بھٹکل 12/جولائی (ایس او نیوز) اُترکنڑا میں آج کورونا کے 13 معاملات سامنے آئے ہیں جس میں تین بھٹکل سے  ہیں۔ اس دوران بھٹکل میں ایک 67 سالہ شخص کی موت بھی واقع ہوئی ہے جن کے تعلق سے پتہ چلا ہے کہ اُن کی رپورٹ کورونا پوزیٹیو آئی ہے۔

ضلع میں جو 13 نئے کورونا معاملات سامنے آئے ہیں اُن میں تین بھٹکل کے ہیں۔ بتایا گیا ہے کہ  مخدوم کالونی بندر روڈ سے ایک 23 سالہ نوجوان کی رپورٹ مینگلور میں جانچ کے دوران پوزیٹیو آئی ہے،   ہیبلے کوکنیر کے رہنے والے ایک 25 سالہ نوجوان کی بھی رپورٹ پوزیٹیو آئی ہے جو  بنگلور سے لوٹا تھا۔ اسی طرح بھٹکل کے بیلکے کے ایک 17 سالہ لڑکے کی رپورٹ بھی پوزیٹیو آنے کی خبر ملی ہے۔ اُدھر کاروار سے ملی اطلاع کے  مطابق وہاں پانچ لوگوں کی رپورٹ پوزیٹیو آئی ہے جس میں  ایک 25 سالہ لڑکی ضلعی اسپتال میں ملازمت کرتی ہے۔اس کے رابطے میں آنے والے ایک شخص سمیت ایک بنگلور سے لوٹنے والے شخص کی بھی رپورٹ پوزیٹیو آئی ہے۔ جبکہ دیگرجن دو لوگوں کی رپورٹ پوزیٹیو آئی ہے اُس کا رابطہ تلاش کیا جارہا ہے اور پتہ نہیں چل پایا ہے کہ وہ کن کے رابطے میں تھے۔ سداپور، ڈانڈیلی، ہلیال اور کمٹہ سے بھی ایک ایک کی رپورٹ پوزیٹیو آنے کی خبر ہے۔