کاروار:24؍اگست   (ایس اؤ نیوز) اترکنڑا ضلع پولس سپرنٹنڈنٹ کا عہدہ سنبھالنے کے بعد پہلی مرتبہ سنیچر کو بھٹکل پہنچے ایس پی شیو پرکاش دیوراج نے شہری اور مضافاتی پولس تھانہ کا دورہ کرتےہوئے معائنہ کیا۔

اس موقع پر اخبار نویسوں سے گفتگو کرتےہوئے نئے ایس پی دیوراج نے کہاکہ ضلع میں قانونی نظام میں بہتری لانے کو پہلی ترجیح دی جائے گی۔ فی الحال ہمارے سامنے گنیش چترتھی اور محرم کے تہوار وں کو پرامن طریقے سے انجام دینا ہے۔ ہماری اپیل ہے کہ سبھی مل جل کر آپسی بھائی چارگی تہواروں کو منائیں۔ اگر کسی نے قانونی نظا م میں خلل ڈالنے کی کوشش کی تو سخت کارروائی کئے جانے کا انتباہ دیا۔ضلع میں فرقہ وارانہ فسادات کاکوئی موقع نہیں دیں گےاس سلسلےمیں  محکمہ پوری طرح چوکنا ہے اور کڑی نگرانی کررہاہے۔سماج دشمن عناصر اور امن میں خلل ڈالنے والوں کو انہوں نے سخت وارننگ دی۔ ایس پی نے بتایا کہ پہلے مرحلے میں ہم ضلع کے تمام تھانوں کا دورہ کرتے ہوئے قانونی نظام کامعائنہ کرتے ہوئے حالات کو سمجھنے کی کوشش میں ہیں۔ اس کے بعد ہی منصوبہ تشکیل دے کر عمل کیا جائے گا۔ اس موقع پر ڈی وائی ایس پی ولنٹائن ڈیسوزا  اور شہری و مضافاتی تھانہ ایس آئی وغیرہ موجود تھے۔