اترکنڑا ضلع میں ودھان پریشد انتخابات میں ذات ، طبقہ کا کوئی شمار نہیں : گرام پنچایت ووٹوں پر نتائج کا فیصلہ
کاروار:20؍نومبر(ایس اؤ نیوز) دسمبر میں ہونے والے ودھان پریشد انتخابات میں سیاسی پارٹیوں کے امیدوار اپنی ذات اور طبقہ سے متعلقہ ووٹوں کی تعداد کی بنیاد پر جیت اور ہار کے حساب کتاب لگا رہےہیں۔ لیکن ماہرین کا کہنا ہے کہ پریشد کے انتخابات میں ذات کوئی معنی نہیں رکھتے اور طبقے کے ووٹوں کو شمار نہیں کیاجاسکتا۔
پریشد انتخابات میں دیہی اور شہری عوامی اداروں کو منتخب نمائندے ووٹ ڈالتے ہیں۔ اس بنیاد پر اکثریت والی ذات کے ووٹوں سےجیت کا کوئی بھی دعویٰ نہیں کرسکتا۔ طئے شدہ ریزرویشن کی بنیاد پر منتخب ہونےو الی مقامی عوامی اداروں کے نمائندوں میں سبھی ذات اور طبقات شامل ہوتےہیں اور پریشد کے انتخابات میں پارٹی ہی اہم ہوتی ہے۔
اترکنڑا ضلع میں کل 2916رائے دہندگان ہیں۔ جس میں شہری میونسپالٹی کے 261ووٹ بھی شامل ہیں۔ بقیہ میں 2655 ووٹرس گرام پنچایت کے ممبران ہیں تو ضلع پنچایت کے 40اور تعلقہ پنچایت کے 130ممبران ووٹ دینے سےمحروم ہیں۔ گرام پنچایت کے کل ووٹوں میں 212پچھڑی ذات، 208پسماندہ ذات، 885پسماندہ طبقہ اور 1282جنرل طبقے سے تعلق رکھتے ہیں۔ اب امیدوار پسماندہ ذات اور طبقے کے ممبران کو ترغیب دےکر ووٹ میں منتقل کرنےکی کسرت کرسکتےہیں۔
ضلع کی 11شہری مونسپالٹی اداروں میں کل 261ووٹرس ہیں۔ جوئیڈا تعلقہ میں شہری میونسپالٹی نہیں ہے تو بھٹکل کی جالی پنچایت میں منتخب نمائندےنہیں ہیں۔ ڈانڈیلی میونسپالٹی میں 30،کاروار میونسپالٹی میں 31، سرسی میں 32،ہلیال میں 25، انکولہ میں 23، کمٹہ میں 24،بھٹکل میں 23، یلاپور میں 19،منڈگوڈ مٰں 19، سداپور میں 15اور ہوناور میں 20رائے دہندگان ہیں۔ جوئیڈاتعلقہ کے گانگوڈ گرام پنچایت میں صرف 4ووٹ ہیں۔ نئی تشکیل شدہ گرام پنچایت میں صرف چار ممبران ہونےکی وجہ سےیہاں 4ہی ووٹ ہیں۔
10ووٹوں سےکم 84گرام پنچایت :ضلع میں 84سے زائد گرام پنچایت ایسے ہیں جہاں 10سے بھی کم ووٹ ہیں۔ کاروار تعلقہ کے کیروڑی ، وائیل واڑا میں صرف پانچ ووٹر س ہیں۔ اسی طرح ضلع کے مختلف تعلقہ جات کے گرام پنچایت میں کہیں 6، 8، 9ووٹر س ہیں۔ ضلع میں6گرام پنچایت ایسے ہیں جہاں صرف5ووٹ ہیں۔ 8گرام پنچایتوں میں 6، 20گرام پنچایتوں میں 7، 32گرام پنچایتوں میں 8اور 27گرام پنچایتوں میں 9ووٹر س ہیں۔ کاروار کی چتاکول اور بھٹکل کی شرالی گرام پنچایت میں سب سے زیادہ فی کس 36اور کمٹہ کے گوکرن گرام پنچایت میں 34ووٹ ہیں تو اسی طرح جوئیڈا کے گانگوڈ میں سب سے کم صرف 4 ہیں۔
سرسی تعلقہ میں سب سے زیادہ یعنی 355رائے دہندگان ہیں۔ کمٹہ میں 344، ہوناور میں 341، بھٹکل میں 308، کاروار میں 254، انکولہ میں 249، ہلیال میں 236، منڈگوڈ میں 213، یلاپور میں 179،جوئیڈا میں 136، ڈانڈیلی میں 66ووٹ ہونے کی جانکاری ملی ہے۔
