بھٹکل  3/جولائی (ایس او نیوز)  آج جمعہ کو ضلع اُترکنڑا میں پھر کورونا کے پانچ معاملات سامنے آئے ہیں جس میں تین معاملات بھٹکل ، ایک سرسی اور ایک  منڈگوڈ سے ہے۔

ذرائع سے ملی اطلاع کے مطابق آج بھٹکل کے جن تین لوگوں کی رپورٹ پوزیٹیو آئی ہے، وہ چار روز قبل کار پر سوار ہوکر وجئے واڑہ سے بھٹکل پہنچے تھے۔ بتایا گیا ہے کہ میاں بیوی اور دو بچوں سمیت چار لوگ وجئے واڑہ سے آنے کے بعد ہوم کورنٹائن میں تھے جس میں سے  تین لوگوں 34 سالہ خاتون، 13 سالہ لڑکی   اور دس سالہ لڑکے  کی رپورٹ پوزیٹیو آئی ہے۔ آج آئی رپورٹ میں سرسی کے ایک 40 سالہ شخص کی بھی رپورٹ پوزیٹیو آئی ہے جس کے تعلق سے بتایا گیا ہے کہ وہ بنگلور سے لوٹا تھا، جبکہ منڈگوڈ میں ایک  73 سالہ عمر رسیدہ شخص کی بھی رپورٹ کورونا پوزیٹیو آئی ہے جس  کے تعلق سے پتہ لگایا جارہا ہے کہ کس کے رابطے میں آنے سے اس کی رپورٹ پوزیٹیو نکلی ہے۔

کمس سے آٹھ لوگ ڈسچارج:   اُدھر کاروار انسٹی ٹیوٹ آف میڈیکل سائنس (کمس ) سے آج آٹھ لوگ صحت یاب ہوکر ڈسچارج بھی ہوئے ہیں جن میں بھٹکل کے دو لوگ (75سالہ شخص اور تین سالہ بچی)،  چکمنگلور سے  25 سالہ شخص، ہوناور سے 33سالہ عورت، ڈانڈیلی سے 50 سالہ شخص، منڈگوڈ سے 27 سالہ شخص اور سرسی سے 55 سالہ شخص شامل ہیں۔ ان سب کو آج جمعہ کو اسپتال سے  اُن کے اُن کے گھر روانہ کیا گیا ہے۔