بلندشہر میں سادھووں کے قتل پر شیو سینا نے کہا-اسے فرقہ وارانہ رنگ نہ دیں، کانگریس نے کیا یہ مطالبہ

Source: S.O. News Service | By Shahid Mukhtesar | Published on 29th April 2020, 12:32 PM | ملکی خبریں | ان خبروں کو پڑھنا مت بھولئے |

 نئی دہلی ، 29؍اپریل (ایس او نیوز؍ایجنسی)  اترپردیش کےبلند شہر میں پیرکی دیر رات دو سادھووں کےقتل کے معاملے میں اب شیو سینا  اورکانگریس  بھی اتر آئی ہیں اور اسےفرقہ وارانہ رنگ نہیں دینےکی اپیل کی ہے۔ شیو سینا لیڈر اور راجیہ سبھا رکن پارلیمنٹ سنجے راوت نے اس پورےحادثہ کو خطرناک بتایا ہے۔ ہندی میں کئےگئے اپنے ایک ٹوئٹ میں سنجے راوت نےلکھا، ’خطرناک! بلندشہر، یوپی کے ایک مندر میں دو سادھووں کا قتل، لیکن میں سبھی سے اپیل کرتا ہوں کہ وہ اسے فرقہ وارانہ نہ بنائیں، جس طرح سےکچھ لوگوں نے پال گھر معاملے میں کرنےکی کوشش کی۔

واضح رہےکہ اترپردیش کےضلع بلند شہر میں دو سادھوں کے قتل کے معاملے میں پولیس نے ایک دلت نوجوان کو گرفتارکیا ہے۔ ایس ایس پی سنتوش کمارسنگھ نے پیرکو بتایاکہ یہ واقعہ انوپ شہرکوتوالی علاقے پگونا گاؤں کے ایک شیو مندر میں گذشتہ رات اس وقت پیش آیا جب دو سادھو رات میں سو رہے تھے اور اسی حالت میں ان کا دھار دار ہتھیار سے قتل کردیا گیا۔ سادھووں کےقتل کے ملزمین نے پوچھ گچھ میں کہا کہ بھگوان (خدا) کی مرضی تھی، اس لئے ڈنڈے سے پیٹ پیٹ کر دونوں سادھووں کو مارڈالا۔ بتایا جاتا ہےکہ شیو مندر میں گزشتہ تقریباً 10 سالوں سے سادھو جگن داس (عمر 55 سال) اور سیوا داس (35 سال) رہتے تھے۔ دونوں سادھو مندر میں رہ کر پوجا ارچنا میں لگے رہتے تھے۔

وہیں، اس پورےحادثہ پر افسوس کا اظہار کرتے ہوئےکانگریس جنرل سکریٹری پرینکا گاندھی واڈرا نے مطالبہ کیا کہ سچائی سامنے آنی چاہئے اور اس موضوع پر سیاست نہیں کی جانی چاہئے۔ انہوں نے ٹوئٹ کرتے ہوئےکہا، ’اپریل کے پہلے 15 دنوں میں ہی اترپردیش میں 100 لوگوں کا قتل ہوگیا۔ تین دن پہلے ایٹہ میں پچوری فیملی کے 5 لوگوں کی لاش مشکوک حالت میں پائی گئی۔ کوئی نہیں جانتا ان کے ساتھ کیا ہوا۔ آج بلند شہر میں ایک مندر میں سو رہے دو سادھووں کو بے رحمی سے موت کے گھاٹ اتار دیا گیا۔ ایسے گھناونے جرم کی گہرائی سے جانچ ہونی چاہئے اور اس وقت کسی کو بھی اس معاملے میں سیاست نہیں کرنی چاہئے۔ منصفانہ جانچ کرکے پوری سچائی صوبےکےسامنے لانی چاہئے۔ یہ حکومت کی ذمہ داری ہے’۔

دوسری جانب واقعہ کا وزیر اعلیٰ یوگی آدتیہ ناتھ نے نوٹس لیتے ہوئےضلع کے سینئر افسران کو اس ضمن میں تفتیش کر کے رپورٹ پیش کرنے کی ہدایت دی ہے۔ انہوں نے خاطیوں کےخلاف سخت کاروائی کرنےکا حکم دیا ہے۔ پولیس نےکہا کہ صبح جب مقامی افراد پوجا کےلئے مندرگئے تو دونوں کی لاشیں خون میں لت پت پڑی ہوئی دیکھ کر پولیس کو مطلع کیا، جب سے دونوں سادھوں کے قتل کا پتہ چلا ہے، علاقے میں کشیدگی پھیل گئی ہے اور لوگوں میں کافی اشتعال ہے۔ مندرکےقریب کافی تعداد میں لوگ اکٹھا ہوگئے۔

ایس ایس پی نے بتایا کہ اس ضمن میں پولیس نے مراری نام کےشخص کو گرفتارکیا ہے۔ وہ موقع واردات سے دو کلو میٹردور نیم برہنہ حالت میں نشے میں مست ملا ہے۔ اس کے ہاتھ میں وہ تلوار بھی تھی، جس سے اس نے قتل کیا ہے۔ مراری اسی گاؤں کار ہنے والا ہے۔ ایس ایس پی نے بتایا کہ دو دن قبل مراری نے سادھو جگدیش داس کا چمٹا غائب کردیا تھا، جسے لےکر بابا نے اسے کافی ڈانٹا تھا۔ مہلوکین کی شناخت جگن داس(55) اور سیوا داس(35) کے طور پر ہوئی ہے۔ دونوں گذشتہ 10سالوں سے مندر میں رہ رہے تھے۔

ایک نظر اس پر بھی

کورونا وائرس: ہندوستان میں لگاتار بڑھ رہے مریض، دوسرے دن بھی 28 ہزار سے زائد نئے معاملے

ملک میں کورونا وائرس کی شدت میں دن بہ دن اضافہ ہوتا جا رہا ہے اور لگاتار دوسرے دن بھی ساڑھے 28 ہزار سے زیادہ کیسز سامنے آئے ہیں، جس سے متاثرہ افراد کی تعداد بڑھ کر تقریباً 8.78 لاکھ ہوگئی ہے۔

حکومت اعتماد بحالی کے لیے کام کرے: مایاوتی

بہوجن سماج پارٹی (بی ایس پی) کی قومی صدر مایاوتی نے اتوار کو کہا کہ وکاس ڈوبے کے واقعہ کی آڑ میں اتر پردیش حکومت کو سیاست نہیں کرنی چاہیے اور اعتماد بحالی کی سمت میں بڑھنا چاہیے۔

یوپی میں کورونا کے پیش نظر جاری ایڈوائزری کی خلاف ورزی ، 24 لاکھ سے زیادہ چالان

 اترپردیش میں کورونا وائرس کی روک تھام کے پیش نظر ڈائریکٹر جنرل پولیس (ڈی جی پی) ایچ سی اوستھی کی جانب سے جاری کردہ ایڈوائزری کے مطابق پولیس نے پورے ریاست میں 23 لاکھ 66 ہزار 389 گاڑیوں کے ڈرائیوروں کے ساتھ ساتھ 43 کروڑ 05 لاکھ کا چالان کیا ہے۔

وکاس دوبے انکاؤنٹر:مخبری کے الزام میں گرفتار ایس آئی کو جان کا خطرہ، سپریم کورٹ پہنچے

کانپور کے بِکرو گاوں میں مجرم وکاس دوبے کے گھر پر پولیس کارروائی کی مخبری کرنے کے الزام میں اتر پردیش کے اسپیشل ٹاسک فورس(ایس ٹی ایف)کے ذریعہ گرفتار کئے گئے معطل سب انسپکٹر کے کے شرما نے اپنی اور بیوی کی جان کی حفاظت کے لئے سپریم کورٹ کا رخ کیا ہے۔

امیتابھ-ابھیشیک کے بعد ایشوریہ اور بیٹی ارادھیہ بھی کورونا سے متاثر

ملک میں لگاتار پھیل رہے کرونا وائرس کی زد میں اب بالی وڈ بھی آ چکا ہے۔ ہفتہ کی رات امیتابھ بچن اور ان کے بیٹے ابھیشیک بچن کے کورونا پازیٹو پائے جانے کے بعد لوگ ان کے خاندان کے تئیں فکرمندی کا اظہار کر رہے ہیں۔

کرناٹکا کے وزیر سی ٹی روی سمیت معروف فلم ایکٹر امیتابھ بچن کی رپورٹ بھی کورونا پوزیٹیو

کرناٹک میں کورونا کا پھیلاو اتنا زیادہ ہوگیا ہے کہ اس سے کوئی  محفوظ نظر نہیں آرہا ہے۔ آج  کرناٹکا ٹورسم منسٹر سی ٹی روی کی رپورٹ بھی کورونا پوزیٹیو آنے کی اطلاع ملی  ہے، وہ کرناٹک کے پہلے وزیر ہیں جن کی رپورٹ پوزیٹیو آئی ہے حالانکہ لوک سبھا ایم پی سومالتا امبریش، ایم ایل ...

بھٹکل شمس اسکول کا میٹرک میں شاندار پرفارمینس، چوتھی مرتبہ لگاتار صد فیصد نتائج

تربیت ایجوکیشن سوسائٹی کے تحت چلنے والے نیو شمس اسکول (آئی سی ایس ای) کے میٹرک امتحان میں  پھر ایک بار شمس نے شاندار تعلیمی پرفارمینس پیش کرتے ہوئے چوتھی مرتبہ لگاتار صد فیصد نتائج دینے میں کامیاب رہا ہے۔ 

گرین ویلی نیشنل اسکول شیرور کی شاندار کارکردگی کا سلسلہ ہنوز جاری،ICSE میں پھرسو فیصد نتائج

پڑوسی علاقہ شیرور کے گرین  ویلی نیشنل اسکول نے ہمیشہ کی طرح اس بار بھی شاندار تعلیمی کامیابی حاصل کرنے کا سلسلہ جاری رکھا ہے اور اس بار بھی آئی سی ایس ای(ICSE)  گریڈ X میں  پھر ایک بار صد فیصد کامیابی درج کرتے ہوئے نہ صرف پورے اُڈپی ضلع بلکہ پورے کرناٹک میں اپنے اسکول سمیت علاقہ ...