گوا میں واسکو ڈی گاما ہوڑہ ۔ امراوتی ایکسپریس پٹری سے اترگئی؛ سبھی مسافر محفوظ
پنچی، 18؍جنوری (ایس او نیوز) گوا کے دودھ ساگر اور کارنجول کے درمیان واسکودی گاما ہوڑہ۔ امراوتی ایکسپریس پٹری سے اُترنے کی واردات پیش آئی ہے، مگر حادثے میں ٹرین میں سوار تمام مسافر محفوظ بتائے گئے ہیں اور کسی کے ہلاک یا زخمی ہونے کی کوئی اطلاع نہیں ہے۔واردات منگل کی صبح تقریباً 9 بجے پیش آئی۔
ذرائع سے ملی اطلاع کے مطابق ٹرین کے پٹری سے اترنے کے بعد ایک اے آر ٹی ٹرین (ایکسیڈنٹ ریلیف ٹرین) کو دودھ ساگر کی طرف بھیجا گیا ہے اور محکمہ کے سینئر افسران حالات پر نظر بنائے ہوئے ہیں۔
واضح رہے کہ اس سے قبل مغربی بنگال کے جلپائی گوڑی ضلع میں 13 جنوری کو پٹنہ سے گوہاٹی جا رہی بیکانیر ایکسپریس کی 12 بوگیاں پٹری سے اترگئی تھی جس میں 9 لوگوں کی موت واقع ہوئی تھی اور تقریباً 45 لوگ زخمی ہو گئے تھے۔