  کی زوجۂ طاہرہ حضرت عائشہؓ کے بارے میں ایک فلم بنارہے ہیں یا بنا چکے ہیں۔ انھوں نے اپنی فلم کا ایک ٹریلر ریلیز کیا ہے اور اس متنازع ...

فرضی پاسپورٹ ویزہ گروہ کا پردہ فاش، آٹھ لوگ گرفتار

دہلی پولس کرائم برانچ کی ٹیم نے فرضی پاسپورٹ ویزہ فراہم کرنے کے نام پر لوگوں سے دھوکہ دہی کرنے والے بین الاقوامی گروہ کا پردہ فاش کرکے ایجنٹوں سمیت آٹھ لوگوں کو گرفتار کرنے میں کامیابی حاصل کی ہے۔