تعلیمی شعبہ میں رشوت خوری اور مہنگا ئی کے خلاف واٹال ناگراج کا احتجاج
بنگلورو،21؍فروری(ایس او نیوز)تعلیمی شعبہ میں رشوت خوری کی وجہ سے کنڑیگاز طلبہ کو اعلیٰ تعلیم حاصل کر نے میں مشکلات کا سامنا کر نے کا الز ام لگا تے ہو ئے کنڑا چلولی واٹال پارٹی کے سربراہ و سابق رکن اسمبلی وا ٹال ناگراج نے شہر کے میسور بینک سرکل پر احتجاج کیا۔
انہوں نے الزام لگا یا کہ نجی تعلیمی اداروں کے مالکان جو سیاسی قائدین ہیں بیرونی ریاستوں کے طلبہ کو فو قیت دیتے ہو ئے مقا می کنڑا نواز طلبہ کو نظر انداز کر نے لگے ہیں،جس سے مقامی طلبہ کو اعلیٰ تعلیم حاصل کر نے میں کافی رکاوٹوں کا سامنا کر نا پڑ رہا ہے۔ انہوں نے مانگ کی کہ اس معا ملہ کی اعلیٰ سطح کی جانچ کرواتے ہو ئے خاطیوں کے خلاف کارروائی کی جا ئے۔
انہوں نے مطا لبہ کیا کہ مقامی ہونہار طلبہ کیلئے اعلیٰ تعلیم حاصل کر نے کے راستے ہموار ہو نا چا ہئے۔واٹال ناگراج نے کہا کہ غریب طبقات سے تعلق رکھنے والے والدین اپنے ہونہار بچوں کو اعلیٰ تعلیم دلانے کا خواب دیکھتے ہیں ان خوابوں کو شرمندہئ تعبیر کرنے کے لئے حکومت ان غریب طلبہ کے ساتھ دے اور انہیں اعلیٰ تعلیم حاصل کر نے آسان مواقع فراہم کر ے۔
اس موقع پر پیٹرول،ڈیزل اور رسوئی گیس کی بڑھتی قیمتوں پر اپنی ناراضی کا اظہار کر تے ہو ئے واٹال ناگراج نے مرکزی حکومت کے خلاف نعرے لگا ئے اور عام آدمی پر افزود بوجھ ڈالنے کے جو حربے مرکز استعمال کر رہا ہے اس کو فوری ختم کرے۔انہوں نے کہا کہ کورونا وائرس کے ان مشکل حالات میں لوگ پہلے ہی کافی پریشان ہیں انہیں مدد کر نے کے بجائے مر کزی حکومت ان پر مزید بوجھ ڈالنے پر تلی ہو ئی ہے۔