بھٹکل:30؍اکتوبر(ایس اؤ نیوز)بھٹکل تعلقہ پنچایت ہال میں بدھ کو مختلف رہائشی اسکیموں کے نفاذ کو لےکر پنچایت ترقی جات افسروں کے ساتھ منعقدہ میٹنگ میں رکن اسمبلی سنیل نائک نےکہاکہ جو اہل مستفیدین مختلف رہائشی اسکیموں کے تحت اپنے گھروں کی تعمیر کروارہے ہیں انہیں اگلے 6-7مہینوں میں حکومت امداد منظورکرنےکی بات کہی۔

رکن اسمبلی نےکہاکہ اس کے علاوہ سیلاب کی وجہ سے بھی کئی لوگوں نے اپنے گھروں کو کھویا ہے، انہیں بھی رہائش کا انتظام کرنا باقی ہے، اس سلسلے میں پنچایت افسران صحیح معلومات کو اکٹھا کرتے ہوئے رپورٹ سونپنے کی بات کہی۔ کئی ایک تعمیرات کے متعلق انہوں نے افسران سے جانکاری حاصل کی ۔ میٹنگ میں پنچایت افسر چکن منے ، گایتری وغیرہ موجود تھے۔ تعلقہ پنچایت مینجر سدھیر گاؤنکر نے سب کا استقبال کیا۔