بھٹکل میں ضلعی لیول پر پی یو کالج کھیل مقابلوں کا خوبصورت افتتاح؛ ضلع بھر کی 104کالجوں کے 1203طلبا و طالبات ہوئے شریک
بھٹکل:23؍ستمبر(ایس اؤ نیوز)پی یو کالج تعلیمات عامہ کاروار، پی یوکالج پرنسپالس اسوسی ایشن کاروار، پی یوکالج اسٹاف اسوسی ایشن کاروار کے اشتراک سے جنتا ودیالیا شرالی کے میدان میں اترکنڑا ضلعی لیول کا پی یوکالج کھیل مقابلوں کا پی یوتعلیمات عامہ کے ڈپٹی ڈائرکٹر ایس این ہیگڈے نے فتیہ کاٹ کر افتتاح کیا۔
افتتاح کے بعد خطاب کرتے ہوئے انہوں نے کہاکہ کھلاڑیوں کو اپنے مظاہروں میں کھیل کے جذبات کا اظہار کرنا چاہئے۔ انہوں نے کھلاڑیوں سے کہا کہ وہ ہار جیت کو یکساں طورپر قبول کریں اور ججوں کے فیصلوں کا احترام کرتےہوئے آگے بڑھیں ۔ اترکنڑا ضلع پی یوکالج پرنسپال اسوسی ایشن کے صدر ایس جی بھٹ موجود تھے۔ شرالی جنتا ودیالیا کے پرنسپال اے بی رام رتھ نے ابتداء میں استقبال کیا اور آخر میں شکریہ اداکیا۔ بھٹکل سرکاری پی یو کالج پرنسپال وسنت رائے گاؤنکر ، مرڈیشور آراین ایس پی یوکالج پرنسپال مادھو پجاری، گروسدھیندرا کالج پرنسپال وریندر شانبھاگ ، سدھارتھ پی یوکالج کی ارچنا یو سمیت تعلقہ کے سبھی پی یوکالجوں کے پرنسپال اور اساتذہ موجود تھے۔اترکنڑا ضلع کے 12تعلقہ جات سے 104کالجوں کے 1203طلبا و طالبات کھیل مقابلوں میں شریک ہوئے۔