وندیتا شرما کرناٹک کی نئی چیف سکریٹری نامزد
بنگلورو، 28؍ مئی (ایس او نیوز) کرناٹک حکومت نے جمعہ کے دن 1986 زمرہ کی آئی اے ایس افسروند یتا شرما کوریاست کی چیف سکریٹری نامزد کیا ہے، وندیتا 31 مئی کو رخصت پذیر چیف سکریٹری پی روی کمار کی جگہ لیں گی۔وند یتا شرما کی میعادنومبر 2023 تک رہے گی۔
موجودہ طور پر وندیتا شرما اڈیشنل چیف سکریٹری اور ڈیولپمنٹ کمشنر ہیں، پنجاب کی باشنده وند یتا شرما کرناٹک کی 39 ویں چیف سکریٹری بن رہی ہیں۔وہ ریاست کی چوتھی خاتون چیف سکریٹری ہیں۔سال 2000 میں تھریسہ بھٹا چاریہ، 2006 میں مالتی داس اور 2017 میں کے رتنا پر بھا چیف سکریٹری بنی تھیں۔ اپنے عہدے کے 36 ویں سال میں وند یتا شر ما چیف سکریٹری بن رہی ہیں۔
قبل از میں وہ کئی اعلی عہدوں پر فائز رہی ہیں، گزشتہ سال ان کوکووڈ ۔19 دیکسین اندازی کانوڈل افسر بنایا گیا تھا، انہوں نے محکمہ خلاء اورتحقیق میں بھی کام کیا ہے۔ وندیتا شرما موجودہ طور پر آئی اے ایس آفیسر اسوسی ایشن کی اعزازی صدر ہیں۔مئی 2021 میں انہوں نے بی جے پی رکن اسمبلی ستیش ریڈی کے حامیوں کی طرف سے مبینہ طور پر ایک جواں سال آئی اے ایس افسروی یشونت پر دست درازی کئے جانے کے واقعہ کی مذمت کرتے ہوئے اس وقت کے وزیراعلی بی ایس یڈ یورپا کومکتوب لکھا تھا۔
