کرناٹک میں نائٹ کرفیو کے دوران پولیس کا سخت بندوبست- 10بجے کے بعد سڑکوں پر گھومنے والی گاڑیاں ضبط
بنگلورو یکم جنوری (ایس او نیوز)کووڈ کی نئی شکل اومیکرون کے بڑھتے معا ملات کے پیش نظر ریاستی حکومت نے ریاست بھر میں 28دسمبر سے دس دنوں کے لئے رات10بجے سے صبح5بجے تک نائٹ کرفیو جاری کیا ہے،جس کے تحت بنگلور شہر میں میں پو لیس نے رات10بجے کے بعد سڑکوں پر گھومنے والے افرادکو لاٹھی کا مزہ چکھایا۔رات 10بجے کے بعد پو لیس اہلکار اپنی لاٹھی کے ساتھ دکانوں، بار،مالس،ہوٹلس،ریسٹورنٹ اور کمرشیل دکانوں کو بند کروایا۔شہر کے ایم جی روڈ، بریگیڈ روڈ،چرچ اسٹریٹ، اشوک نگر،اندرا نگر،کورمنگلا،ملیشورم،میجسٹک،کمپے گوڈا روڈ، چک پیٹ،راجا جی نگر،میسور روڈ، یشونت پور، ہبال، یلہنکا، کے آر پورم، جئے نگر،وجیا نگر، چندرا لے آؤٹ،شیواجی نگر،ٹیانری روڈ، گوری پا لیہ،پادرائن پورہ،آذاد نگر، ناگرباوی،گرگنٹے پالیہ،نیلسندر،شانتی نگر سمیت دیگر علاقوں میں دکان،مالس،ہوٹل،ریسٹورنٹ اور بار کو خود دکاندار 10بجے سے قبل بند کرتے دکھا ئی دئے۔نائٹ کرفیو کے پیش نظر شہر کے فلائی اوور پر گاڑیوں کے گزار کو روکنے کے مقصد سے پولیس نے بیریکیڈلگا دئے تھے۔اس دوان پو لیس اہلکار ہر ایک گاڑی کی تلاشی لیتے دکھائی دئے،اس کے علاوہ رات10بجے کے بعد گھومنے والی گاڑیوں کوپو لیس اہلکاروں نے ضبط کرلیا۔ شہر کے ہوائی اڈہ کے فلائی اوور پر گاڑیوں کے گزر کا موقع دیا گیا ہے۔ٹمکور روڈ فلائی اوور پر تعمیری کام کے وجہ سے بند کیا گیا ہے۔ جس کی وجہ سے سرویس روڈسے گزر نے والی گاڑیوں کو روک کر پو لیس اہلکار تلاش کررہے ہیں۔شہر بنگلور میں پو لیس اہلکار نائٹ کرفیو کی خلاف ورزی کرنے والے افراد کے خلاف سخت کارروائی کررہے ہیں -