بریکنگ نیوز

اُترکنڑا ڈپٹی کمشنرپربھولنگا کا بھٹکل دورہ؛ نیشنل ہائی وے کا کام جلد مکمل کرنے کی دی یقین دہانی؛ تنظیم وفد نےنئے ڈی سی کا بھٹکل میں کیا استقبال

Source: S.O. News Service | By I.G. Bhatkali | Published on 27th November 2022, 12:16 AM | ساحلی خبریں |

 

بھٹکل 26 نومبر (ایس او نیوز) اُترکنڑا کے نئے ڈپٹی کمشنر پربھولنگا کولی کٹّے نے آج سنیچر کو پہلی بار بھٹکل کا دورہ کرتے ہوئے مختلف محکموں کے آفسران کے ساتھ میٹنگ منعقد کی اور بھٹکل تعلقہ کے تمام اُمورکا جائزہ لیا۔ اس موقع پر قومی سماجی ادارہ مجلس اصلاح و تنظیم کے ایک وفد نے صدر تنظیم عنایت اللہ شاہ بندری کی قیادت میں بھٹکل اسسٹنٹ کمشنر کے دفتر پہنچ کرنئے ڈی سی کو پھولوں کا ہار پہناتے ہوئے اُن کا پُرتپاک استقبال کیا۔

بعد میں اخبارنویسوں سے گفتگو کرتے ہوئے ڈپٹی کمشنر پربھولنگا نے کہا کہ نیشنل ہائی وے کا کام جلد مکمل کیا جائے گا، زمین کی حصولیابی کو چھوڑ کر سڑک کوچوڑا کرنے کے کام میں تیزی لائی جارہی ہے اور اس تعلق سے نیشنل ہائی وے اتھارٹی کے ذمہ داران کے ساتھ میٹنگ کا انعقاد کرکے کام کی تفصیلات حاصل کی گئی ہیں۔ ڈپٹی کمشنر نے بتایا کہ نیشنل ہائی وے اتھارٹی کے حکام نے ہائی وے کے کام کی وجہ سے پیدا ہونے والے مسائل کو حل کرنے کا وعدہ کیا ہے اور ہائی وے کو چوڑا کرنے کے کام کی پیشرفت کے سلسلے میں جلد سے جلد کام مکمل کرنے کی یقین دھانی کرائی ہے۔

ہائی وے کے تعلق سے مزید استفسار پر انہوں نے واضح کیا کہ وہ یہاں کے عہدیداروں کے ساتھ وڈیو کانفرنسنگ کے ذریعے ایک الگ میٹنگ کا انعقاد کریں گے اور ٹول گیٹ کو لے کر بھٹکل کے سرحدی علاقوں بیلکے اور گورٹے کے علاقوں کے لوگوں کو درپیش مسائل پر توجہ دیں گے۔ مزید کہا کہ ضلع میں سلگتے مسائل کو حل کرنے کے لیے عہدیداروں کے ساتھ میٹنگ کی گئی ہے اور مختلف محکموں کے ساتھ تال میل کی کمی اور امن و امان برقرار رکھنے کے لیے پولیس افسران سے معلومات حاصل کی گئیں ہیں۔

موگیرکمیونٹی کا احتجاج:
درج فہرست ذات کے سرٹیفکیٹ کے لیے بھٹکل میں موگیروں کا احتجاج جاری ہے۔ اس تعلق سے پوچھے جانے پر انہوں نے کہا کہ حکومت نے موگیروں کی درج فہرست ذات کی حیثیت کے تعلق سے فیصلہ لینے کے لئے ایک الگ کمیٹی تشکیل دی ہے، اور کمیٹی پہلے ہی بھٹکل کا دورہ کر چکی ہے ڈپٹی کمشنر نے بتایا کہ  کمیٹی نے موگیروں کی طرز زندگی سمیت کئی مسائل پر معلومات اکٹھی کی ہیں۔ ڈپٹی کمشنر نے کہا کہ اُنہیں خبر ملی ہے کہ کمیٹی نے رپورٹ پیش کرنے کے لیے وقت مانگا ہے، ڈی سی نے کہا کہ انھیں یقین ہے کہ حتمی رپورٹ جلد ہی حکومت کو پیش کی جائے گی۔ اس موقع پر اسسٹنٹ کمشنر ممتا دیوی، تحصیلدار ڈاکٹر سمنت اور دیگرآفسرس موجود تھے۔

ایک نظر اس پر بھی

بھٹکل میں کپڑا بینک کے زیرانتظام منعقد ہوا دانتوں کےمفت علاج کا کیمپ؛ 300 لوگوں نے کیا استفادہ

ھیل ہیومینٹی سروس المعروف کپڑا بینک کے زیرانتظام بھٹکل کی پرانی شفاء نرسنگ ہوم کی عمارت میں آج اتوار کو دانتوں کے علاج کا مفت کیمپ منعقد ہوا جس میں 300 سے زائد لوگوں نے شرکت کرتے ہوئے اپنے اپنے دانتوں کا علاج معالجہ کرایا۔

بھٹکل: آسارکیری مندر میں شادی کی رسم ادا کرنے سے برہمن پجاری نے کیا انکار؛ نامدھاری سماج کے نائب صدر نے کیا تشویش کا اظہار

ہم 21ویں صدی  میں ہیں لیکن 18ویں اور19ویں صدی کی  طرح دھرم اور ذات کے نام پر  ظلم وہراسانی کا سلسلہ  آج بھی  جاری ہے۔ 21ویں صد ی میں بھی اسی ذات پات اور چھوت چھات کا نظام ہرجگہ چھایا ہواہے۔ اس کےلئے آسارکیری کی نچل مکی شری وینکٹ رمن مندر اس کا منہ بولتا  ثبوت ہے، جہاں ں  شادی کی ...

بھٹکل : آسارکیری میں تعمیر کردہ مہادوار کا رکن اسمبلی کے ہاتھوں افتتاح

تعلقہ کی مشہور آسارکیری نامدھاری سماج کی نچل مکی شری ترومل وینکٹ رمن مندر تجدید کردہ مورتی کی نصب کاری ، پالکی مہوتسومذہبی پروگرام سمیت  رکن اسمبلی سنیل کی جانب سے مندر کے لئے تعمیر کردہ مہا دوار(صدردروازہ) کی افتتاحی تقریب کاانعقاد ہوا۔  شری رام اکشھتر کے شری برہمانند ...

بھٹکل میں دس سال مکمل ہونے کے باوجود نیشنل ہائی وے کام نامکمل؛ سرکل پر سے فلائی اوور غائب؛ این ایچ ڈیولپمنٹ کمیٹی نے رکھے مطالبات؛ نہ ماننے کی صورت میں زبردست احتجاج کادیا انتباہ

  بھٹکل  میں دس سال سے جاری نیشنل ہائی وے فورلائن  کا کام مکمل ہونے کا نام نہیں لے رہا ہے، ہر طرف کام کو ادھورا چھوڑا گیا ہے جس سے ہائی وے  کی خستہ حالی ظاہر ہورہی ہے۔ ایسے میں پتہ چلا ہے کہ ہائی وے کو تعمیر کرنے والی کنٹریکٹ کمپنی آئی آر بی نے  شمس الدین سرکل پر  جو فلائی اوور ...

انجمن پی یوکالج فورویمن بھٹکل میں چوہترواں جشن ِیوم جمہوریہ

26 جنوری بروز جمعرات صبح  آٹھ بجے انجمن پی یو کالج فار ویمن کے خدیجہ سید علی کیمپس  کے احاطے میں بدستِ پرنسپل ڈاکٹر فرزانہ محتشم کے رسمِ پرچم کشائی کی تقریب کاانعقاد کیا گیا۔ اس موقع پرطالبات سے خطاب کرتے ہوئے فرزانہ محتشم نے بتایا کہ 26 جنوری کی اہمیت یہ ہے کہ حکومت ہند ایکٹ ...