اتراکھنڈ: شدید بارش سے اب تک 46 افراد ہلاک، 11 لاپتہ

Source: S.O. News Service | Published on 21st October 2021, 12:20 AM | ملکی خبریں | ان خبروں کو پڑھنا مت بھولئے |

دہرادون،21؍اکتوبر(ایس او نیوز؍ایجنسی) اتراکھنڈ میں تقریباً 48 گھنٹے ہوئی موسلا دھار بارش اور لینڈ سلائیڈنگ کی زد میں آنے سے اب تک کل 46 افراد ہلاک اور 11 دیگر لاپتہ ہیں۔ اس تباہی میں کل 12 افراد زخمی حالت میں اسپتالوں میں زیر علاج ہیں۔ تباہی میں کل نو عمارتوں کو جزوی یا مکمل طور پر نقصان پہنچا ہے۔

ایک سرکاری ترجمان نے بدھ کی صبح یو این آئی کو بتایا کہ منگل کو شدید بارش کے سبب ضلع نینی تال میں 28، الموڑہ ضلع میں چھ، چمپاوت اور رودر پور میں دو- دو اور باگیشور میں ایک شخص کی موت ہوئی ہے۔ اس کے ساتھ ہی کل 10 افراد زخمی ہوئے اور 11 ابھی تک لاپتہ ہیں۔

انہوں نے کہا کہ ایک ہی دن میں شدید بارش اور تودہ گرنے سے نو عمارتوں کو نقصان پہنچا۔ انہوں نے بتایا کہ اس سے قبل پیر کو ضلع پَوڑی میں تین، چمپاوت میں دو اور پتھورا گڑھ میں ایک شخص کی موت ہوئی۔ اس کے ساتھ ہی دو افراد زخمی ہوئے ہیں اور ایک گھر کو نقصان پہنچا۔ انہوں نے کہا کہ اتوار کو شدید بارش کے باعث ضلع چمپاوت میں ایک شخص ہلاک اور 12 دیگر زخمی ہوگئے۔

ذرائع کے مطابق اب تک گزشتہ 48 گھنٹے میں ریاست میں شدید بارش کی وجہ سے تودے گرنے سے کل 46 افراد ہلاک ہوچکے ہیں، 11 دیگر ابھی بھی لاپتہ ہیں اور 12 افراد زخمی حالت میں زیر علاج ہیں۔ اس دوران کل نو عمارتوں کو مکمل یا جزوی طور پر نقصان پہنچا ہے۔

ایک نظر اس پر بھی

بھیما کوریگاؤں معاملے کی ملزم سدھا بھاردواج کی مشکلات میں اضافہ، ضمانت کے خلاف سپریم کورٹ پہنچی این آئی اے

چھتیس گڑھ کی معروف سماجی کارکن اور وکیل سدھا بھاردواج کو ممبئی ہائی کورٹ کی طرف سے دی گئی ضمانت کے خلاف قومی تحقیقاتی ایجنسی (این آئی اے) نے سپریم کورٹ میں عرضی دائر کی ہے۔

قومی راجدھانی دہلی میں ’اومیکرون‘ کا خطرہ! 12 مشتبہ مریض ’ایل این جے پی‘ اسپتال میں داخل

 دہلی میں کورونا وائرس کے نئے ویرینٹ اومیکرون کا خطرہ منڈلا رہا ہے۔ خدشہ ظاہر کیا جا رہا ہے کہ کرناٹک کے بعد دہلی میں بھی اومیکرون داخل ہو چکا ہے تاہم مشتبہ افراد کی رپورٹ ابھی سامنے نہیں آئی ہے۔

بھٹکل میں’ نمَّا ناڈا اوکوٹا‘ کا تعارفی پروگرام : ملت کی سماجی وفلاحی خدمت ادارے کا اہم مقصد

ملت کے نوجوانوں کی روزگار حاصل کرنے  اور سرکاری سہولیات سےاستفادہ کرنےمیں رہنمائی اور عملی کام کرنےکا مقصد لےکر مینگلورو میں ایک سال پہلے بنیاد ڈالے گئے ’’نمَّا ناڈا وکوٹا‘‘ نامی ادارے کا تعارفی پروگرام بھٹکل کے گرین پیراڈائز میں 2نومبر 2021بروز جمعرات کی شام منعقد ہوا۔

ہندوستان میں کورونا کے 9,765 نئے کیسز، 477 اموات

گزشتہ 24 گھنٹوں کے دوران ملک بھر میں کورونا وائرس کے کل 9,765 نئے کیسز رپورٹ ہوئے ہیں۔ نیز ملک میں کووڈ متاثرین کی کل تعداد اب تک بڑھ کر 3 کروڑ 46 لاکھ 06 ہزار 541 ہو گئی ہے۔ گزشتہ 24 گھنٹوں میں ملک بھر میں کووڈ کی وجہ سے کل 477 لوگوں کی موت ہوئی ہے۔ ملک میں کووڈ سے اب تک کل 4 لاکھ 69 ہزار 724 ...