چلتی بائک کے پہیے میں کپڑا پھنس گیا، خاتون اوندھے منہ گر کر ہلاک
ڈانڈیلی 9/جنوری (ایس او نیوز) چلتی بائک کے دوران اچانک پچھلی سیٹ پر سوار خاتون کا کپڑا پہیے کے اندر پھنس جانے سے خاتون اوندھے منہ نیچے گر کر ہلاک ہونے کی واردات ڈانڈیلی کے مضافات بامنگی گراس پر پیش آئی ہے۔
ذرائع سے ملی اطلاع کے مطابق خاتون کی شناخت بیرمپالی دیہات کی انگن واڑی ورکر شلپا پروین نائک کی حیثیت سے کی گئی ہے جو ڈانڈیلی کے گنیش نگر کی رہنے والی تھی۔ بتایا گیا ہے کہ وہ اپنے جان پہنچان والے ایک شخص رگھویندر بھٹ کی بائک پر سوار جوئیڈا سے ڈانڈیلی آرہی تھی جس کے دوران ا س کا چوڑیدار کا کپڑا بائک کے پہئے میں چلاگیا اور بری طرح پھنس گیا جس کے نتیجے میں وہ بائک سے نیچے گرپڑی، اسے فوری ڈانڈیلی سرکاری اسپتال لے جایا گیا، مگر وہ اسپتال پہنچنے تک چل بسی ۔
پولس نے بائک سوار رگھویندر بھٹ کو اپنی تحویل میں لے لیا ہے اور جانچ جاری ہے۔
