کاروار:25؍جون (ایس او نیوز) پسماندہ طبقات وذات والوں کے مسائل اور شکایات کو حل کرنے کے لئے ہر ماہ کی دوسری اتوار کو سبھی پولس تھانوں میں ’’ یومِ دلت ‘‘ منانے کے لئے منصوبہ تشکیل دینے اترکنڑاڈی سی ڈاکٹر ہریش کمار نے پولس محکمہ کو ہدایات جاری کی ہیں۔
پیر کو ڈی سی دفتر میں منعقد ہوئی پسماندہ طبقات اور ذات بیداری اور نگراں کمیٹی میٹنگ کی صدارت کرتے ہوئے ڈی سی ہریش کمار نے کہاکہ دلت طبقہ میں خو د اعتمادی پیدا کرنے کے سلسلے میں ان کے مسائل کی سماعت کرنے اورانہیں حل کرنے کے لئے محکمہ پولس کی جانب سے ہر ماہ کی دوسری اتوار کو یوم دلت منانے کا حکومت نے حکم دیا ہے۔ اس سلسلے میں اتر کنڑا ضلع کے سبھی پولس تھانوں میں یوم دلت کے متعلق پروگرام تشکیل دینے کہا۔
ہر ماہ دوسری اتوار کو پولس تھانے میں یوم دلت پروگرام منعقد کیاجائے جس میں علاقے کے دلت لیڈران کومدعو کریں۔ وہاں ان کے مسائل کو حل کرنے کی کوشش کریں اور اگر مسئلہ یا شکایت اعلیٰ افسران کے دائرہ اختیار کی ہے تو تھانہ انسپکٹر اعلیٰ افسران کو رپورٹ سونپیں۔ اس کے بعد ماہ کے آخری اتوار کو منعقد ہونے والی اعلیٰ افسران کی میٹنگ میں پولس کے اعلیٰ افسران رپورٹ پر کارروائی کریں گے ۔
انہوں نے ضلع سماجی ترقی و فلاح بہبودی محکمہ میں پسماندہ طبقات اور ذات والوں کے مسائل کے متعلق شکایت وصول کرتے ہوئے حل کرنےکی افسران کو ہدایت دی ۔ انسداد ظلم قانون کے متعلق بیداری پیدا کرنے محکمہ کی طرف سے پروگرام بنانے کو کہا۔ انہوں نے بتایا کہ جعلی دستاویزات کی بنیاد پر حاصل کی گئیں 49ذات کی اسناد کو رد کیاگیا ہے، عدالت میں زیر سماعت معاملات حل ہونے کے بعد بقیہ معاملوں پر مناسب کارروائی کرنےکی بات کہی۔
انسداد ظلم قانون 1995کی دفعہ 17کے تحت پسماندہ طبقات اور ذات والوں کی ضلعی کمیٹی تشکیل دی گئی ہے، ڈی سی کمیٹی کے صدر ہونگے۔ ضلع کے منتخب ایم پی اور ودھان سبھا کے ارکان اسمبلی اور ودھان پریشد کے ارکان ، ضلع ایس پی ، ضلع سرکاری پراسی کیوٹر، ہلیال کے دیوگ سدی، کمٹہ تعلقہ کے منجوناتھ کمار اگیر، منڈگوڈ تعلقہ کے ایس پکیرپا ، سرسی تعلقہ کی گیتا رامنا بھوی، ڈی بنگارپا، ڈاکٹر وینکٹیش نائک ،ہوناور تعلقہ کے تلسی داس گنپتی پاوسکر، کاروار کی یمونا گاؤنکر ممبران ہونگے۔ محکمہ سماجی ترقی کے نائب ڈائرکٹرپرشوتم ممبر سکریٹری ہونگے۔ منتخب نمائندوں کے سوا تمام ممبران میٹنگ میں حاضر تھے۔