کاروار: ضلع پنچایت احاطے میں منایا گیاجشن یوم آزادی
کاروار15/اگست (ایس او نیوز) شمالی کینرا ضلع پنچایت دفتر کاروارکے احاطے میں 73واں جشن آزادی مناتے ہوئے ضلع پنچایت کی صدر جئے شری موگیر نے پرچم کشائی کی۔
اس موقع پر ضلع پنچایت صدر نے عوام کو یوم آزادی کی مبارکباد پیش کرتے ہوئے نیک خواہشات کا اظہار کیا۔انہوں نے سرکاری افسران سے گزارش کی کہ ضلع بھر میں جہاں کہیں بھی برسات اور سیلاب سے متاثرہ افراد موجود ہیں ان کو سرکاری امداد بروقت پہنچانے کی پوری کوشش کریں۔
ضلع پنچایت کے سی ای او ایم روشن نے ضلع کے عوام کو یوم آزادی کی مبارکباد پیش کی اور کہا کہ دیش کے تمام شہریوں کو ذات پات اور طبقات کی تفریق بھلا کر ایک ماں کے بچوں کی طرح ایک دوسرے ساتھ خوشگوار زندگی گزارنا چاہیے۔اس موقع پر ضلع پنچایت کی رکن چیترا کوٹھارکر، ضلع پنچایت کے افسران اور عملے سے متعلقہ افراد موجود تھے۔